1 Laˬsaˬbaˬ 29:23 - Akha

²³ Kʼoeˇ naˇ, Sahˬpaˬ Miˬyehˇ neh laˆ saˆ taˬ-euˬ nuiˇ mahˬ pyeuꞈ-eu aˬ yawꞈ aˬ daˬ Daˬbiˇ-euˬ dzoeˬ dzaˬ nuiˇ mahˬ-ahˇ Sawˇlaˬmoˬ nuiˇ-awˇ, sahˬ paˬ keuˆ leˇ-euˬ meh. Aˬ yawꞈ-aˬ, baoˬ huiˬ-eu sahˬ paˬ tiˬ gʼaˬ pyeuꞈ-awˇ, Iˇsaˬleˬlaˆ tsawˇ jeuˬ jeuˬ lah ni aˬ yawꞈ-euˬ dawˬ-ahˇ naˇ haˬ geuꞈ-euˬ meh.

1 Laˬsaˬbaˬ 29:23 Referans Kwoze

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

1 Sahˬpaˬ 2:12

Sawˇlaˬmoˬ gʼaˬ aˬ yawꞈ aˬ da-euˬ dah zaˇ sahˬ paˬ geuꞈ-awˇ, ziꞈ dah ni uˆ lahˇ-euˬ meh.

Lormav 13:1

Tsawˇ haˬ yawˬ gʼaˬ na luꞈ miˇ kʼahˬ sahˬ paˬ uˆ lahˇ-eu uˬ moˆ ya jawˇ meh. Aˬ jeˬ miˇ neh ehˇ naˇ, Miˬyehˇ neh maˬ biꞈ-euˬ gaˇ, uˆ lahˇ-eu baoˬ maˬ jaˆ nya-a. Sahˬ paˬ sahˬ ma deuˬ-aˬ, Miˬyehˇ neh baoˬ biꞈ-awˇ bi uˆ lahˇ-euˬ deuˬ pyeuꞈ-eu meh.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.

1 Laˬsaˬbaˬ 22:11

Daˬbiˇ paˇ ehˇ-eu, “Aˬ li-oˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ-awˇ, aˬ yawꞈ gʼaˇ duˬ uˬ duˬ tahˬ nymˇ tiˬ nymˇ tsoˆ doˆ nya ni nawˬ-ahˇ caw ba ma lehˇ, aˬ yawꞈ neh saˇ jaˇ dzaˬ taˬ-euˬ dawˬ-ahˇ ziꞈ luꞈ-uˇ.

1 Sahˬpaˬ 1:46

Nymˬ-mˇ poˆ jawˇ, Sawˇlaˬmoˬ sahˬ paˬ pyeuꞈ laˇ gʼaˬ-euˬ meh.

1 Laˬsaˬbaˬ 29:24

Yaw huiˬ yaw mahˇ deuˬ dawˬ tawˆ luꞈ maˬ ehˇ, yehˇ deuˬ dawˬ tawˆ luꞈ maˬ ehˇ, Daˬbiˇ-euˬ aˬ li nui deuˬ dawˬ tawˆ luꞈ maˬ ehˇ, sahˬ paˬ Sawˇlaˬmoˬ-ahˇ saˇ jaˇ ziꞈ ma lehˇ kamˬ-euˬ meh..

2 Laˬsaˬbaˬ 9:8

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ-euˬ tsawˇ myahˇ uˬ moˆ nawˬ-ahˇ sahˬ paˬ geuꞈ-awˇ bi uˆ lahˇ-eu laꞈ kʼoeˇ, aˬ yawꞈ nawˬ-ahˇ aˇ naˆ ni nui kʼahˇ shiˇ-eu gaˇ kawˆ bi siˬ bi mawˇ-euˬ meh. Iˇsaˬleˬlaˆ tsawˇ jeuˬ-ahˇ aˬ yawꞈ gaˬ-awˇ, aˬ yawꞈ maꞈ-ahˇ aˬ myah luꞈ ngehˬ gʼeh dah teˬ mawꞈ-eu miˇ neh, zahˇ dawˬ kʼoꞈ dawˬ hawˇ-eu yaw tsaˬ yaw dawˇ jeˬ-ahˇ nawˇ bi mˇ byah-eu gʼaˇ duˬ, aˬ yawꞈ maꞈ kʼoeˇ taˆ nawˬ-ahˇ sahˬ paˬ bi geuꞈ-euˬ nga.”

Dawˬmehˬ 34:9

Nuˬ-euˬ aˬ li Yawˇshuˆ-aˬ, noeˬ siˬ noeˬ mawˇ nya-eu tsawˇ gahˇ tiˬ byah ni ahˇ-eu meh. Aˬ jeˬ miˇ neh ehˇ naˇ, Moˇseˬ-euˬ gaˇ bi mˇ daˆ leꞈ-eu gʼaˇ duˬ, aˬ yawꞈ-ahˇ Moˇseˬ tseˇ doˆ-euˬ meh. Iˇsaˬleˬlaˆ tsawˇ haˬ deuˬ Yawˇshuˆ-euˬ ehˇ dawˬ naˇ haˬ-awˇ, Moˇseˬ-ahˇ gʼoe-awˇ Sahˬpaˬ Miˬyehˇ neh aˬ yawꞈ maꞈ-ahˇ biꞈ taˬ-euˬ zahˇ dawˬ kʼoꞈ dawˬ mehˬ nah caw teh-euˬ meh.

1 Sahˬpaˬ 1:13

Sahˬ paˬ Daˬbiˇ jawˇ gaˇ yaw kawˇ-ehˇ le-awˇ, ‘Sahˬ paˬ-oˇ, nawˇ jiˇ naˇ ngaˬ li Sawˇlaˬmoˬ-ahˇ sahˬ paˬ bi geuꞈ ma lehˇ, nawˇ ngaˬ-ahˇ saˇ jaˇ dzaˬ taˬ-euˬ jaˆ-eu maˬ ngeuˇ te loˇ. Toˆ-ehˇ ngeuˇ-eu jeˬ maˇ-iˬ, aˬ jeˬ miˇ neh Aˬdawˇniˇyaˆ gʼaˬ sahˬ paˬ pyeuꞈ laˇ taˬ’ lehˇ ehˇ nehˬ leˇ-awˬ.”

1 Sahˬpaˬ 1:30

Ngaˇ jiˇ naˇ, nawˬ li Sawˇlaˬmoˬ-ahˇ ngaˬ-euˬ dah zaˇ sahˬ paˬ bi geuꞈ-eu gʼaˇ duˬ, ngaˬ neh nawˬ-ahˇ saˇ jaˇ dzaˬ taˬ-euˬ dawˬ-ahˇ ngaˇ ziꞈ ma lehˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, iˬ nah ngaˇ kamˬ-eu ma.”

1 Sahˬpaˬ 1:35

Kʼoeˇ naˇ, aˬ yawꞈ gʼoꞈ laˇ-awˇ, ngaˬ-euˬ dzoeˬ dzaˬ nuiˇ mahˬ-ahˇ nuiˇ laˇ ngeh, naw maꞈ kʼawꞈ aˬ yawꞈ mehˬ nah caw teh kʼoꞈ laꞈ-awˬ. Aˬ yawꞈ-aˬ, ngaˬ-euˬ dah zaˇ sahˬ paˬ geuꞈ-awˇ uˆ lahˇ tehꞈ-a. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ ngaˇ tseˇ doˆ-euˬ ma.”

2 Sahˬpaˬ 11:19

Kʼoeˇ naˇ, aˬ yawꞈ maˬ ehˇ, aˬ yawꞈ-euˬ yaw huiˬ yaw mahˇ deuˬ maˬ ehˇ, sahˬ paˬ-ahˇ loꞈ piˇ-eu guiˇ maꞈ deuˬ maˬ ehˇ, sahˬ paˬ-euˬ nymˇ-ahˇ loꞈ piˇ-eu guiˇ maꞈ deuˬ maˬ ehˇ, sahˬ paˬ-ahˇ Uˬ duˬ tahˬ nymˇ nymˇ ma-ahˇ neh sahˬ paˬ-euˬ hawˇ nymˇ-ahˇ sheuˬ ha ngeh, miˇ kʼahˬ zaˬ dawˬ tawˆ luꞈ aˬ yawꞈ maꞈ-euˬ mehˬ nah caw teh-euˬ meh. Yawˇshaˆ-aˬ, guiˇ maꞈ deuˬ loꞈ-eu lahˇ kʼehˬ paw neh uˇ leˇ-awˇ, dzoeˬ dzaˬ nuiˇ mahˬ-ahˇ nuiˇ-euˬ meh.

2 Laˬsaˬbaˬ 1:1

Sahˬ paˬ Daˬbiˇ-euˬ aˬ li Sawˇlaˬmoˬ-aˬ, Iˇsaˬleˬlaˆ miˇ kʼahˬ-ahˇ ziꞈ dah ni uˆ lahˇ-awˇ, Sahˬpaˬ Miˬyehˇ pyeuꞈ-eu Miˬyehˇ aˬ yawꞈ-ahˇ guiˬ lahˬ biꞈ-awˇ, baoˬ huiˬ-eu sahˬ paˬ tiˬ gʼaˬ bi pyeuꞈ laˇ-euˬ meh.

2 Laˬsaˬbaˬ 1:8

Sawˇlaˬmoˬ ehˇ-eu, “Huiˬ dui dui-eu nawˬ-eu gʼoeˇ-eu gaˬ-euˬ jeˬ ngaˬ da Daˬbiˇ-ahˇ nawˇ aˬ myah luꞈ bi mawˇ-awˇ, nymˬ-mˇ, aˬ yawꞈ-euˬ dah zaˇ nawˇ ngaˬ-ahˇ sahˬ paˬ bi geuꞈ laꞈ-euˬ meh.

2 Laˬsaˬbaˬ 9:30

Sawˇlaˬmoˬ-aˬ, Yeˬluˇsaˬlehˬ meuˬ-ahˇ jawˇ-awˇ, Iˇsaˬleˬlaˆ miˇ kʼahˬ-ahˇ oeˬ tseˇ kʼoꞈ uˆ lahˇ-euˬ meh.

2 Laˬsaˬbaˬ 23:20

Guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, miˇ kʼahˬ zaˬ deuˬ kʼoeˇ taˆ aˬ yuiꞈ aˬ tsu geuꞈ-eu deuˬ maˬ ehˇ, miˇ kʼahˬ gaˇ mˇ-eu yaw huiˬ yaw mahˇ deuˬ maˬ ehˇ, miˇ kʼahˬ zaˬ dawˬ tawˆ luꞈ maˬ ehˇ, Yeˬhawˇyaˬdaˬ nehˬ-ehˇ tiˬ kawˆ loꞈ-ehˇ, sahˬ paˬ Yawˇshaˆ-ahˇ Uˬ duˬ tahˬ nymˇ nymˇ ma-ahˇ neh sahˬ paˬ-euˬ nymˇ-ahˇ sheuˬ ha nehˬ-euˬ meh. Aˬ yawꞈ maꞈ lahˇ kʼehˬ kʼehˬ ma kʼehˬ-ahˇ neh uˇ leˇ-awˇ, sahˬ paˬ Yawˇshaˆ gʼaˬ dzoeˬ dzaˬ nuiˇ mahˬ-ahˇ nuiˇ leˇ-euˬ meh.

Dawqdaq 1:1

Daˬbiˇ-euˬ aˬ li Iˇsaˬleˬlaˆ sahˬ paˬ Sawˇlaˆmoˬ-euˬ dawˬ daˬ deuˬ.