1 Laˬsaˬbaˬ 28:6 - Akha

⁶ “Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. ‘Nawˬ li Sawˇlaˬmoˬ-aˬ, ngaˬ-euˬ Uˬ duˬ tahˬ nymˇ nymˇ ma tsoˆ-eu gʼaˬ pyeuꞈ tehꞈ-a. Ngaˬ-euˬ aˬ li bi pyeuꞈ-eu lehˇ aˬ yawꞈ-ahˇ ngaˇ tseˇ doˆ-awˇ, ngaˇ aˬ yawꞈ-euˬ aˬ da-ahˇ duˇ-eu ma.

1 Laˬsaˬbaˬ 28:6 Referans Kwoze

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 4:5

Gaˇ kawˆ kʼoeˇ aˬ yawꞈ tiˬ hmˬ-ahˇ, “Aˬ yawꞈ maꞈ-ahˇ ngaˇ biꞈ nehˬ-awˇ, gʼaˬ naˬ bi naˬ-eu lehˇ lehˬ hmˬ taˬ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ maˬ paˇ bi uˇ leˇ ma” lehˇ paˇ ehˇ poˆ taˬ-euˬ meh.

HeˬByehˇ 3:3

Nymˇ-ahˇ ciˬ huiˬ ciˬ mahˇ-eu naˆ maˬ tseˇ, nymˇ tsoˆ-euˬ gʼaˬ-ahˇ ciˬ huiˬ ciˬ mahˇ dzehˬ-eu meh. Kʼoeˇ gaˇ duˇ ni, Yeˬsuˇ-aˬ, Moˇseˬ naˆ maˬ tseˇ ciˬ huiˬ ciˬ mahˇ nehˬ-eu jeˬ-ahˇ za geuˇ-eu meh.

2 Laˬsaˬbaˬ 1:9

Sahˬpaˬ Miˬyehˇ pyeuꞈ-eu Miˬyehˇ-oˇ, nawˬ neh ngaˬ da-ahˇ saˇ jaˇ dzaˬ taˬ-euˬ jeˬ bi byah laˇ-awˬ. Maˬ gui jiˇ coeˇ gaˇ keuˆ ni myaˬ-eu tsawˇ haˬ deuˬ kʼoeˇ taˆ, nawˇ ngaˬ-ahˇ sahˬ paˬ bi geuꞈ laꞈ-euˬ meh.

1 Sahˬpaˬ 5:5

‘Nawˬ-euˬ jawˇ duˬ-ahˇ ngaˇ sahˬ paˬ bi geuꞈ-eu lehˇ gʼeh-eu nawˬ li-aˬ, ngaˬ-euˬ gʼaˇ duˬ Uˬ duˬ tahˬ nymˇ nymˇ ma tsoˆ tehꞈ-a’ lehˇ, ngaˬ da Daˬbiˇ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Kʼoeˇ miˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma tsoˆ ma lehˇ ngaˇ noeˬ tsehˆ taˬ-euˬ ma.

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

Yeˬsaˬgeˬlaˇ 40:14

Gaˇ ma iˇ dzaˬ saˬ-iˇ-euˬ kuˆ lawˆ-ahˇ neh iˇ doˆ ngeh, Uˬ duˬ tahˬ nymˇ nymˇ ma-euˬ pu ka keuˆ le-eu meh. Kuˆ lawˆ kʼoeˇ lawˆ-ahˇ aˬ yawꞈ dza haw ngeh, yaw jeˇ paw ngaˬ tseˇ lmˇ byah-eu meh.