1 Laˬsaˬbaˬ 27:33 - Akha

³³ Aˬhiˇtawˇpeˬlaˇ-aˬ, sahˬ paˬ-ahˇ nui noeˬ nui duˇ biꞈ-eu gʼaˬ geuꞈ-awˇ, Aˬciˇ tsawˇ jeuˬ Huˇshaiˇ-aˬ, sahˬ paˬ-ahˇ mehˬ bawˬ mˇ-eu sahˬ paˬ-euˬ cawˬ geuꞈ-euˬ meh.

1 Laˬsaˬbaˬ 27:33 Referans Kwoze

2 Saˬmeuˬlaˆ 15:37

Aˬbaˇsaˬloˬ Yeˬluˇsaˬlehˬ meuˬ-ahˇ laˇ uˇ-eu nehˬ-ehˇ, Daˬbiˇ-euˬ cawˬ Huˇshaiˇ gʼaˬ kʼawꞈ, Yeˬluˇsaˬlehˬ meuˬ-ahˇ gʼoꞈ keuˆ leˇ-euˬ meh.

2 Saˬmeuˬlaˆ 15:12

Aˬbaˇsaˬloˬ lawˇ-eu shehˇ-eu jeˬ mˇ luꞈ ngeh, Giˇlo meuˬ-ahˇ kʼawꞈ, aˬ yawꞈ tsawˇ haˬ pyehˬ gʼeh-awˇ, sahˬ paˬ Daˬbiˇ-ahˇ nui noeˬ nui duˇ biꞈ-eu gʼaˬ pyeuꞈ-eu Aˬhiˇtawˇpeˬlaˇ-ahˇ bi sheuˬ laˬ-iˇ-euˬ meh. Sahˬ paˬ Daˬbiˇ-ahˇ puiˬ-eu lehˇ gʼeh luꞈ-eu paw gʼaˬ kʼaˆ laˇ tehˇ tehˬ-awˇ, Aˬbaˇsaˬloˬ-euˬ mehˬ nah caw teh-eu tsawˇ haˬ myaˬ laˇ tehˇ tehˬ luꞈ-eu meh.

2 Saˬmeuˬlaˆ 15:32

Uˬ duˬ tahˬ duˬ jaˆ-eu gawˬ duˇ uˬ du Daˬbiˇ le keuˆ ngeh, aˬ yawꞈ jah dui dui-eu cawˬ tiˬ gʼaˬ pyeuꞈ-eu Aˬciˇ tsawˇ jeuˬ Huˇshaiˇ-aˬ, mehˬ tsoeˬ cehˬ pyaˬ-awˇ uˬ duˬ-ahˇ miˇ tsaˬ jehˆ daˆ taˬ-euˬ laꞈ kʼoeˇ, Daˬbiˇ-ahˇ tahˬ puˬ laˇ-euˬ meh.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Jaceuq 55:13

Ehˇ kʼawꞈ, ngaˬ-ahˇ gʼoeˇ-eu ngaˬ-euˬ cawˬ nawˇ gʼaˬ kʼoeˇ loꞈ-ehˇ jahˇ nehˬ laꞈ gaˇ maˬ daˬ coeˇ nya.

2 Saˬmeuˬlaˆ 17:23

Aˬhiˇtawˇpeˬlaˆ-aˬ, aˬ yawꞈ neh nui noeˬ nui duˇ biꞈ-euˬ loꞈ-ehˇ aˬ cawˬ maˬ mˇ gaˇ ya mawˇ ngeh, mahˬ tahˬ laˆ dziˬ gʼa laˆ dawˆ-awˇ, aˬ yawꞈ jawˇ-eu meuˬ-ahˇ gʼoꞈ-iˇ-euˬ meh. Kʼoeˇ naˇ, kʼaˇ mˇ luiˆ paˬ-ehˇ jaˆ-eu jeˬ mˇ luiˆ jiˇ-awˇ, aˬ yawˇ yawꞈ paꞈ gʼeu sehꞈ-euˬ meh. Aˬ yawꞈ aˬ da-euˬ lmˬ bymˇ-ahˇ, aˬ yawꞈ-ahˇ baꞈ pahˬ nehˬ-euˬ meh.

2 Saˬmeuˬlaˆ 16:23

Aˇ nah aˇ yamˬ kʼoeˇ yamˬ-aˬ, Aˬhiˇtawˇpeˬlaˆ neh nui noeˬ nui duˇ kʼaˇ biꞈ-euˬ jeˬ-ahˇ, Miˬyehˇ-euˬ dawˬ loꞈ-ehˇ naˇ haˬ geuꞈ luꞈ-eu aˇ yamˬ meh. Daˬbiˇ hawˇ-eu Aˬbaˇsaˬloˬ aˬ ha nyaꞈ nyiˬ da zaˬ luꞈ, Aˬhiˇtawˇpeˬlaˆ-euˬ dawˬ-ahˇ maˬ leuˇ ni caw teh-euˬ meh.

1 Laˬsaˬbaˬ 27:32

Daˬbiˇ-euˬ aˬ zawˇ Yawˇnaˆshaˬ-aˬ, nya dui dui-eu nui noeˬ nui duˇ biꞈ-eu tsawˇ haˬ tiˬ gʼaˬ pyeuꞈ-awˇ, zaˬ siˬ tsawˇ gahˇ byah dui dui-eu meh. Aˬ yawꞈ hawˇ-eu Haˬkaˬmoˇniˇ-euˬ aˬ li Yeˬheˬlaˇ aˬ nyaꞈ-aˬ, sahˬ paˬ-euˬ aˬ li deuˬ-ahˇ sahˬ boꞈ mehˬ-eu paw haw-eu pyaˆ-eu gʼaˬ geuꞈ-euˬ meh.

1 Sahˬpaˬ 4:5

Naˬdaˬ-euˬ aˬ li Aˬzaˬyiˇ-aˬ, miˇ kʼahˬ kʼahˬ zaˬ biˇ taˬ-euˬ kʼoeˇ taˆ uˆ lahˇ-eu sahˬ paˬ sahˬ ma deuˬ-ahˇ haw-eu pyaˆ-eu gʼaˬ geuꞈ-euˬ meh. Naˬdaˬ-euˬ aˬ li Zaˬbuˆ-aˬ, sahˬ paˬ-ahˇ nui noeˬ nui duˇ biꞈ-euˬ gʼaˬ geuꞈ-euˬ meh.