1 Laˬsaˬbaˬ 25:5 - Akha

⁵ Aˬ li heu deuˬ dawˬ tawˆ luꞈ, sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Heˬmaˬ-euˬ aˬ li tehꞈ meh. Aˬ yawꞈ-ahˇ ciˬ huiˬ ciˬ mahˇ nehˬ ma lehˇ Miˬyehˇ saˇ jaˇ dzaˬ taˬ-euˬ loꞈ-ehˇ, aˬ li kʼoeˇ deuˬ biꞈ nehˬ-euˬ meh. Aˬ li kʼoeˇ tseˇ oeˬ li uꞈ taꞈ, aˬ buˇ smˬ buˇ kʼawꞈ Heˬmaˬ-ahˇ Miˬyehˇ biꞈ nehˬ-euˬ meh.

1 Laˬsaˬbaˬ 25:5 Referans Kwoze

1 Laˬsaˬbaˬ 21:9

Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

1 Laˬsaˬbaˬ 28:5

Ngaˬ-ahˇ aˬ li gʼawˬ mya li bi jawˇ le-awˇ, aˬ li kʼoeˇ deuˬ dawˬ tawˆ luꞈ laꞈ kʼoeˇ, Sahˬpaˬ Miˬyehˇ-euˬ miˇ kʼahˬ heu kʼahˬ-ahˇ bi uˆ lahˇ-eu gʼaˇ duˬ, Sawˇlaˬmoˬ-ahˇ aˬ yawꞈ tseˇ doˆ-euˬ meh.

2 Saˬmeuˬlaˆ 24:11

Uˬ shawˬ paw Daˬbiˇ uˬ suˇ tuˇ ngeh yamˬ-ahˇ, Daˬbiˇ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Gaˆ-ahˇ, Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Daˬbiˇ jawˇ gaˇ iˇ-awˇ, gaˇ kawˆ smˇ jeˬ laꞈ kʼoeˇ aˬ yawꞈ-ahˇ tiˬ jeˬ bi tseˇ geuꞈ-awˇ, aˬ yawꞈ neh kʼaˇ tseˇ geuꞈ-euˬ jeˬ ngaˇ bi keuˆ ma lehˇ ehˇ nehˬ-iˇ-awˬ.”

1 Saˬmeuˬlaˆ 9:9

(Aˇ hu maˇ diˇ aˇ hu-aˬ, tsawˇ haˬ tiˬ gʼaˬ na Miˬyehˇ gaˇ kawˆ siˬ mawꞈ naˇ, ‘Laˇ-awˬ. Shaˆ ma jawˇ gaˇ le kaˇ-euˇ’ lehˇ ehˇ-eu meh. Aˬ jeˬ miˇ neh ehˇ naˇ, nymˬ-mˇ Miˬyehˇ gʼaˇ duˬ ngehˬ dah-eu gʼaˬ lehˇ kuˇ gaˇ, aˇ hu shaˆ ma lehˇ kuˇ-euˬ meh.)

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

1 Laˬsaˬbaˬ 25:4

Heˬmaˬ-euˬ aˬ li tseˇ oeˬ gʼaˬ-aˬ, Buˇkiˇyaˆ, Maˬtaˬniˇ, Awˇzeˬlaˇ, Sheˬbeuˬlaˇ, Yeˬliˇmoˆ, Haˬnaˬniˇyaˆ, Haˬnaˬniˇ, Eˇliˇdah, Giˇdaˬlaˬtiˇ, Yawˇmaˬtiˇeˇzaˬ, Yawˇshaˆbeˬkaˬshahˬ, Maˬlawˇdiˇ, Hawˇdiˇlaˆ, Maˬhaˬziˇawˆ aˬ ha mehˇ nmˇ meh.

2 Laˬsaˬbaˬ 35:15

Caˇ dawˬ caˇ-eu deuˬ pyeuꞈ-eu Leˬbiˇ tsawˇ jeuˬ Aˬsaˆ aˇ ca deuˬ-aˬ, sahˬ paˬ Daˬbiˇ, Aˬsaˆ, Heˬmaˬ hawˇ-eu sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Yeˬduˇdoˬ aˬ ha maꞈ neh mehˬ taˬ yaꞈ-euˬ loꞈ-ehˇ, aˬ yawꞈ maꞈ-ahˇ biꞈ taˬ-euˬ jawˇ duˬ-ahˇ ya jawˇ-eu meh. Uˬ duˬ tahˬ nymˇ nymˇ ma -euˬ lahˇ kʼehˬ deuˬ-ahˇ loꞈ-eu deuˬ-aˬ, aˬ yawꞈ maꞈ-euˬ loꞈ duˬ-ahˇ byehˇ yaꞈ-awˇ bawˬ-iˬ gʼeh gaˇ iˇ-eu maˬ loˬ-a. Aˬ jeˬ miˇ neh ehˇ naˇ, Leˬbiˇ tsawˇ haˬ nui deuˬ neh aˬ yawꞈ maꞈ gʼaˇ duˬ Baˬsaˬkaˬ Bawˬ-iˬ lehˬ hmˬ nehˬ-eu meh.