1 Laˬsaˬbaˬ 25:25 - Akha

²⁵ Tseˇ yehꞈ muˇ tiˬ muˇ-aˬ, Haˬnaˬniˇ hawˇ-eu aˬ yawꞈ-euˬ aˬ li deuˬ, aˬ yawꞈ-euˬ aˬ yuiꞈ aˬ nyiˇ deuˬ meh.

1 Laˬsaˬbaˬ 25:25 Referans Kwoze

1 Laˬsaˬbaˬ 25:24

Tseˇ shiꞈ muˇ tiˬ muˇ-aˬ Yawˇshaˆbeˬkaˬshahˬ hawˇ-eu aˬ yawꞈ-euˬ aˬ li deuˬ, aˬ yawꞈ-euˬ aˬ yuiꞈ aˬ nyiˇ deuˬ meh.

1 Laˬsaˬbaˬ 25:26

Tseˇ gʼoeˬ muˇ tiˬ muˇ-aˬ, Maˬlawˇdiˇ hawˇ-eu aˬ yawꞈ-euˬ aˬ li deuˬ, aˬ yawꞈ-euˬ aˬ yuiꞈ aˬ nyiˇ deuˬ meh.

1 Laˬsaˬbaˬ 9:14

Yeˬluˇsaˬlehˬ meuˬ-ahˇ jawˇ-euˬ Leˬbiˇ tsawˇ haˬ deuˬ-aˬ, heu deuˬ meh. Haˬshuˇbaˆ-euˬ aˬ li Sheˬmaˇyaˬ, (Sheˬmaˇyaˬ-euˬ tsuiꞈ daˆ-aˬ, Sheˬmaˇyaˬ, Haˬshuˇbaˆ, Aˬzaˬliˇkmˬ, Haˬshaˬbiˇ, Meˬlaˬliˇ lehˇ meh.)

1 Laˬsaˬbaˬ 28:21

Uˬ duˬ tahˬ nymˇ nymˇ ma laꞈ kʼoeˇ yawˬ ha-ahˇ doˇ-eu gaˇ yawˬ ha mˇ-eu gʼaˇ duˬ piˇ ma deuˬ hawˇ-eu Leˬbiˇ tsawˇ haˬ deuˬ-ahˇ gaˇ biꞈ gʼaˬ taˬ-euˬ meh. Nymˇ tsoˆ gaˇ taꞈ leˇ-awˇ, aˬ yawꞈ jeˬ yawꞈ paw nya-eu tsawˇ haˬ deuˬ nawˬ-ahˇ caw ba-eu nui ma keuˆ-awˇ, miˇ kʼahˬ zaˬ dawˬ tawˆ luꞈ hawˇ-eu aˬ yuiꞈ aˬ tsu dawˬ tawˆ luꞈ, nawˬ-euˬ dawˬ naˇ haˬ tehꞈ-a.”

2 Laˬsaˬbaˬ 23:8

Leˬbiˇ tsawˇ haˬ deuˬ hawˇ-eu Yuˇdaˆ tsawˇ haˬ deuˬ Yeˬhawˇyaˬdaˬ neh mehˬ nehˬ tsoˆ nehˬ taˬ-euˬ loꞈ-ehˇ mˇ-euˬ meh. Jawˇ nah ngeh nah yawˬ ha-ahˇ daˇ-eu gaˇ mˇ gʼaˬ-awˇ gʼoꞈ-iˇ-eu tsaˬ-eu deuˬ-ahˇ kʼawꞈ maˬ pyehˬ nehˬ-euˬ miˇ neh, gaˇ mˇ laˇ-eu lehˇ laˇ-euˬ deuˬ nehˬ-ehˇ tiˬ kawˆ loꞈ-ehˇ, yaw huiˬ deuˬ uˆ lahˇ-eu uˬ moˆ tiˬ gaˇ uiˬ leˇ jiˇ taˬ-euˬ meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

Eˇzaˬlaˬ 2:41

Aˬsaˆ-euˬ zaˬ deuˬ uˆ deuˬ pyeuꞈ-eu Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu deuˬ, tiˬ yaˇ nyiˬ tseˇ yehꞈ gʼaˬ,

Eˇzaˬlaˬ 3:10

Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.

Neˬhaˬmiˇ 12:45

Aˬ jeˬ miˇ neh ehˇ naˇ, Miˬyehˇ neh dawˬ biꞈ taˬ-eu loꞈ-ehˇ shawˇ-eu zahˇ hawˇ-eu zahˇ sahˇ kʼoꞈ-ahˇ taꞈ-awˇ ya mˇ-eu gaˇ deuˬ aˬ yawꞈ maꞈ mˇ-euˬ meh. Uˬ duˬ tahˬ nymˇ nymˇ ma-ahˇ caˇ dawˬ caˇ-eu deuˬ hawˇ-eu loꞈ-eu tsawˇ haˬ deuˬ kʼawꞈ, sahˬpaˬ Daˬbiˇ hawˇ-eu aˬ yawꞈ-euˬ aˬ li Sawˇlaˬmoˬ neh dawˬ biꞈ taˬ yaꞈ-euˬ loꞈ-ehˇ, yawˬ ha-ahˇ daˇ-eu gaˇ deuˬ-ahˇ yaw muiˬ paˬ-ehˇ mˇ-euˬ meh.