1 Laˬsaˬbaˬ 23:5 - Akha

⁵ Oeˬ heˇ gʼaˬ-aˬ, gʼoˆ kʼehˬ-ahˇ loꞈ piˇ-eu gaˇ mˇ-awˇ, oeˬ heˇ gʼaˬ-aˬ, ngaˬ neh biꞈ-euˬ caˇ dawˬ caˇ gaˇ zmˬ-eu keu ka deuˬ yuˇ-awˇ, Sahˬpaˬ Miˬyehˇ-ahˇ caˇ-awˇ ja ceuˬ-eu deuˬ geuꞈ-awˬ.”

1 Laˬsaˬbaˬ 23:5 Referans Kwoze

Aˬmoˆ 6:5

Daˬbiˇ caˇ dawˬ yuˇ doˆ-awˇ deuˇ-mˬ diˬ niˇ gʼa-eu loꞈ-ehˇ, naw maꞈ kʼawꞈ kʼoeˇ loꞈ-ehˇ jahˇ mawꞈ-eu meh.

Jaceuq 87:7

“Guiˬ lahˬ yaw dzahˇ dawˬ tawˆ luꞈ, Ziˇoˬ meuˬ-ahˇ neh oe-euˬ meh” lehˇ, aˬ yawꞈ maꞈ gaˇ nyeh nyeh-awˇ caˇ tehꞈ-a.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

Neˬhaˬmiˇ 7:73

Piˇ ma deuˬ, Leˬbiˇ tsawˇ haˬ deuˬ, Uˬ duˬ tahˬ nymˇ nymˇ ma-ahˇ loꞈ-eu deuˬ, caˇ dawˬ caˇ-eu deuˬ, miˇ kʼahˬ zaˬ deuˬ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ hawˇ-eu, Iˇsaˬleˬlaˆ tsawˇ haˬ nui deuˬ dawˬ tawˆ luꞈ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ jawˇ duˬ dah-euˬ meh.

Eˇzaˬlaˬ 7:7

Sahˬ paˬ Aˬtaˬdzeuˬsehˆ uˆ lahˇ-eu shiꞈ kʼoꞈ tiˬ kʼoꞈ-ahˇ, Iˇsaˬleˬlaˆ tsawˇ haˬ tiˬ paˆ na deuˬ maˬ ehˇ, piˇ ma deuˬ hawˇ-eu Leˬbiˇ tsawˇ haˬ tiˬ paˆ na deuˬ maˬ ehˇ, caˇ dawˬ caˇ-eu deuˬ hawˇ-eu Uˬ duˬ tahˬ nymˇ nymˇ ma lahˇ kʼehˬ-ahˇ loꞈ piˇ-eu deuˬ maˬ ehˇ, Uˬ duˬ tahˬ nymˇ nymˇ ma-ahˇ gaˇ mˇ-eu deuˬ maˬ ehˇ, Baˬbuˇloˬ miˇ kʼahˬ-ahˇ neh Yeˬluˇsaˬlehˬ meuˬ-ahˇ gʼoꞈ leˇ-euˬ meh.

2 Laˬsaˬbaˬ 35:15

Caˇ dawˬ caˇ-eu deuˬ pyeuꞈ-eu Leˬbiˇ tsawˇ jeuˬ Aˬsaˆ aˇ ca deuˬ-aˬ, sahˬ paˬ Daˬbiˇ, Aˬsaˆ, Heˬmaˬ hawˇ-eu sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Yeˬduˇdoˬ aˬ ha maꞈ neh mehˬ taˬ yaꞈ-euˬ loꞈ-ehˇ, aˬ yawꞈ maꞈ-ahˇ biꞈ taˬ-euˬ jawˇ duˬ-ahˇ ya jawˇ-eu meh. Uˬ duˬ tahˬ nymˇ nymˇ ma -euˬ lahˇ kʼehˬ deuˬ-ahˇ loꞈ-eu deuˬ-aˬ, aˬ yawꞈ maꞈ-euˬ loꞈ duˬ-ahˇ byehˇ yaꞈ-awˇ bawˬ-iˬ gʼeh gaˇ iˇ-eu maˬ loˬ-a. Aˬ jeˬ miˇ neh ehˇ naˇ, Leˬbiˇ tsawˇ haˬ nui deuˬ neh aˬ yawꞈ maꞈ gʼaˇ duˬ Baˬsaˬkaˬ Bawˬ-iˬ lehˬ hmˬ nehˬ-eu meh.

1 Laˬsaˬbaˬ 16:38

Yeˬduˇdoˬ-euˬ aˬ li AwˇbehˆEˬdoˬ hawˇ-eu aˬ yawꞈ-eu aˇ jeuˬ koꞈ tseˇ yehꞈ gʼaˬ, aˬ yawꞈ maꞈ-ahˇ bi caw ba-euˬ meh. Hawˇsaˬ hawˇ-eu AwˇbehˆEˬdoˬ aˬ nyaꞈ-aˬ, gʼoˆ kʼehˬ-ahˇ loꞈ-eu gaˇ mˇ-euˬ meh.

1 Laˬsaˬbaˬ 9:33

Leˬbiˇ tsawˇ jeuˬ laꞈ kʼoeˇ, aˇ jeuˬ tiˬ paˆ na deuˬ-aˬ, Uˬ duˬ tahˬ nymˇ nymˇ ma laꞈ kʼoeˇ caˇ dawˬ caˇ-eu gaˇ ya mˇ-eu meh. Aˇ jeuˬ heu deuˬ-euˬ aˬ yuiꞈ aˬ tsu deuˬ-aˬ, nui jeˬ gaˇ tiˬ jeˬ-iˬ maˬ mˇ ni, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ laꞈ kʼoeˇ jawˇ-euˬ meh. Aˬ jeˬ miˇ neh ehˇ naˇ, uˬ ciꞈ nah gʼahˇ maˬ tseˇ paˆ ni aˬ yawꞈ maꞈ-ahˇ doˇ-eu gaˇ jaˆ-eu meh.

1 Sahˬpaˬ 10:12

Daˇ kawˬ kʼoeˇ deuˬ-ahˇ sahˬ paˬ Sawˇlaˬmoˬ yuˇ-awˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ-ahˇ zeuˇ toˆ geuꞈ-awˇ, caˇ dawˬ caˇ-eu tsawˇ haˬ deuˬ bi zmˬ-eu gʼaˇ duˬ deuˇ-mˬ jahˇ gaˇ kʼawꞈ geuꞈ-euˬ meh. Daˇ kawˬ kʼoeˇ-aˬ, Iˇsaˬleˬlaˆ miˇ kʼahˬ laꞈ kʼoeˇ kʼaˇ hehˇ ahˇ laꞈ-euˬ Aˬlaˬgmˬ daˇ kawˬ dawˬ tawˆ luꞈ kʼoeˇ taˆ, aˬ cawˬ naˆ maˬ tseˇ muiˬ dzehˬ-eu deuˬ pyeuꞈ-eu meh. Kʼoeˇ loꞈ-ehˇ muiˬ-eu daˇ kawˬ tiˬ jawˇ-iˬ maˬ ya mawˇ haw-aˬ.)

2 Sahˬpaˬ 7:10

Kʼoeˇ naˇ, Suˇliˆ tsawˇ haˬ-euˬ taˆ-ahˇ neh Saˬmaˬliˆ meuˬ-ahˇ aˬ yawꞈ maꞈ gʼoꞈ leˇ-awˇ, meuˬ lahˇ kʼehˬ-ahˇ loꞈ luꞈ-eu yehˇ deuˬ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Suˇliˆ tsawˇ haˬ-euˬ taˆ-ahˇ nga maꞈ le ngeh, tsawˇ haˬ tiˬ gʼaˬ-iˬ maˬ jawˇ ni ciˬ cuˇ ni jaˆ-eu meh. Mahˬ hawˇ-eu mahˬ tahˬ laˆ deuˬ kʼawꞈ maˬ pyehˬ ni paꞈ tawꞈ taˬ-awˇ, sehˬ gʼawˆ deuˬ kʼawꞈ, Suˇliˆ tsawˇ haˬ neh kʼaˇ bi jaˆ yaꞈ-euˬ loꞈ-ehˇ jaˆ luꞈ meh.”

1 Laˬsaˬbaˬ 16:4

Dawˬ ma saˇ jaˇ Bahˬ keuˆ mehˬ shi caˇ dawˬ caˇ-awˇ ja ceuˬ-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-eu gʼaˇ duˬ, Leˬbiˇ tsawˇ haˬ tiˬ paˆ na deuˬ-ahˇ Daˬbiˇ gaˇ biꞈ nehˬ-euˬ meh.

1 Laˬsaˬbaˬ 23:30

yawˬ shawˬ yawˬ miˇ na luꞈ Sahˬpaˬ Miˬyehˇ-ahˇ ja ceuˬ-awˇ, ciˬ huiˬ ci mahˇ-eu gaˇ maˬ ehˇ,

2 Laˬsaˬbaˬ 20:28

Aˬ yawꞈ maꞈ Yeˬluˇsaˬlehˬ meuˬ-ahˇ gʼoꞈ keuˆ leˇ ngeh, deuˇ-mˬ diˬ, daˇ heh baw-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ le-euˬ meh.

2 Laˬsaˬbaˬ 34:13

Leˬbiˇ tsawˇ haˬ tiˬ paˆ na deuˬ-aˬ, daˇ kawˬ daˇ laꞈ baꞈ ha gaˇ maˬ ehˇ, gaˇ gʼawˬ mya jeˬ mˇ luꞈ-eu tsawˇ haˬ deuˬ-ahˇ maˬ ehˇ, aˬ yuiꞈ geuꞈ-awˇ haw-euˬ pyaˆ-euˬ meh. Tiˬ paˆ na deuˬ-aˬ, jaˇ laˇ yuˇ-eu gaˇ mˇ-awˇ, tiˬ paˆ na deuˬ-aˬ, loꞈ piˇ-eu deuˬ geuꞈ-euˬ meh.

Iˇsaˬyaˇ 64:10

Nawˬ-euˬ muiˬ-eu shawˇ-eu meuˬ deuˬ, bawˇ tsahˬ bawˇ dahˇ pyeuꞈ jiˇ-euˬ meh. Yeˬluˇsaˬlehˬ hawˇ-eu Ziˇoˬ meuˬ tsoeˬ tsoeˬ-iˇ-euˬ meh.