1 Laˬsaˬbaˬ 23:28 - Akha

²⁸ Leˬbiˇ tsawˇ haˬ deuˬ ya mˇ-eu gaˇ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ caw jaw-eu gaˇ maˬ ehˇ, Uˬ duˬ tahˬ nymˇ nymˇ ma-euˬ poˆ ka hawˇ-eu aˇ lawˆ deuˬ-ahˇ bo saˆ haw piˇ-eu gaˇ maˬ ehˇ, kʼaˇ muiˬ kʼaˇ shawˇ-eu mˇ myawˬ keu ka deuˬ-ahˇ maˬ ya bi jawꞈ-iˇ ni jeˬ hmˬ laˆ saˆ-eu gaˇ maˬ ehˇ,

1 Laˬsaˬbaˬ 23:28 Referans Kwoze

Neˬhaˬmiˇ 13:9

Aˇ lawˆ kʼoeˇ deuˬ-ahˇ shawˇ-eu zahˇ jahˇ-awˇ, Uˬ duˬ tahˬ nymˇ nymˇ ma-ahˇ zmˬ-eu keu ka deuˬ, cehˇ daˬ deuˬ hawˇ-eu tsiˇ yaw saw jeˬ paˇ dawˆ ahˇ kʼoꞈ taˬ-awˬ lehˇ ngaˇ dawˬ biꞈ-euˬ ma.

2 Laˬsaˬbaˬ 31:11

Sahˬ paˬ Heˬsaˬgiˇ neh dawˬ biꞈ-awˇ, Uˬ duˬ tahˬ nymˇ nymˇ ma-ahˇ myawˬ taˬ-eu aˇ lawˆ deuˬ bi tsoˆ baw-euˬ meh.

Yeˬsaˬgeˬlaˇ 42:13

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Nymˇ heu nyiˬ nymˇ luꞈ muiˬ-eu shawˇ-eu meh. Sahˬpaˬ Miˬyehˇ-euˬ mehˬ shi le uˇ-eu piˇ ma deuˬ nymˇ kʼoeˇ nyiˬ nymˇ laꞈ kʼoeˇ muiˬ dui shawˇ dui dui-eu lawˇ dzaˇ dzaˬ-eu meh. Aˇ lawˆ kʼoeˇ deuˬ muiˬ-eu shawˇ-eu miˇ neh, muiˬ dui shawˇ dui dui-eu lawˇ-eu jeˬ pyeuꞈ-eu, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ, kʼoeˇ loꞈ-ehˇ gʼeh-eu deuˬ-ahˇ, piˇ ma deuˬ kʼoeˇ gaˇ taˬ-euˬ meh.

Yeˬsaˬgeˬlaˇ 42:3

Nymˇ kʼoeˇ nymˇ-euˬ pyawˬ ma tiˬ pyawˬ mehˬ shi, Uˬ duˬ tahˬ nymˇ nymˇ ma caw caw-ehˇ ngaˬ lmˇ jeˇ-eu pu kaˬ jaˆ-awˇ, pyawˬ ma yawˬ pyawˬ yawˬ-euˬ mehˬ shi, kʼaˬ lo teˇ byaꞈ kʼawˬ taˬ-euˬ laꞈ nyiˇ pu kaˬ jaˆ-eu meh. Nymˇ kʼoeˇ nymˇ-aˬ, dawˬ dzm loꞈ-ehˇ smˬ tiˆ jahˇ taˬ-euˬ uˬ kʼawˬ kʼoeˇ taˆ tsoˆ taˬ-euˬ meh.

Yeˬsaˬgeˬlaˇ 41:26

Aˇ lawˆ kʼoeˇ lawˆ-euˬ pyawˬ ma nyiˬ pyawˬ luꞈ-ahˇ laˇ gʼoˆ gʼoˆ zaˬ jahˇ ahˇ taˬ-awˇ, kaˇ pyawˇ-ahˇ daoˇ aˇ bawˇ aˇ baˇ toeˬ boꞈ taˬ-euˬ meh.

Yeˬlaˬmiˇ 35:4

Aˬ yawꞈ maꞈ-ahˇ Uˬ duˬ tahˬ nymˇ nymˇ ma laꞈ kʼoeˇ ngaˇ sheuˬ kʼoꞈ laꞈ-awˇ, Iˇgaˬdaˬliˇ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Haˬnaˬ-euˬ gʼaˬ kʼehˇ deuˬ-euˬ aˇ lawˆ-ahˇ sheuˬ gʼeh-euˬ ma. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Shaˬlmˬ-euˬ aˬ li Mawˇseˬyaˇ-euˬ aˇ lawˆ hawˇ-eu, yaw huiˬ yaw mahˇ nui deuˬ-euˬ aˇ lawˆ deuˬ-euˬ kʼoeˇ taˆ jaˆ-eu meh.

Neˬhaˬmiˇ 11:24

Yuˇdaˆ tsawˇ jeuˬ Zeˬlahˬ aˇ jeuˬ pyeuꞈ-eu Meˬsheˬzaˬbeˬlaˇ-euˬ aˬ li Peˬdaˬhiˇ gʼaˬ, Paˇshaˇ sahˬpaˬ-euˬ saˇ naˇ-ahˇ Iˇsaˬleˬlaˆ tsawˇ jeuˬ-euˬ dah zaˇ dah-euˬ meh.

Eˇzaˬlaˬ 8:29

Kʼoeˇ deuˬ-ahˇ, Uˬ duˬ tahˬ nymˇ nymˇ ma-ahˇ keuˆ ni maˬ bi byoˆ-iˇ ni yaw muiˬ paˬ-ehˇ yuˇ keuˆ gʼeh-awˇ, piˇ ma deuˬ jawˇ-eu lawˆ laꞈ kʼoeˇ saˆ haw-awˇ, piˇ ma deuˬ laꞈ kʼoeˇ aˬ yuiꞈ aˬ tsu geuꞈ-eu deuˬ, Leˬbiˇ tsawˇ haˬ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ laꞈ-ahˇ a nehˬ-awˬ.”

2 Laˬsaˬbaˬ 29:5

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw maꞈ Leˬbiˇ tsawˇ haˬ deuˬ yawˬ ha-euˬ gʼawˇ mawˇ mˇ shawˇ-awˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ laˆ muiˬ laˆ shawˇ-awˬ. Uˬ duˬ tahˬ nymˇ nymˇ ma laꞈ kʼoeˇ jaˆ-eu yaw jawꞈ yaw laꞈ dawˬ tawˆ luꞈ yuˆ dzeh jiˇ-awˬ.

1 Laˬsaˬbaˬ 28:13

Piˇ ma deuˬ hawˇ-eu Leˬbiˇ tsawˇ haˬ deuˬ-ahˇ aˇ maꞈ aˇ muˇ biˇ baw nehˬ-awˇ, yawˬ ha-ahˇ doˇ-eu gaˇ yawˬ ha bi mˇ-eu gʼaˇ duˬ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ bi mˇ-eu gʼaˇ duˬ maˬ ehˇ, aˬ yawꞈ neh gaˇ kawˆ kawˆ taˬ-eu deuˬ kʼawꞈ, biꞈ nehˬ-euˬ meh.

1 Laˬsaˬbaˬ 23:4

Daˬbiˇ ehˇ-eu, “Tsawˇ haˬ heu deuˬ laꞈ kʼoeˇ, nyiˬ muiˇ oeˬ heˇ gʼaˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ gaˇ haw-eu pyaˆ-eu deuˬ geuꞈ-awˇ, koꞈ heˇ gʼaˬ-aˬ, jaˇ laˇ yuˇ-eu paw hawˇ-eu yaˇ kʼaˬ daˇ-eu paw gaˇ mˇ-awˬ.

1 Laˬsaˬbaˬ 18:17

Yeˬhawˇyaˬdaˬ-euˬ aˬ li Baˬnaˇyaˬ gʼaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ aˬ yuiꞈ geuꞈ-awˇ, sahˬ paˬ Daˬbiˇ-euˬ aˬ li deuˬ-aˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ geuꞈ-euˬ meh.

1 Sahˬpaˬ 6:5

Uˬ duˬ tahˬ nymˇ-euˬ pyawˬ ma nyiˬ pyawˬ hawˇ-eu pyawˬ zaˬ naˇ kʼah pyawˬ jawˬ jawˬ-ehˇ, smˬ tiˆ baw-eu aˇ lawˆ deuˬ kaˇ pyawˇ-ahˇ tsoˆ tawꞈ taˬ-euˬ meh. Aˬ yawꞈ tiˆ yawꞈ yaw goˇ paw ngaˬ caˆ byah-eu meh.

1 Laˬsaˬbaˬ 23:27

Daˬbiˇ neh mehˬ saˬ tsoˆ saˬ saˬ yaꞈ-euˬ dawˬ-ahˇ gʼoe-awˇ, aˇ kʼoꞈ nyiˬ tseˇ kʼaˇ byah laˇ-euˬ Leˬbiˇ tsawˇ haˬ dawˬ tawˆ luꞈ, gaˇ mˇ-eu gʼaˇ duˬ tsawˇ myahˇ ya dawˆ-eu meh.

1 Laˬsaˬbaˬ 23:29

Miˬyehˇ-ahˇ damˬ-eu kaˬ muˇ jahˇ-eu gaˇ maˬ ehˇ, lawˇ-eu gʼaˇ duˬ loˬ-eu cehˇ meu, dehˬ tseˬ maˬ ahˇ-eu kaˬ muˇ, laˆ jaꞈ taˬ-euˬ kaˬ muˇ aˇ yaˆ hawˇ-eu saˬ loˬ tsiˇ keuˬ taˬ-euˬ cehˇ meu, heu deuˬ-ahˇ laˆ saˆ-eu gaˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ lawˇ-eu shehˇ-eu jeˬ-ahˇ pehˬ haw saˆ haw-eu gaˇ maˬ ehˇ,

2 Laˬsaˬbaˬ 23:6

Gaˇ mˇ-eu daˇ-eu piˇ ma deuˬ hawˇ-eu Leˬbiˇ tsawˇ haˬ deuˬ maˬ ngeuˇ naˇ, tsawˇ haˬ tiˬ gʼaˬ-iˬ Uˬ duˬ tahˬ nymˇ nymˇ ma-ahˇ maˬ ya uˇ leˇ-a. Piˇ ma deuˬ hawˇ-eu Leˬbiˇ tsawˇ haˬ deuˬ-aˬ, uˇ leˇ nya meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, gʼawˇ mawˇ a nehˬ taˬ-euˬ tsawˇ haˬ deuˬ pyeuꞈ-eu meh. Ehˇ kʼawꞈ, nui deuˬ-aˬ, Sahˬpaˬ Miˬyehˇ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ-awˇ laꞈ nyiˇ ya jawˇ meh.

2 Laˬsaˬbaˬ 29:15

Tsawˇ haˬ kʼoeˇ deuˬ yawˬ ha-euˬ aˇ jeuˬ aˇ ca deuˬ kuˇ uiˬ-awˇ, gʼawˇ mawˇ shawˇ-eu zahˇ jahˇ-euˬ meh. Kʼoeˇ naˇ, Sahˬpaˬ Miˬyehˇ-euˬ dawˬ-ahˇ gʼoe-awˇ sahˬ paˬ Heˬsaˬgiˇ neh aˬ yawꞈ maꞈ-ahˇ dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ muiˬ laˆ shawˇ-euˬ meh.

2 Laˬsaˬbaˬ 31:2

Sahˬ paˬ Heˬsaˬgiˇ-aˬ, piˇ ma hawˇ-eu Leˬbiˇ tsawˇ haˬ deuˬ-ahˇ aˇ muˇ muˇ baw nehˬ-awˇ, yawˬ gʼaˬ na luꞈ aˇ muˇ laꞈ kʼoeˇ yawˬ ha-ahˇ daˇ-eu gaˇ bi mˇ-euˬ meh. Gaˇ kʼoeˇ deuˬ-aˬ, miˬ dzaˬ dzah puiˆ-awˇ lawˇ-eu jeˬ lawˇ nehˬ-eu gaˇ, cawˬ cawˬ taꞈ-eu lawˇ-eu jeˬ lawˇ-eu gaˇ, Uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ ngeh ya mˇ-eu gaˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gʼawˬ mya tsahˇ laꞈ kʼoeˇ Miˬyehˇ-euˬ guiˬ lahˬ-ahˇ noeˬ keuˆ-awˇ ja ceuˬ-eu gaˇ heu deuˬ pyeuꞈ-eu meh.

Yeˬsaˬgeˬlaˇ 40:17

Tsawˇ haˬ kʼoeˇ gʼaˬ ngaˬ-ahˇ gaˇ ma kʼoeˇ kahˇ law caw sheuˬ gʼeh-awˇ, uˬ duˬ tahˬ nymˇ nymˇ ma-euˬ pu kaˬ-ahˇ sheuˬ keuˆ nehˬ laꞈ-euˬ meh. Laꞈ nyiˇ lahˇ-ahˇ tsoˆ tawꞈ taˬ-euˬ kuˆ lawˆ smˬ tseˇ lawˆ jaˆ-awˇ, kuˆ lawˆ kʼoeˇ deuˬ-euˬ mehˬ shi kʼaˬ lo teˇ byaꞈ kʼawˬ taˬ-euˬ pehˇ tsahˇ jaˆ-eu meh.

Yeˬsaˬgeˬlaˇ 44:14

Uˬ duˬ tahˬ nymˇ nymˇ ma laꞈ kʼoeˇ ya luˆ ya laˆ-eu mˇ myawˬ mˇ-eu tsawˇ haˬ bi geuꞈ ma.”

2 Laˬsaˬbaˬ 23:4

Aˬ dui heu loꞈ-ehˇ jahˇ ma. Jawˇ nah ngeh nah piˇ ma deuˬ hawˇ-eu Leˬbiˇ tsawˇ haˬ deuˬ yawˬ ha-ahˇ daˇ-eu gaˇ mˇ-eu lehˇ laˇ ngeh, aˬ yawꞈ maꞈ laꞈ kʼoeˇ smˬ bymˇ tiˬ bymˇ-aˬ, Uˬ duˬ tahˬ nymˇ lahˇ kʼehˬ deuˬ-ahˇ bi loꞈ ma.