1 Laˬsaˬbaˬ 22:12 - Akha

¹² Aˬ yawꞈ-euˬ zahˇ dawˬ kʼoꞈ dawˬ-ahˇ tsaˬ ni Iˇsaˬleˬlaˆ miˇ kʼahˬ-ahˇ nawˇ uˆ lahˇ nya-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ, noeˬ siˬ noeˬ mawˇ nya-eu tsawˇ gahˇ hawˇ-eu, zaˬ siˬ tsawˇ gahˇ biꞈ luꞈ-uˇ.

1 Laˬsaˬbaˬ 22:12 Referans Kwoze

Yaˬkoˆ 1:5

Ehˇ kʼawꞈ, naw maꞈ laꞈ kʼoeˇ tiˬ gʼaˬ na zaˬ siˬ tsawˇ gahˇ teˬ luꞈ naˇ, Miˬyehˇ-ahˇ guiˬ lahˬ shaˇ-eu tsaˬ meh. Miˬyehˇ aˬ yawꞈ-ahˇ zaˬ siˬ tsawˇ gahˇ biꞈ tehꞈ-a. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ dawˬ tawˆ luꞈ-ahˇ gʼawˬ shaˬ gaˬ-eu laꞈ kʼoeˇ tsawˇ tsiˇ maˬ tsiˇ ni biꞈ-eu meh.

Dawqdaq 14:8

Nui gahˇ ahˇ-eu deuˬ-euˬ tsawˇ gahˇ, dehꞈ jeˬ dehꞈ kawˆ tseˇ paˆ nya-awˇ, aˬ dzawˬ aˇ gah bym-eu jaˬ myawꞈ mehˇ shuiˇ meh.

2 Laˬsaˬbaˬ 1:10

Kʼoeˇ miˇ neh, aˬ yawꞈ maꞈ kʼoeˇ taˆ ngaˇ uˆ lahˇ-eu gʼaˇ duˬ, loˬ-eu zaˬ siˬ tsawˇ gahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ haˬ heu deuˬ-ahˇ ngaˇ aˬ joˆ-ehˇ uˆ lahˇ nmˇ.”

1 Yoˇhaˬ 2:3

Miˬyehˇ neh biꞈ taˬ-euˬ dawˬ deuˬ-ahˇ aˬ dui naˇ haˬ geuꞈ naˇ, aˬ dui aˬ yawꞈ-ahˇ siˬ nya-eu yaw duˬ baw meh.

Luˇkaꞈ 21:15

Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ maˬ ja gʼaˬ nya-eu dawˬ hawˇ-eu zaˬ siˬ tsawˇ gahˇ, naw maꞈ-ahˇ ngaˇ biꞈ ma.

Jaceuq 72:1

Miˬyehˇ-oˇ, nawˬ-euˬ yaw tsaˬ yaw dawˇ jeˬ laꞈ kʼoeˇ yaˇ kʼaˬ daˇ nya ni, sahˬ paˬ-ahˇ mehˬ nehˬ tsoˆ nehˬ-awˬ. Nawˬ-euˬ yaw tsaˬ yaw dawˇ jeˬ aˬ yawꞈ-ahˇ biꞈ nehˬ-awˬ.

Dawˬmehˬ 4:6

Naw maꞈ aˇ naˆ ni zaˬ siˬ tsawˇ gahˇ ahˇ-eu gaˇ kawˆ aˬ cawˬ tsawˇ jeuˬ deuˬ ya siˬ ya mawˇ ni, zahˇ dawˬ kʼoꞈ dawˬ heu deuˬ-ahˇ tiˬ byah tiˬ loꞈ caw teh-awˬ. Zahˇ dawˬ kʼoꞈ dawˬ heu deuˬ dawˬ tawˆ luꞈ gaˇ kawˆ aˬ yawꞈ maꞈ ya gaˬ ngeh, ‘Huiˬ-eu tsawˇ jeuˬ heu jeuˬ aˇ naˆ naˆ-ehˇ gʼeh-eu zaˬ siˬ-eu tsawˇ gahˇ hawˇ-eu siˬ nya-eu jeˬ ahˇ law hawˇ maˬ siˬ ngaˇ’ lehˇ aˬ yawꞈ maꞈ ehˇ tehꞈ-a.

1 Sahˬpaˬ 2:3

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ bi mˇ laꞈ-euˬ jeˬ-ahˇ nawˇ mˇ-awˬ. Nawˇ kʼaˇ iˇ kʼaˇ laˇ kʼaˇ mˇ kʼaˇ shaˇ-eu jeˬ laꞈ kʼoeˇ guiˬ lahˬ baw ni, Moˇseˬ-euˬ zahˇ dawˬ kʼoꞈ dawˬ laꞈ kʼoeˇ boꞈ ahˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu, aˬ yawꞈ neh bi mˇ bi shaˇ-euˬ jeˬ dawˬ tawˆ luꞈ-ahˇ naˇ haˬ geuꞈ-awˇ mˇ-awˬ.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.