1 Laˬsaˬbaˬ 22:1 - Akha

¹ Kʼoeˇ naˇ, Daˬbiˇ ehˇ-eu, “Heu-aˬ, Miˬyehˇ pyeuꞈ-eu Sahˬpaˬ Miˬyehˇ-euˬ nymˇ jaˆ-eu jawˇ duˬ meh. Iˇsaˬleˬlaˆ tsawˇ jeuˬ miˬ dzaˬ dzah puiˆ-awˇ lawˇ-eu jeˬ ya lawˇ-eu lawˇ duˬ kʼawꞈ, heu gaˇ jaˆ-eu meh.”

1 Laˬsaˬbaˬ 22:1 Referans Kwoze

2 Laˬsaˬbaˬ 3:1

Sawˇlaˬmoˬ-euˬ aˬ da sahˬ paˬ Daˬbiˇ-aˬ, Uˬ duˬ tahˬ nymˇ nymˇ ma tsoˆ-eu pehˇ tsahˇ lehˬ hmˬ taˬ yaꞈ-euˬ meh. Pehˇ tsahˇ kʼoeˇ-aˬ, Yeˬluˇsaˬlehˬ meuˬ Mawˇliˇyaˆ gawˬ jawˬ kʼoeˇ taˆ jaˆ-eu Yeˬbuˇ tsawˇ haˬ Aˬyawˇnahˬ-euˬ cehˇ baw shawˇ duˬ pyeuꞈ-eu meh. Pehˇ tsahˇ kʼoeˇ tsahˇ-ahˇ, sahˬ paˬ Sawˇlaˬmoˬ Uˬ duˬ tahˬ nymˇ nymˇ ma tsoˆ-eu dawꞈ leˇ-euˬ meh.

Aˇ dahˬ 28:17

Kʼoeˇ ngeh, aˬ yawꞈ guˆ laˇ-awˇ, “Jawˇ duˬ heu tsahˇ-aˬ, guˆ dui dui laˇ paˬ-ehˇ gʼeh-eu jawˇ duˬ tiˬ tsahˇ law hawˇ nga. Heu-aˬ, Miˬyehˇ-euˬ nymˇ pyeuꞈ-awˇ, mˬ kʼoeˇ taˆ daˆ leˇ-eu laˇ gʼoˆ pyeuꞈ-eu nga” lehˇ paˇ ehˇ-eu meh.

2 Sahˬpaˬ 18:22

“Kʼoeˇ loꞈ-ehˇ maˬ ngeuˇ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe luꞈ-eu ma lehˇ, naw maꞈ ngaˬ-ahˇ ehˇ-eu gʼeh te loˇ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ, Yeˬluˇsaˬlehˬ meuˬ laꞈ kʼoeˇ jaˆ-eu lawˇ duˬ kʼoeˇ tsahˇ-ahˇ tehꞈ-ehˇ uˬ duˬ ya tahˬ laˇ meh lehˇ Heˬsaˬgiˇ ehˇ-awˇ, Sahˬpaˬ Miˬyehˇ-ahˇ uˬ duˬ tahˬ-eu nymˇ deuˬ hawˇ-eu, lawˇ duˬ deuˬ-ahˇ aˬ yawꞈ laˆ cawˆ jiˇ-euˬ maˬ ngeuˇ-a loˇ.

2 Saˬmeuˬlaˆ 24:18

Kʼoeˇ ngeh nah, Daˬbiˇ jawˇ gaˇ Gaˆ iˇ-awˇ, “Aˬyawˇnahˬ-euˬ cehˇ bymˇ saˬ kʼawꞈ-ahˇ le-awˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ gawˬ nehˬ leˇ-awˬ” lehˇ ehˇ nehˬ-euˬ meh.

Jaceuq 78:60

Tsawˇ haˬ zaˬ nehˬ-ehˇ aˬ yawꞈ jawˇ-euˬ jawˇ duˬ pyeuꞈ-eu, Shiˇloˬ meuˬ-ahˇ jaˆ-eu sehˬ gʼawˆ-ahˇ aˬ yawꞈ byehˇ dzeh-euˬ meh.

2 Laˬsaˬbaˬ 32:12

Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ deuˬ hawˇ-eu lawˇ duˬ deuˬ-ahˇ Heˬsaˬgiˇ teu gʼaˬ neh laˆ cawˆ jiˇ-awˇ, Lawˇ duˬ tiˬ hmˬ-ahˇ tehꞈ-ehˇ gʼoe-awˇ uˬ duˬ tahˬ-awˇ lawˇ-eu shehˇ-eu jeˬ mˇ-awˬ lehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ ehˇ-euˬ maˬ ngeuˇ-a loˇ.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

1 Laˬsaˬbaˬ 21:30

Ehˇ kʼawꞈ, Daˬbiˇ kʼoeˇ gaˇ le-awˇ, Miˬyehˇ-ahˇ uˬ duˬ maˬ tahˬ leˇ peuˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ-euˬ mi cehˇ-ahˇ aˬ yawꞈ guˆ-eu meh.

Dawˬmehˬ 12:14

Naw maꞈ tsawˇ jeuˬ tiˬ jeuˬ-euˬ miˇ kʼahˬ laꞈ kʼoeˇ Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ tehꞈ-ehˇ ya lawˇ ya shehˇ meh. Miˬ dzaˬ dzah puiˆ-awˇ lawˇ-eu jeˬ lawˇ-eu hawˇ-eu ngaˬ neh dawˬ kʼaˇ biꞈ taˬ-eu jeˬ dawˬ tawˆ luꞈ-ahˇ, jawˇ duˬ kʼoeˇ tsahˇ laꞈ kʼoeˇ tehꞈ-ehˇ naw maꞈ ya mˇ meh.

Maꞈtehˬ 25:16

Shuiˇ maˇ byaˆ ngaˬ heˇ byaˆ ha geuꞈ taˬ-euˬ gʼaˬ-aˬ, tiˬ poˆ tehꞈ-ehˇ jeˬ gaꞈ gaꞈ-iˇ-awˇ, ngaˬ heˇ byaˆ paˇ gaꞈ jeuˬ-euˬ meh.