1 Laˬsaˬbaˬ 21:23 - Akha

²³ Aˬyawˇnaˆ ehˇ-eu, “Sahˬ paˬ-oˇ, cehˇ bymˇ saˬ kʼawꞈ heu nawˇ yuˇ-awˇ, kʼaˇ jahˇ mawꞈ-eu jeˬ jahˇ-awˬ. Lawˇ gaˇ shehˇ gaˇ geuꞈ-eu gʼaˇ duˬ mawˇ neˇ mawˇ gaw deuˬ kʼawꞈ heu gaˇ jawˇ ma. Miˬ dzaˬ dzah puiˆ gaˇ geuꞈ-eu gʼaˇ duˬ cehˇ diˬ gaˇ zmˬ-euˬ daˇ kawˬ deuˬ kʼawꞈ jaˆ ma. Lawˇ-eu gʼaˇ duˬ loˬ-eu cehˇ kʼawꞈ heu gaˇ jaˆ ma. Heu deuˬ dawˬ tawˆ luꞈ, nawˬ-ahˇ ngaˇ biꞈ-eu ma.”

1 Laˬsaˬbaˬ 21:23 Referans Kwoze

1 Saˬmeuˬlaˆ 6:14

Laˆ lawˬ kʼoeˇ laˇ Behˬsheˬmehˇ meuˬ-ahˇ jawˇ-eu Yawˇshuˆ lehˇ myahˇ-euˬ gʼaˬ-euˬ deh yaˇ-ahˇ oe-awˇ, kʼaˬ lo lo ma tiˬ siˬ-euˬ dawˬ peh naˬ leˇ-euˬ meh. Daˇ kawˬ neh jahˇ taˬ-euˬ laˆ lawˬ kʼoeˇ laˇ-ahˇ aˬ yawꞈ maꞈ deh kʼehꞈ deh kʼoeˆ-awˇ, mawˇ neˇ mawˇ ma kʼoeˇ nyiˬ ma sehꞈ-awˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.

Yeˬlaˬmiˇ 32:8

Kʼoeˇ naˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ ngaˇ jawˇ-eu paꞈ kuˆ-ahˇ Haˬnaˬmeˬlaˇ oe-awˇ, aˬ yawꞈ-euˬ deh yaˇ zeuˇ nehˬ laꞈ lehˇ ehˇ le-euˬ meh. Kʼoeˇ miˇ neh, Sahˬpaˬ Miˬyehˇ ngaˬ-ahˇ aˬ diˇ aˬ maˇ dawˬ ngehˬ cawˬ le-euˬ nga lehˇ ngaˇ siˬ duˬ -euˬ ma.

1 Sahˬpaˬ 19:21

Kʼoeˇ naˇ, Eˇliˇshehˇ gʼaˬ aˬ yawꞈ-euˬ mawˇ neˇ kʼoeˇ gu jawˇ gaˇ iˇ-awˇ, mawˇ neˇ sehꞈ-awˇ, nyoˬ tsehˬ laꞈ gʼahˬ miˬ dzaˬ geuꞈ-awˇ, shaˬ jiˇ jahˇ-euˬ meh. Shaˬ jiˇ kʼoeˇ tsawˇ haˬ kʼoeˇ deuˬ-ahˇ aˬ yawꞈ bi dzaˬ-euˬ meh. Kʼoeˇ naˇ, Eˇliˇyaˆ-euˬ mehˬ nah aˬ yawꞈ caw teh gʼeh-awˇ, Eˇliˇyaˆ-ahˇ caw ba nehˬ-euˬ meh.

1 Laˬsaˬbaˬ 21:22

Daˬbiˇ ehˇ-eu, “Iˇsaˬleˬlaˆ tsawˇ jeuˬ kʼoeˇ taˆ keuˆ le-euˬ yaw jaw naˇ-eu naˇ gawˇ taˬ leˇ ni, Sahˬpaˬ Miˬyehˇ-ahˇ lawˇ duˬ tiˬ tsahˇ gawˬ nehˬ-eu gʼaˇ duˬ, nawˬ-euˬ cehˇ bymˇ saˬ kʼawꞈ heu tsahˇ ngaˬ-ahˇ ahˬ nehˬ laꞈ-awˬ. Kʼaˇ poeˬ kʼaˇ lawˬ-eu loꞈ-ehˇ tiˬ byah ni biꞈ ma.”

1 Laˬsaˬbaˬ 21:24

Ehˇ kʼawꞈ, sahˬ paˬ ehˇ-eu, “Yawꞈ ngehꞈ-ehˇ ngaˇ maˬ yuˇ. Aˇ poeˬ tiˬ byah ni biꞈ ma. Aˇ poeˬ ti pehˆ-iˬ maˬ ya biꞈ-eu nawˬ-euˬ mˇ myawˬ tiˬ jeˬ-iˬ Sahˬpaˬ Miˬyehˇ-ahˇ ngaˇ maˬ lawˇ nehˬ.”