1 Laˬsaˬbaˬ 2:23 - Akha

²³ Ehˇ kʼawꞈ, Geˬshuˇlaˆ miˇ kʼahˬ hawˇ-eu Aˬlamˬ miˇ kʼahˬ-aˬ, Yaˬiˇlaˆ pu, Jeˇnaˆ pu hawˇ-eu, dawˬ peh jaˆ-eu meuˬ deuˬ ahˇ leˇ-ehˇ, kʼoeˇ gaˇ jaˆ-eu meuˬ koꞈ tseˇ meuˬ-ahˇ deuˆ gʼaˬ-euˬ meh. Kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ, Giˇlaˆ-euˬ aˬ da Maˬkiˬlaˇ-euˬ zaˬ deuˬ uˆ deuˬ tehꞈ meh.

1 Laˬsaˬbaˬ 2:23 Referans Kwoze

2 Saˬmeuˬlaˆ 13:38

Aˬbaˇsaˬloˬ-aˬ, Geˬshuˇlaˆ meuˬ-ahˇ cehˆ leˇ-awˇ, smˇ kʼoꞈ jawˇ-euˬ meh.

Yawˇshuˆ 13:30

Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

Yawˇshuˆ 13:13

Ehˇ kʼawꞈ, Geˬshuˇlaˆ tsawˇ jeuˬ hawˇ-eu Mawˇkah tsawˇ jeuˬ-ahˇ Iˇsaˬleˬlaˆ tsawˇ haˬ deuˬ maˬ teh doˆ-a. Aˬ yawꞈ maꞈ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Aˇ dahˬ 50:23

Eˇpaˬleˬ-euˬ zaˬ deuˬ hawˇ-eu oeˬ paˬ oeˬ ma deuˬ mawˇ le ngeh keuˆ ni, aˬ yawꞈ dehꞈ keuˆ-euˬ meh. Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ aˬ yawꞈ-euˬ miˬ sawˇ zaˬ deuˬ laꞈ kʼoeˇ ha ahˇ nehˬ yaꞈ-euˬ meh.

1 Laˬsaˬbaˬ 2:22

Seˬguˇ-aˬ, Yaˬiˇlaˆ lehˇ myahˇ-euˬ aˬ li tiˬ li jawˇ-eu meh. Yaˬiˇlaˆ-aˬ, Giˇlaˆ miˇ kʼahˬ laꞈ kʼoeˇ meuˬ nyiˬ tseˇ smˇ meuˬ-ahˇ uˆ lahˇ-euˬ meh.

1 Laˬsaˬbaˬ 2:24

Heˬzaˬloˬ shiˇ ngeh jawˇ, aˬ yawꞈ-euˬ aˬ li Gaˬlehˆ-aˬ, aˬ da gʼaˬ-euˬ miˬ coeˬ miˬ ma pyeuꞈ-eu Eˇpaˬlaˇ-ahˇ sheuˬ-euˬ meh. Aˬ nyaꞈ dzeˇ zaˬ Aˬshuˇlaˆ lehˇ myahˇ-euˬ aˬ li tiˬ li jawˇ le-euˬ meh. Aˬ li kʼoeˇ li-aˬ, Teˬkawˬ meuˬ-ahˇ teˬ-euˬ gʼaˬ meh.

1 Sahˬpaˬ 4:13

Beˬgeˬbeuˬ-aˬ, Giˇlaˆ miˇ kʼahˬ Laˬmoˆ meuˬ, Giˇlaˆ miˇ kʼahˬ-ahˇ jaˆ-eu Maˬnaˇseˬ-euˬ zaˬ deuˬ uˆ deuˬ pyeuꞈ-eu Yaˬiˇlaˆ aˇ jeuˬ aˇ ca deuˬ jawˇ-eu pu deuˬ hawˇ-eu, Baˬshaˬ miˇ kʼahˬ-ahˇ jaˆ-eu Aˬgawˆ gahˬ kaˬ ahˇ leˇ-ehˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-awˇ, lahˇ kʼehˬ-ahˇ guiˬ shuiˇ laˇ gʼoˆ jahˇ ahˇ taˬ-euˬ meuˬ meuˬ ma koꞈ tseˇ meuˬ-ahˇ haw-eu pyaˆ-eu gʼaˬ geuꞈ-euˬ meh.