1 Laˬsaˬbaˬ 19:7 - Akha

⁷ Aˬ yawꞈ maꞈ neh shaˇ ngaˬ taˬ-euˬ mahˬ laˆ lawˬ smˬ muiˇ nyiˬ heˇ laˇ hawˇ-eu, Mawˇkah sahˬ paˬ-euˬ guiˇ maꞈ oe-awˇ, Meˬdeˬbaˬ meuˬ dawˬ peh taˆ tsoˆ-awˇ jawˇ-euˬ meh. Aˬmoˬ tsawˇ haˬ deuˬ kʼawꞈ, aˬ yawꞈ maꞈ-euˬ meuˬ dawˬ tawˆ luꞈ laꞈ kʼoeˇ neh doˆ le-awˇ, guiˇ deuˆ-eu gʼaˇ duˬ lehˬ hmˬ-awˇ loꞈ luꞈ-eu meh.

1 Laˬsaˬbaˬ 19:7 Referans Kwoze

Yawˇshuˆ 13:9

Aˬnoˬ deh kʼawꞈ-euˬ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdeˬbaˬ meuˬ-ahˇ neh Diˇboˬ meuˬ-ahˇ keuˆ ni, yaw goˇ-ahˇ jaˆ-eu deh saˇ kʼoeˇ deuˬ dawˬ tawˆ luꞈ meh.

Bawˇtsahˬ 21:30

Ehˇ kʼawꞈ, nymˬ-mˇ aˬ yawꞈ maꞈ-euˬ zaˬ deuˬ uˆ deuˬ-ahˇ Heˬshaˬboˬ-ahˇ neh Diˇboˬ-ahˇ doˆ ni maˬ ehˇ, Naˬshiˬ-ahˇ neh Meˬdeˬbaˬ dawˬ peh jaˆ-eu Nawˇpaˬ-ahˇ keuˆ ni maˬ ehˇ, Nga maꞈ laˆ luˬ laˆ seˇ nehˬ jiˇ-euˬ ma.”

Yawˇshuˆ 13:16

Aˬ yawꞈ maꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdiˇbaˬ meuˬ jawˬ lawˬ jawˇ lawˇ-ehˇ, yaw goˇ-ahˇ jaˆ-eu deh saˇ dawˬ tawˆ luꞈ meh.

Iˇsaˬyaˇ 15:2

Diˇboˬ meuˬ-ahˇ jawˇ-eu tsawˇ haˬ deuˬ, yaw goˇ-ahˇ jaˆ-eu taˆ-ahˇ daˆ leˇ-awˇ, tsawˇ ngoeˇ ngoeˇ leˇ-euˬ meh. Neˬboˬ meuˬ hawˇ-eu Meˬdeˬbaˬ meuˬ gʼaˇ duˬ, Mawˇbaˆ tsawˇ haˬ deuˬ tsawˇ ngoeˇ ngoeˇ-eu meh. Yawˬ gʼaˬ na luꞈ noeˬ shaˬ dui dui-eu miˇ neh, uˬ duˬ hawˇ-eu mehˬ mahˬ jehˆ dzeh-eu meh.

2 Laˬsaˬbaˬ 14:9

Zeˬlahˬ lehˇ myahˇ-euˬ Suˬdaˬ tsawˇ haˬ tiˬ gʼaˬ, yehˇ tiˬ lam gʼaˬ hawˇ-eu mahˬ laˆ lawˬ smˬ yaˇ laˇ lehˬ hmˬ-awˇ, Yuˇdaˆ miˇ kʼahˬ-ahˇ uˇ laˇ-awˇ, Maˬleˇshaˬ meuˬ-ahˇ keuˆ ni laˇ keuˆ-euˬ meh.

1 Laˬsaˬbaˬ 18:4

Aˬ yawꞈ-euˬ mahˬ laˆ lawˬ tiˬ heˇ laˇ, mahˬ dziˬ-eu yehˇ shiꞈ heˇ gʼaˬ hawˇ-eu, kuiˇ zoˬ cah-eu yehˇ nyiˬ muiˇ gʼaˬ-ahˇ Daˬbiˇ nyehꞈ mi-euˬ meh. Mahˬ laˆ lawˬ tiˬ yaˇ laˇ gʼeu loꞈ-eu mahˬ deuˬ tehꞈ-ehˇ aˬ yawꞈ yuˇ geuꞈ-awˇ, dzeˇ-eu deuˬ-ahˇ kuiˇ guˬ yuˇ-euˬ meh.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

1 Saˬmeuˬlaˆ 13:5

Iˇsaˬleˬlaˆ tsawˇ haˬ deuˬ-ahˇ guiˇ deuˆ-eu gʼaˇ duˬ, Piˇliˇtiˆ tsawˇ haˬ deuˬ uiˬ leˇ taˬ-euˬ meh. Guiˇ deuˆ-eu mahˬ laˆ lawˬ smˬ muiˇ laˇ, mahˬ dziˬ-eu yehˇ koꞈ heˇ gʼaˬ hawˇ-eu, iˬ ma laˆ shaˆ lawˇ deh-ahˇ ga-eu kʼaˇ shuiꞈ loꞈ-ehˇ myaˬ-eu yehˇ deuˬ aˬ yawꞈ maꞈ kuˇ uiˬ taˬ-euˬ meh. Behˬdaˬbeˬ meuˬ-euˬ nahˇ ma doˆ kʼehˬ paw jaˆ-eu Miˇkaˬmaˆ meuˬ-ahˇ aˬ yawꞈ maꞈ iˇ-awˇ, sehˬ gʼawˆ gʼawˆ-awˇ jawˇ-euˬ meh.

Yaˇ kʼaˬ daˇ 4:3

Yaˬbiˬ-aˬ, shmˇ mahˬ laˆ lawˬ gʼoeˬ yaˇ laˇ jawˇ-awˇ, Iˇsaˬleˬlaˆ tsawˇ haˬ-ahˇ gʼawˬ shaˬ maˬ gaˬ ni kʼehˬ nehˬ kʼaˆ nehˬ-eu laꞈ kʼoeˇ, nyiˬ tseˇ kʼoꞈ uˆ lahˇ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ, caw ba le-awˬ lehˇ guˇ guˇ-ehˇ ngoeˇ-euˬ meh.

Doˆ-iˇ 14:9

Mahˬ deuˬ maˬ ehˇ, mahˬ laˆ lawˬ deuˬ maˬ ehˇ, mahˬ laˆ lawˬ teh-eu tsawˇ haˬ deuˬ maˬ ehˇ, dawˬ tawˆ luꞈ kuꞈ-eu Iˇjiˇtuˆ guiˇ maꞈ kʼoeˇ maꞈ, Iˇsaˬleˬlaˆ tsawˇ haˬ deuˬ-euˬ mehˬ nah caw teh-awˇ, iˬ ma laˆ shaˆ Yaw neˇ-euˬ gaˇ dzeˇ, Piˇhaˬhiˇyoˆ meuˬ hawˇ-eu Baˬlaˇzeˬpoˬ meuˬ dawˬ peh sehˬ gʼawˆ gʼawˆ-awˇ naˬ luꞈ gaˇ, teh miˇ le-euˬ meh.

1 Laˬsaˬbaˬ 19:8

Gaˇ kawˆ kʼoeˇ Daˬbiˇ ya gaˬ ngeh, Yoˇbaˬ nehˬ-ehˇ guiˇ maꞈ maꞈ lah ni pyehˬ gʼeh-euˬ meh.