1 Laˬsaˬbaˬ 17:20 - Akha

²⁰ Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ luꞈ ma.

1 Laˬsaˬbaˬ 17:20 Referans Kwoze

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 63:12

Aˬ yawꞈ-euˬ baoˬ zmˬ-awˇ Moˇseˬ-ahˇ gʼoe-eu laꞈ kʼoeˇ, mˬ maˬ maˬ byaˆ zaˇ ziˇ aˬ yawꞈ tsawˇ myahˇ doˆ ni, aˬ yawꞈ maꞈ-euˬ mehˬ shi laˆ shaˆ iˇ cuꞈ dehˬ paˆ doˆ-euˬ, Sahˬpaˬ Miˬyehˇ aˬ gaˇ jawˇ ta.

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 45:5

“Ngaˇ Sahˬpaˬ Miˬyehˇ pyeuꞈ-eu ma. Miˬyehˇ nui taw nui gʼaˬ maˬ jawˇ. Nawˇ ngaˬ-ahˇ maˬ siˬ nya-euˬ kʼawꞈ, nawˇ loˬ-eu gʼaˬ deuˬ ngaˇ biꞈ ma.

Iˇsaˬyaˇ 43:10

“Iˇsaˬleˬlaˆ tsawˇ haˬ deuˬ-oˇ, naw maꞈ-aˬ, ngaˬ-euˬ saˇ kiˇ ma. Naw maꞈ ngaˬ-ahˇ siˬ nya-awˇ jah laˇ ni, ngaˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ siˬ nya ni, ngaˬ-euˬ zaˬ kʼaˆ bi geuꞈ-eu lehˇ, naw maꞈ-ahˇ ngaˇ tseˇ doˆ-euˬ ma. Ngaˇ uˬ taꞈ miˬ yehˇ nui gʼaˬ maˬ jawˇ. Aˇ dahˬ beh ngeh neh maˬ jawˇ-euˬ loꞈ-ehˇ, aˇ saˬ saˬ ngeh kʼawꞈ maˬ jawˇ-aˇ.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Jaceuq 86:8

Sahˬpaˬ Miˬyehˇ-oˇ, nawˬ-ahˇ duˇ-eu Miˬyehˇ maˬ jawˇ-a. Nawˬ neh mˇ-euˬ jeˬ tiˬ gʼaˬ-iˬ mˇ taˬ-euˬ maˬ jaˆ-a.

Jaceuq 44:1

Miˬyehˇ-oˇ, aˇhu-euˬziˇ-ahˇ, nawˬneh mˇ-euˬhuiˬ-eu gaˇdeuˬ, poeˬpiˬja mehˬlaꞈ-euˬloꞈ-ehˇ, nga maꞈ naˬbawˇya gaˬ-euˬma.

1 Saˬmeuˬlaˆ 2:2

“Sahˬpaˬ Miˬyehˇ loꞈ-ehˇ shawˇ-eu, nui gʼaˬ tiˬ gʼaˬ-iˬ maˬ jawˇ-a. Yawꞈ-ahˇ duˇ-eu gʼaˬ maˬ jawˇ-a. Miˬyehˇ loꞈ-ehˇ haw piˇ nya-eu, nui gʼaˬ tiˬ gʼaˬ-iˬ maˬ jawˇ-a.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 4:39

Kʼoeˇ miˇ neh, Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, Miˬyehˇ pyeuꞈ-eu gaˇ kawˆ, tiˬ jawˇ-iˬ maˬ paˇ ya ngehˇ leˇ ni, iˬ nah naw maꞈ noeˬ taˬ-awˬ. Miˬ yehˇ nui gʼaˬ maˬ jawˇ-a.

Dawˬmehˬ 4:35

Aˬ yawꞈ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˬ yehˇ nui gʼaˬ maˬ jawˇ-eu gaˇ kawˆ bi siˬ bi mawˇ-eu gʼaˇ duˬ, naw maꞈ-ahˇ Sahˬpaˬ Miˬyehˇ heu loꞈ-ehˇ mˇ mehˬ-euˬ jeˬ pyeuꞈ-eu meh.

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Doˆ-iˇ 8:10

Moˇseˬ-ahˇ sahˬ paˬ ehˇ-eu, “Ni shawˬ nah ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.” Moˇseˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ duˇ-eu miˬ yehˇ nui gʼaˬ maˬ jawˇ-eu gaˇ kawˆ nawˇ ya siˬ ni, nawˇ kʼaˇ shaˇ-eu loꞈ-ehˇ ngaˇ mˇ nehˬ ma.

Doˆ-iˇ 9:14

Heu poˆ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ duˇ-eu tiˬ gʼaˬ-iˬ maˬ jawˇ-eu gaˇ kawˆ nawˇ ya siˬ ni, nawˬ-eu gaˇ mˇ-eu yaw huiˬ yaw mahˇ deuˬ-ahˇ tehꞈ-ehˇ maˬ ngeuˇ-ehˇ, nawˬ-ahˇ kʼawꞈ ngaˇ kʼehˬ-eu lehˇ lehˬ hmˬ taˬ-euˬ ma.

1 Laˬsaˬbaˬ 17:19

Ngaˬ-ahˇ heu naˆ ni mˇ nehˬ laꞈ-awˇ, aˬ kaˇ ngaˬ-euˬ nymˇ jiˇ huiˬ dui mahˇ dui dui laˇ-eu gaˇ kawˆ nawˇ ngaˬ-ahˇ bi siˬ bi mawˇ laꞈ-euˬ heu-aˬ, nawˬ-euˬ nui kʼahˇ hawˇ-eu nawˬ-euˬ nui gaˬ meh.

1 Laˬsaˬbaˬ 17:21

Aˬ cawˬ tsawˇ jeuˬ-euˬ zaˬ kʼaˆ ya geuꞈ luꞈ ngeh, nawˬ-euˬ tsawˇ jeuˬ bi pyeuꞈ laˇ-eu lehˇ, nawˬ neh ka kʼoꞈ nehˬ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ huiˬ dui dui-eu gaˇ deuˬ hawˇ-eu, zahˬ leˇ dui dui paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˇ tsawˇ myahˇ doˆ luꞈ meh. Nawˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh nawˇ ka kʼoꞈ doˆ nehˬ laꞈ-awˇ, nawˬ-euˬ tsawˇ jeuˬ le luꞈ-eu gaˇ ma tiˬ kahˇ mehˬ hu, aˬ cawˬ tsawˇ jeuˬ deuˬ-ahˇ nawˇ teh dzeh nehˬ-euˬ meh.

Jaceuq 97:9

Baoˬ huiˬ-eu Sahˬpaˬ Miˬyehˇ-oˇ, nawˇ-aˬ, miˇ tsaˬ dawˬ tawˆ luꞈ kʼoeˇ taˆ uˆ lahˇ-eu gʼaˬ meh. Miˬyehˇ dawˬ tawˆ luꞈ naˆ maˬ tseˇ, nawˇ huiˬ dui mahˇ dui dui-eu meh.