1 Laˬsaˬbaˬ 16:5 - Akha

⁵ Aˬsaˆ-ahˇ aˬ yuiꞈ bi geuꞈ-awˇ, Zaˬkaˬliˇ bi caw ba-euˬ meh. Yeˬyeˬlaˇ, Sheˬmiˇlaˬmoˇ, Yeˬheˬlaˇ, Maˬtiˇdiˇ, Eˇliˇbaˆ, Baˬnaˇyaˬ, Awˇbehˆeˬdoˬ, Yeˬyeˬlaˇ aˬ ha maꞈ-ahˇ deuˇ-mˬ bi diˬ-euˬ meh. Aˬsaˆ gʼaˬ-aˬ cehˇ lehˇ ciˆ-euˬ meh.

1 Laˬsaˬbaˬ 16:5 Referans Kwoze

1 Laˬsaˬbaˬ 6:39

Aˬsaˆ-aˬ, kawˇ yehˬ caˇ-eu paw aˬ yuiꞈ geuꞈ-euˬ nyiˬ gʼaˬ tiˬ gʼaˬ pyeuꞈ-eu meh. Leˬbiˇ-ahˇ keuˆ ni gui daˆ leꞈ-euˬ aˬ yawꞈ-euˬ tsuiꞈ daˆ-aˬ, Aˬsaˆ, Beˬleˬkiˇ, Shiˇmehˇ,

2 Laˬsaˬbaˬ 29:25

Sahˬ paˬ Daˬbiˇ-ahˇ Miˬyehˇ gʼaˇ duˬ ngehˬ dah nehˬ-euˬ gʼaˬ pyeuꞈ-eu Gaˆ hawˇ-eu, Miˬyehˇ gʼaˇ duˬ ngehˬ dah-eu Naˬdaˬ-ahˇ gʼoe-awˇ, Sahˬpaˬ Miˬyehˇ neh sahˬ paˬ Daˬbiˇ-ahˇ mehˬ nehˬ tsoˆ nehˬ taˬ-euˬ dawˬ deuˬ-ahˇ sahˬ paˬ Heˬsaˬgiˇ caw teh-eu laꞈ kʼoeˇ, Leˬbiˇ tsawˇ haˬ deuˬ-ahˇ cehˇ lehˇ, deuˇ mˬ hawˇ-eu, bawˬ law bi yuˇ-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ bi jawˇ-euˬ meh.

2 Saˬmeuˬlaˆ 6:5

Daˬbiˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, gʼaˬ kʼaˇ jaˆ-eu shaˇ-awˇ gaˇ nyeh nyeh nyeh-ehˇ caˇ-eu laꞈ kʼoeˇ, Sahˬpaˬ Miˬyehˇ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ maꞈ tahˬ diˬ, boe loe diˬ, cehˇ lehˇ ciˆ-awˇ, deuˇ-mˬ yaw huiˬ yaw nyiˇ gʼawˬ mya jeˬ diˬ-euˬ meh.

1 Laˬsaˬbaˬ 16:4

Dawˬ ma saˇ jaˇ Bahˬ keuˆ mehˬ shi caˇ dawˬ caˇ-awˇ ja ceuˬ-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ gaˇ sheuˬ gʼeh-eu gʼaˇ duˬ, Leˬbiˇ tsawˇ haˬ tiˬ paˆ na deuˬ-ahˇ Daˬbiˇ gaˇ biꞈ nehˬ-euˬ meh.

1 Laˬsaˬbaˬ 16:6

Piˇma Baˬnaˇyaˬ hawˇ-eu piˇ ma Yaˬhaˬzeˬlaˇ aˬ nyaꞈ-aˬ, Dawˬ ma saˇ jaˇ Bahˬ keuˆ mehˬ shi aˇ yamˬ tsaˬ tsaˬ ni daˇ heh ya baw-eu meh.

1 Laˬsaˬbaˬ 16:37

Sahˬ paˬ Daˬbiˇ-aˬ, Aˬsaˆ hawˇ-eu aˬ yawꞈ-euˬ cawˬ Leˬbiˇ tsawˇ haˬ deuˬ-ahˇ, Dawˬ ma saˇ jaˇ Bahˬ keuˆ jaˆ-eu jawˇ duˬ-ahˇ uˬ duˬ tahˬ ngeh, aˬ myah luꞈ aˬ yuiꞈ geuꞈ-awˇ sheuˬ gʼeh-eu gaˇ biꞈ nehˬ-euˬ meh. Aˬ yawꞈ maꞈ yawˬ nah na luꞈ, kʼoeˇ gaˇ yawˬ ha-euˬ gaˇ ya mˇ-eu meh.

1 Laˬsaˬbaˬ 6:24

Taˬhaˇ, Uˇleˬlaˇ, Awˇziˇ, Shawˇlaˆ lehˇ meh.