1 Laˬsaˬbaˬ 14:10 - Akha

¹⁰ “Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-eu tsaˬ meh loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Miˬyehˇ-ahˇ Daˬbiˇ naˇ haˬ haw ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ Sahˬpaˬ Miˬyehˇ ehˇ-eu meh.

1 Laˬsaˬbaˬ 14:10 Referans Kwoze

Dawqdaq 3:6

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ aˬ yawꞈ-ahˇ noeˬ keuˆ-awˬ. Nawˬ-ahˇ yaw tsaˬ yaw dawˇ gaˇ ma mehˬ laꞈ tehꞈ-a.

1 Laˬsaˬbaˬ 14:14

Miˬyehˇ-ahˇ Daˬbiˇ mehˬ bawˬ tiˬ poˆ paˇ mˇ haw ngeh, Miˬyehˇ heu loꞈ-ehˇ ehˇ-eu meh. “Heu paw dzeˇ coeˇ-ahˇ neh aˬ yawꞈ maꞈ-ahˇ guiˇ taˬ paˇ deuˆ-iˇ. Ehˇ kʼawꞈ, boeˬ dzaˇ dzaˇ yaˇ paw neh iˇ-awˇ, aˬ yawꞈ maꞈ-ahˇ guiˇ deuˆ-eu gʼaˇ duˬ lehˬ hmˬ-awˇ jawˇ tawˬ.

1 Laˬsaˬbaˬ 13:3

Kʼoeˇ naˇ, Sawˇluˆ sahˬ paˬ geuꞈ ngeh kʼahˇ maˬ kʼoꞈ ni bi jaˆ-euˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ laꞈ-iˇ kaˇ-euˇ.”

1 Sahˬpaˬ 22:6

Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ oeˬ yaˇ gʼaˬ-ahˇ Aˬhaˆ kuˇ uiˬ-awˇ ehˇ nehˬ-eu, “Giˇlaˆ miˇ kʼahˬ Laˬmoˆ meuˬ-ahˇ ngaˇ guiˇ deuˆ leˇ-eu tsaˬ nga loˇ, maˬ tsaˬ nga loˇ lehˇ ehˇ nehˬ laꞈ sheˇ.” Aˬ yawꞈ maꞈ ehˇ-eu, “Deuˆ leˇ-awˬ. Sahˬpaˬ Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a.”

2 Saˬmeuˬlaˆ 5:19

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-awˬ loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ, Sahˬpaˬ Miˬyehˇ ehˇ-eu meh.

2 Saˬmeuˬlaˆ 2:1

Kʼoeˇ naˇ, “Ngaˇ le-awˇ Yuˇdaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ na-ahˇ uˆ lahˇ leˇ-awˬ loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Uˆ lahˇ leˇ-awˬ” lehˇ ehˇ-eu meh. “Aˬ geu meuˬ-ahˇ uˆ lahˇ leˇ-eu” lehˇ Daˬbiˇ paˇ naˇ haˬ ngeh, “Heˬbyoˬ meuˬ-ahˇ uˆ lahˇ leˇ-awˬ” lehˇ, Sahˬpaˬ Miˬyehˇ ehˇ-eu meh.

1 Saˬmeuˬlaˆ 30:8

Kʼoeˇ ngeh, Daˬbiˇ Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ kʼoeˇ deuˬ-euˬ mehˬ nah ngaˇ caw teh-iˇ-awˬ loˇ. Aˬ yawꞈ maꞈ-ahˇ ngaˇ teh mi coeˇ tehꞈ-a loˇ.” Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ caw teh-iˇ-awˬ. Aˬ yawꞈ maꞈ-ahˇ nawˇ teh mi-awˇ, aˬ yawꞈ maꞈ neh nyehꞈ gʼeh-euˬ tsawˇ haˬ deuˬ-ahˇ nawˇ ka kʼoꞈ nya tehꞈ-a.”

2 Saˬmeuˬlaˆ 5:23

Sahˬpaˬ Miˬyehˇ-ahˇ Daˬbiˇ mehˬ bawˬ tiˬ poˆ paˇ mˇ haw ngeh, Sahˬpaˬ Miˬyehˇ heu loꞈ-ehˇ ehˇ-eu meh. “Heu paw dzeˇ coeˇ-ahˇ neh aˬ yawꞈ maꞈ-ahˇ guiˇ taˬ deuˆ-iˇ. Boeˬ dzaˇ aˇ bawˇ bawˇ yaˇ paw neh iˇ jaw gʼeh-awˇ, aˬ yawꞈ maꞈ-ahˇ guiˇ deuˆ-eu gʼaˇ duˬ lehˬ hmˬ dah taˬ-awˇ jawˇ-awˬ.

1 Laˬsaˬbaˬ 14:9

Piˇliˇtiˆ tsawˇ haˬ deuˬ Leˬpeˬ deh kʼawꞈ-ahˇ oe keuˆ-awˇ, miˇ kʼahˬ zaˬ-euˬ myawˬ gahˬ deuˬ ceh geuꞈ luꞈ-eu meh.

1 Laˬsaˬbaˬ 14:11

Kʼoeˇ naˇ, Baˬlaˇpeˬlaˬzmˬ lehˇ kuˇ-eu jawˇ duˬ-ahˇ, Piˇliˇtiˆ tsawˇ haˬ deuˬ-ahˇ Daˬbiˇ guiˇ deuˆ-iˇ-awˇ, deuˆ gʼaˬ-euˬ meh. Kʼoeˇ ngeh jawˇ, “Miˬyehˇ ngaˬ-ahˇ zmˬ-awˇ, muiˇ-eu tsawˇ haˬ kʼoeˇ deuˬ-ahˇ iˇ jeuˬ jeuˬ-euˬ loꞈ-ehˇ dehˬ paˆ doˆ gʼeh-euˬ meh” lehˇ Daˬbiˇ ehˇ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ Baˬlaˇpeˬlaˬzmˬ lehˇ kuˇ-euˬ meh.