1 Laˬsaˬbaˬ 13:6 - Akha

⁶ Kʼoeˇ naˇ, Jeˬluˇbeˬ mawˇ kawˇ kʼoeˇ taˆ Sahˬpaˬ Miˬyehˇ-euˬ tsawˇ myahˇ jaˆ-eu Dawˬ ma saˇ jaˇ Bahˬ keuˆ baꞈ kʼoꞈ laˬ-iˇ-eu gʼaˇ duˬ,Giˇliˇyaˆyeˬlmˬ lehˇ kuˇ-eu Yuˇdaˆ miˇ kʼahˬ Baˬlahˬ meuˬ-ahˇ, Daˬbiˇ hawˇ-eu Iˇsaˬleˬlaˆ tsawˇ haˬ deuˬ iˇ-euˬ meh.

1 Laˬsaˬbaˬ 13:6 Referans Kwoze

Yawˇshuˆ 15:9

Kʼoeˇ gaˇ neh naˇ, Neˬpaˬtahˇ lawˇ kʼawꞈ-ahˇ neh, Eˇpaˬloˬ gawˬ jawˬ-ahˇ jaˆ-eu meuˬ deuˬ-ahˇ iˇ gʼeh-awˇ, (Giˇliˇyaˆyeˬlmˬ lehˇ kuˇ-eu) Baˬlahˬ meuˬ paw iˇ gʼeh-euˬ meh.

2 Sahˬpaˬ 19:15

Kʼoeˇ naˇ, aˬ yawꞈ heu loꞈ-ehˇ guiˬ lahˬ shaˇ-euˬ meh. “Jeˬluˇbeˬ mawˇ kawˇ kʼoeˇ taˆ jaˆ-eu dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ kʼahˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Mˬ hawˇ-eu miˇ, nawˬ neh beh-euˬ meh.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.

Yawˇshuˆ 15:60

(Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ, Laˬbah meuˬ, heu nyiˬ meuˬ hawˇ-eu, heu nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ neh.

Iˇsaˬyaˇ 37:16

“Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, Jeˬluˇbeˬ mawˇ kawˇ kʼoeˇ taˆ jaˆ-eu nuiˇ mahˬ kʼoeˇ taˆ nuiˇ luꞈ-eu nawˇ tiˬ gʼaˬ tehꞈ-ehˇ Miˬyehˇ pyeuꞈ-awˇ, miˇ tsaˬ kʼoeˇ taˆ kʼaˇ jaˆ-eu miˇ kʼahˬ dawˬ tawˆ luꞈ-ahˇ uˆ lahˇ luꞈ-eu meh. Mˬ hawˇ-eu miˇ-ahˇ nawˬ neh beh-euˬ meh.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

1 Sahˬpaˬ 8:16

‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ tiˬ nah neh, iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-aˬ siˬ. Ehˇ kʼawꞈ Daˬbiˇ-oˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, nawˬ-ahˇ ngaˇ tseˇ doˆ-eu ma.’

Bawˇtsahˬ 7:89

Sahˬpaˬ Miˬyehˇ-ahˇ dawˬ ngehˬ cawˬ leˇ-eu gʼaˇ duˬ, Sehˬ gʼawˆ laꞈ kʼoeˇ Moˇseˬ uˇ leˇ ngeh, dawˬ ma saˇ jaˇ bahˬ keuˆ kʼmˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ kawˇ yaw kaˬ-ahˇ, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ gaˇ ya gaˬ-euˬ meh.

Bawˇtsahˬ 6:27

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ-eu tsawˇ myahˇ kuˇ-awˇ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ naˇ, ngaˇ guiˬ lahˬ biꞈ ma.”

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Doˆ-iˇ 20:24

Ngaˬ-euˬ gʼaˇ duˬ, miˇ tsaˬ neh lawˇ duˬ tiˬ tsahˇ jahˇ-awˬ, gʼawˇ mawˇ mawˇ lah-ehˇ miˬ dzaˬ-ahˇ dzah puiˆ-awˇ lawˇ nehˬ-eu jeˬ maˬ ehˇ, cawˬ cawˬ taꞈ-eu lawˇ-eu jeˬ maˬ ehˇ, naw maꞈ-euˬ yawˇ hawˇ-eu mawˇ neˇ deuˬ, lawˇ duˬ kʼoeˇ hmˬ kʼoeˇ taˆ lawˇ-awˬ. Naw maꞈ ngaˬ-ahˇ uˬ duˬ bi tahˬ-eu lehˇ, ngaˬ neh tsaˬ tsoˆ taˬ-euˬ jawˇ duˬ yawˬ tsahˇ na luꞈ-ahˇ naw maꞈ jawˇ gaˇ ngaˇ oe-awˇ, naw maꞈ-ahˇ guiˬ lahˬ biꞈ nehˬ ma.

Yawˇshuˆ 9:17

Kʼoeˇ naˇ, Iˇsaˬleˬlaˆ tsawˇ haˬ deuˬ gaˇ ma paˇ doˆ-iˇ-awˇ, smˬ nah gaˇ ma le ngeh, tsawˇ haˬ kʼoeˇ deuˬ jawˇ-eu meuˬ deuˬ pyeuꞈ-eu Giˇbyoˬ meuˬ, Sheˬpiˇlaˬ meuˬ, Biˇyoˆ meuˬ hawˇ-eu, Giˇliˇyaˆyeˬlmˬ meuˬ heu deuˬ-ahˇ le keuˆ-euˬ meh.

1 Saˬmeuˬlaˆ 6:21

Kʼoeˇ naˇ, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ maꞈ tsawˇ haˬ pyehˬ gʼeh-awˇ, “Piˇliˇtiˆ tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ ha laˇ gʼaˬ-euˬ meh. Naw maꞈ oe-awˇ baꞈ kʼoꞈ laˬ le-awˬ” lehˇ bi ehˇ gaˬ-iˇ-euˬ meh.