1 Laˬsaˬbaˬ 11:6 - Akha

⁶ “Yeˬbuˇ tsawˇ haˬ-ahˇ sehꞈ beh beh-euˬ gʼaˬ, guiˇ maꞈ kʼoeˇ taˆ uˆ lahˇ-eu gʼaˬ bi geuꞈ ma” lehˇ, Daˬbiˇ ehˇ-euˬ meh. Zeˬluˇyaˆ-euˬ aˬ li Yoˇbaˬ-aˬ, aˬ cawˬ mehˬ hu guiˇ daˬ daˬ-awˇ, guiˇ maꞈ kʼoeˇ taˆ uˆ lahˇ-eu gʼaˬ pyeuꞈ laˇ-euˬ meh.

1 Laˬsaˬbaˬ 11:6 Referans Kwoze

2 Saˬmeuˬlaˆ 8:16

Zeˬluˇyaˆ-euˬ aˬ li Yoˇbaˬ gʼaˬ, Daˬbiˇ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

2 Saˬmeuˬlaˆ 20:23

Yoˇbaˬ-aˬ, Iˇsaˬleˬlaˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh. Yeˬhawˇyaˬdaˬ-euˬ aˬ li Baˬnaˇyaˬ-aˬ, Daˬbiˇ-ahˇ loꞈ piˇ-eu guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu meh.

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

1 Saˬmeuˬlaˆ 17:25

Aˬ yawꞈ maꞈ tiˬ gʼaˬ tiˇ gʼaˬ ehˇ-eu, “Aˬ yawꞈ-ahˇ haw sheˇ. Aˬ yawꞈ guˇ gaˇ naˇ haˬ sheˇ. Sahˬ paˬ Sawˇluˆ heu loꞈ-ehˇ saˇ jaˇ dzaˬ taˬ-euˬ maˬ ngeuˇ-a loˇ. Tsawˇ haˬ teu gʼaˬ-ahˇ kʼaˇ deuˆ sehꞈ nya-eu gʼaˬ-ahˇ huiˬ dui dui-eu laꞈ sawˬ biꞈ-awˇ, aˬ yawꞈ-euˬ aˬ buˇ-ahˇ bi sheuˬ-eu uˬ taꞈ, aˬ yawꞈ-euˬ aˬ da-euˬ nymˇ jiˇ kʼawꞈ doˆ-eu ka-eu jeˬ ma bi baꞈ ni bi dzeuˇ-iˇ ma lehˇ saˇ jaˇ dzaˬ taˬ-euˬ maˬ ngeuˇ-a loˇ.”

2 Saˬmeuˬlaˆ 2:13

Zeˬluˇyaˆ-euˬ aˬ li Yoˇbaˬ hawˇ-eu Daˬbiˇ-euˬ gaˇ mˇ-eu yaw huiˬ yaw mahˇ deuˬ aˬ yawꞈ maꞈ-ahˇ Giˇbyoˬ lah dawˬ peh tahˬ puˬ-awˇ, lah-euˬ kʼoeˇ baˬ heu baˬ-ehˇ, aˇ muˇ muˇ-awˇ nuiˇ luꞈ-eu meh.

1 Sahˬpaˬ 1:7

Sahˬ paˬ Daˬbiˇ-euˬ dmˇ ma Zeˬluˇyaˆ-euˬ aˬ li Yoˇbaˬ hawˇ-eu piˇ ma Aˬbyaˬdaˬ aˬ nyaꞈ-ahˇ aˬ yawꞈ mehˬ bawˬ mˇ haw ngeh, aˬ yawꞈ nyaꞈ kʼawꞈ aˬ yawꞈ jawˇ paw pyawˬ ma lehˇ ehˇ nehˬ-euˬ meh.

1 Laˬsaˬbaˬ 11:5

“Meuˬ heu meuˬ-ahˇ nawˇ guiˇ maˬ deuˆ uˇ laꞈ nya-aˇ” lehˇ, Yeˬbuˇ tsawˇ haˬ deuˬ Daˬbiˇ-ahˇ ehˇ nehˬ-euˬ meh. Ehˇ kʼawꞈ, ziꞈ dah ni tsoˆ taˬ-euˬ Ziˇoˬ taˆ nymˇ nymˇ ma-ahˇ Daˬbiˇ deuˆ gʼaˬ-awˇ, jawˇ duˬ kʼoeˇ tsahˇ “Daˬbiˇ-euˬ meuˬ” lehˇ tsawˇ myahˇ doˆ-euˬ meh.

1 Laˬsaˬbaˬ 11:7

Taˆ nymˇ nymˇ ma kʼoeˇ nymˇ-ahˇ Daˬbiˇ jawˇ leˇ-euˬ miˇ neh, Daˬbiˇ-euˬ meuˬ lehˇ tsawˇ myahˇ doˆ-euˬ jeˬ pyeuꞈ-eu meh.

1 Laˬsaˬbaˬ 18:15

Aˬbiˇshaiˇ-euˬ aˬ nyiˇ Yoˇbaˬ-aˬ, Daˬbiˇ-euˬ guiˇ maꞈ kʼoeˇ taˆ uˆ lahˇ-eu gʼaˬ geuꞈ-euˬ meh. Aˬhiˇluˆ-euˬ aˬ li Yeˬhawˇshaˬpaˇ gʼaˬ-aˬ, jaˇ laˇ yuˇ-eu paw aˬ yuiꞈ geuꞈ-euˬ meh.

1 Laˬsaˬbaˬ 27:34

Aˬhiˇtawˇpeˬlaˇ shiˇ ngeh jawˇ, Baˬnaˇyaˬ-euˬ aˬ li Aˬbyaˬdaˬ hawˇ-eu Yeˬhawˇyaˬdaˬ aˬ nyaꞈ nmˇ sahˬ paˬ-ahˇ nui noeˬ nui duˇ biꞈ-eu gʼaˬ geuꞈ-euˬ meh. Yoˇbaˬ-aˬ, sahˬ paˬ-euˬ guiˇ maꞈ kʼoeˇ taˆ uˆ lahˇ-eu gʼaˬ geuꞈ-euˬ meh.

Jaceuq 60:9

Miˬyehˇ-oˇ, ziꞈ dah ni gawˬ ziꞈ taˬ-euˬ meuˬ-ahˇ aˬ suˇ gʼaˬ ngaˬ-ahˇ sheuˬ gʼeh nehˬ laꞈ nmˇ. Eˬdoˬ miˇ kʼahˬ-ahˇ aˬ suˇ gʼaˬ ngaˬ-ahˇ sheuˬ gʼeh nmˇ.