1 Laˬsaˬbaˬ 11:20 - Akha

²⁰ Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ-aˬ, “Tsawˇ myahˇ doˆ-eu yehˇ smˬ tseˇ gʼaˬ” laꞈ kʼoeˇ, aˬ yuiꞈ geuꞈ-euˬ gʼaˬ meh. Aˬ yawꞈ-aˬ, aˬ yawꞈ-euˬ gahˬ neh tsawˇ haˬ smˬ yaˇ gʼaˬ-ahˇ deuˆ ceh ceh-awˇ sehꞈ jiˇ-euˬ miˇ neh, “Smˬ tseˇ gʼaˬ” laꞈ kʼoeˇ tsawˇ myahˇ doˆ-eu gʼaˬ pyeuꞈ laˇ-eu meh.

1 Laˬsaˬbaˬ 11:20 Referans Kwoze

1 Saˬmeuˬlaˆ 26:6

Heˬtaˆ tsawˇ haˬ Aˬhiˇmaˬlehˇ hawˇ-eu, Zeˬluˇyaˆ-euˬ aˬ li Yoˇbaˬ-euˬ aˬ nyiˇ Aˬbiˇshaiˇ aˬ nyaꞈ-ahˇ, “Naw nyaꞈ ngaˬ nehˬ-ehˇ Sawˇluˆ-euˬ taˆ-ahˇ aˬ geu gʼaˬ iˇ nmˇ” lehˇ Daˬbiˇ naˇ haˬ ngeh, “Ngaˇ iˇ ma” lehˇ Aˬbiˇshaiˇ ehˇ-eu meh.

1 Laˬsaˬbaˬ 2:16

aˬ ha mehˇ nmˇ meh. Yeˬshehˇ-aˬ, Zeˬluˇyaˆ hawˇ-eu Aˬbiˇgeˬlaˆ lehˇ myahˇ-euˬ aˬ buˇ nyiˬ buˇ kʼawꞈ jawˇ-eu meh. Yeˬshehˇ-euˬ aˬ buˇ Zeˬluˇyaˆ-aˬ, Aˬbiˇshehˇ, Yoˇbaˬ, Aˬsaˬheˬlaˇ lehˇ myahˇ-euˬ aˬ li smˬ li jawˇ-eu meh.

2 Saˬmeuˬlaˆ 21:17

Ehˇ kʼawꞈ, Zeˬluˇyaˆ-euˬ aˬ li Aˬbiˇshaiˇ gʼaˬ Daˬbiˇ-ahˇ caw ba le-awˇ, huiˬ dui goˇ dui dui-eu tsawˇ haˬ kʼoeˇ gʼaˬ-ahˇ deuˆ ceh ceh-awˇ sehꞈ-euˬ meh. Kʼoeˇ ngeh poˆ neh naˇ, guiˇ deuˆ gaˇ Daˬbiˇ-euˬ gʼawˇ mawˇ tiˬ jawˇ-iˬ maˬ paˇ bi oe-eu gʼaˇ duˬ, Daˬbiˇ-euˬ tsawˇ haˬ deuˬ neh Daˬbiˇ-ahˇ saˇ jaˇ bi dzaˬ-euˬ meh. “Nawˇ-aˬ, Iˇsaˬleˬlaˆ miˇ kʼahˬ-euˬ nui ma taˬ duˬ pyeuꞈ-eu miˇ neh, nawˬ-ahˇ nga maꞈ maˬ bi shiˇ peuˬ nya” lehˇ aˬ yawꞈ maꞈ ehˇ-eu meh.

2 Saˬmeuˬlaˆ 20:6

Kʼoeˇ ngeh, Aˬbiˇshaiˇ-ahˇ sahˬ paˬ ehˇ nehˬ-eu, “Sheˬba gʼaˬ Aˬbaˇsaˬloˬ naˆ maˬ tseˇ aˬ dui-ahˇ laˆ bahˬ tehꞈ-a. Ngaˬ-euˬ tsawˇ haˬ deuˬ sheuˬ-awˇ aˬ yawꞈ-euˬ mehˬ nah teh-iˇ-awˬ. Kʼoeˇ loꞈ-ehˇ maˬ jahˇ naˇ, meuˬ meuˬ lahˇ yaw muiˬ paˬ-ehˇ gawˬ ziꞈ taˬ-euˬ meuˬ deuˬ-ahˇ aˬ yawꞈ cehˆ uˇ-iˇ-awˇ, aˬ dui-euˬ laꞈ-ahˇ neh cehˆ buˬ tehꞈ-a.”

2 Saˬmeuˬlaˆ 18:2

Kʼoeˇ naˇ, aˇ muˇ muˇ ma smˬ muˇ biˇ-awˇ, Yoˇbaˬ, Yoˇbaˬ-euˬ aˬ nyiˇ Aˬbiˇshaiˇ hawˇ-eu Gaˬdaˇ meuˬ-ahˇ jawˇ-awˇ laˇ-euˬ Iˇtehˇ aˬ ha smˇ gʼaˬ-ahˇ, tiˬ gʼaˬ tiˬ muˇ sheuˬ-awˇ bi doˆ-iˇ-euˬ meh. “Ngaˬ-euˬ gʼawˇ mawˇ kʼawꞈ naw maꞈ nehˬ-ehˇ iˇ ma” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ ehˇ nehˬ-euˬ meh.

2 Saˬmeuˬlaˆ 3:30

Yoˇbaˬ hawˇ-eu Aˬbiˇshaiˇ aˬ nyaꞈ nmˇ-aˬ, kʼoeˇ loꞈ-ehˇ jahˇ-awˇ, Giˇbyoˬ meuˬ-ahˇ guiˇ deuˆ ngeh aˬ yawꞈ nyaꞈ nmˇ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ aˇ poeˬ, Aˬbaˬnaˬ-ahˇ paˇ sehꞈ poˆ-euˬ meh.

2 Saˬmeuˬlaˆ 2:18

Zeˬluˇyaˆ-euˬ aˬ li deuˬ pyeuꞈ-eu, Yoˇbaˬ, Aˬbiˇshaiˇ hawˇ-eu Aˬsaˬheˬlaˇ aˬ ha smˬ mehˇ nmˇ luꞈ kʼoeˇ gaˇ ahˇ-eu meh. Aˬsaˬheˬlaˇ-aˬ, kʼaˬ tsehˆ naˆ ni cehˆ kawˇnya-eu meh.

1 Laˬsaˬbaˬ 11:19

“Sahˬpaˬ Miˬyehˇ-oˇ, Iˇ cuꞈ heu ngaˇ maˬ dawˇ ahˇ coeˇ nya. Iˇ cuꞈ heu ngaˇ dawˇ naˇ, yawˬ ha-euˬ saꞈ laˇ damˬ-awˇ iˇ cuꞈ kʼawꞈ doˆ laˬ-iˇ-euˬ tsawˇ haˬ heu smˇ gʼaˬ-euˬ shiˬ dawˇ gaˇ duˇ miˇ-a” lehˇ aˬ yawꞈ ehˇ-eu meh. Kʼoeˇ miˇ neh, iˇ cuꞈ kʼoeˇ aˬ yawꞈ maˬ dawˇ ni byehˇ-euˬ meh. Gaˇ heu deuˬ-aˬ, tsawˇ myahˇ doˆ dui dui-eu yehˇ kʼoeˇ smˇ gʼaˬ neh mˇ-euˬ ja ceuˬ dui dui paˬ-ehˇ gʼeh-eu gaˇ deuˬ meh.

1 Laˬsaˬbaˬ 11:21

Kʼoeˇ “Smˬ tseˇ gʼaˬ” laꞈ kʼoeˇ aˬ cawˬ naˆ maˬ tseˇ aˬ yawꞈ tsawˇ myahˇ doˆ-awˇ, aˬ yawꞈ maꞈ kʼoeˇ taˆ aˬ yuiꞈ geuꞈ-euˬ meh. Ehˇ kʼawꞈ, tsawˇ myahˇ doˆ dui dui-eu “Yehˇ smˇ gʼaˬ” naˆ ni aˬ yawꞈ tsawˇ myahˇ maˬ huiˬ-a.