1 Laˬsaˬbaˬ 11:14 - Akha

¹⁴ Aˬ yawꞈ hawˇ-eu aˬ yawꞈ-euˬ tsawˇ haˬ deuˬ yaˇ kʼoeˇ kawˬ gʼahˇ ceh ziꞈ dah ni jawˇ-awˇ, Piˇliˇtiˆ tsawˇ haˬ deuˬ-ahˇ deuˆ-euˬ meh. Huiˬ dui dui-eu gʼaˬ leˇ-eu jeˬ, aˬ yawꞈ-ahˇ Sahˬpaˬ Miˬyehˇ biꞈ-euˬ meh.

1 Laˬsaˬbaˬ 11:14 Referans Kwoze

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Dawqdaq 21:31

Nawˇ guiˇ deuˆ-eu mahˬ deuˬ lehˬ hmˬ taˬ nya kʼawꞈ, guiˇ deuˆ gʼaˬ ni jahˇ-eu gʼaˬ Sahˬpaˬ Miˬyehˇ meh.

Jaceuq 18:50

Yawꞈneh ka nehˬ-euˬsahˬpaˬ-ahˇ, gʼaˬleˇ-eu baoˬyawꞈbiꞈnehˬ-awˇ, yawꞈneh tsiˇlehꞈ-euˬgʼaˬpyeuꞈ-eu, Daˬbiˇ-euˬtsuiꞈtoeˬcaw ka-awˇ, mˬmaˬmaˬbyaˆgaˬnehˬ-eu meh.

2 Sahˬpaˬ 5:1

Suˇliˆ miˇ kʼahˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬmaˬ-ahˇ, Suˇliˆ sahˬ paˬ taˬ huiˬ taˬ mahˇ dui dui-eu meh. Aˬ jeˬ miˇ neh ehˇ naˇ, Neˬmaˬ baˬ da neh Suˇliˆ guiˇ maꞈ deuˬ-ahˇ aˬ cawˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Aˬ yawꞈ-aˬ, guiˇ deuˆ-eu paw tsawˇ myahˇ doˆ dui dui kʼawꞈ, nyawˬ naˇ-eu tsawˇ haˬ tiˬ gʼaˬ pyeuꞈ-eu meh.

2 Saˬmeuˬlaˆ 23:10

Ehˇ kʼawꞈ, aˬ yawꞈ maˬ cehˆ-ehˇ, ziꞈ dah ni yawꞈ-eu laꞈ kʼoeˇ, aˬ laꞈ gʼah dui dui laˇ-euˬ miˇ neh mi cehˇ tuˆ tehˬ taˬ-euˬ maˬ pyehˬ dzeh nya-ehˇ pyeuꞈ laˇ ngeh keuˆ ni guiˇ deuˆ-euˬ meh. Kʼoeˇ ngeh nah, huiˬ dui dui-eu guiˇ tiˬ guiˇ Sahˬpaˬ Miˬyehˇ deuˆ gʼaˬ-euˬ meh. Guiˇ deuˆ gʼaˬ ngeh, Iˇsaˬleˬlaˆ tsawˇ haˬ deuˬ Eˇlaˬzaˬ jawˇ gaˇ paˇ gʼoꞈ laˇ-awˇ, shiˇ taˬ-awˇ ga-eu tsawˇ haˬ deuˬ dawꞈ luꞈ-eu guiˇ deuˆ-eu keu ka deuˬ lehˆ doˆ geuꞈ-euˬ meh.

1 Saˬmeuˬlaˆ 19:5

Aˬ yawꞈ-euˬ gʼawˇ mawˇ ya shiˇ gaˇ aˬ yawꞈ maˬ guˆ ni, Gawˇliˇyaˆ-ahˇ aˬ yawꞈ sehꞈ-eu laꞈ kʼoeˇ, Iˇsaˬleˬlaˆ tsawˇ jeuˬ gʼaˇ duˬ Sahˬpaˬ Miˬyehˇ guiˇ deuˆ gʼaˬ-euˬ meh. Kʼoeˇ loꞈ-ehˇ jahˇ-euˬ gaˇ ya mawˇ ngeh, nawˇ laˬ kʼaˬ cehˇ-euˬ meh. Toˆ-ehˇ ngeuˇ naˇ, nymˬ-mˇ tiˬ jeˬ-iˬ gaˇ kawˆ maˬ jaˆ gaˇ Daˬbiˇ-ahˇ nawˇ sehꞈ-eu laꞈ kʼoeˇ, mˇ lehˬ taˬ-euˬ jeˬ maˬ jaˆ-eu tsawˇ haˬ-ahˇ aˬ jeˬ miˇ neh yaw haiˬ jeˬ jahˇ nehˬ mawꞈ te.”

1 Saˬmeuˬlaˆ 14:23

Behˬdaˬbeˬ meuˬ iˇ dzeuˇ ngeh keuˆ ni deuˆ ceh ceh-awˇ, kʼoeˇ ngeh nah Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-euˬ meh.

1 Laˬsaˬbaˬ 11:13

Paˬsaˬdaˬmiˬ lehˇ kuˇ-eu jawˇ duˬ-ahˇ guiˇ deuˆ ngeh, Daˬbiˇ jawˇ paw pyawˬ-awˇ, Piˇliˇtiˆ tsawˇ haˬ deuˬ-ahˇ deuˆ-euˬ meh. Iˇsaˬleˬlaˆ tsawˇ haˬ deuˬ cehˆ byaˆ jiˇ ngeh, lawˬ loeˇ loeˇ yaˇ-ahˇ aˬ yawꞈ jawˇ luꞈ-eu meh.

1 Laˬsaˬbaˬ 11:15

Tiˬ nah-aˬ, nya dui dui-eu yehˇ smˬ tseˇ gʼaˬ laꞈ kʼoeˇ smˇ gʼaˬ, Aˬduˬlamˬ lo kʼahˬ dawˬ peh jaˆ-eu lo guˇ-ahˇ Daˬbiˇ jawˇ gaˇ iˇ-euˬ meh. Kʼoeˇ ngeh, Piˇliˇtiˆ guiˇ maꞈ tiˬ maꞈ Leˬpeˬ deh kʼawꞈ-ahˇ taˆ tsoˆ luꞈ-eu meh.