1 Laˬsaˬbaˬ 1:23 - Akha

²³ Awˇpiˇlaˆ, Haˬbiˇlaˬ, Yawˇbehˆ heu deuˬ meh.

1 Laˬsaˬbaˬ 1:23 Referans Kwoze

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Yawˇbaˆ 22:24

Nawˬ-euˬ shuiˇ biˬ dzeh-awˬ. Muiˬ dui dui-eu nawˬ-euˬ shuiˇ deuˬ-ahˇ gui coˇ ni gʼeh-eu lawˇ baˬ dawˬ dah tahˬ dzeh-awˬ.

1 Laˬsaˬbaˬ 29:4

Uˬ duˬ tahˬ nymˇ nymˇ ma-euˬ kaˇ pyawˇ laˆ muiˬ nehˬ-eu gʼaˇ duˬ, ba jiˬ deuˬ neh ya bi tehˆ-eu mˇ myawˬ keu ka deuˬ jahˇ gaˇ bi geuꞈ-eu lehˇ, maˇ jawˆ ni gʼeh-eu shuiˇ koꞈ muiˇ jawꞈ-i dzehˬ ni hawˇ-eu, maˇ jawˆ ni gʼeh-eu pyuˇ tiˬ seh ngaˬ muiˇ oeˬ heˇ jawꞈ-i ehˇ gʼaˬ ni ngaˇ biꞈ-euˬ ma. Nymˬ-mˇ, Sahˬpaˬ Miˬyehˇ gʼaˇ duˬ nui ma keuˆ-awˇ aˬ suˇ gʼaˬ damˬ nmˇ.”

1 Sahˬpaˬ 10:11

(Awˇpiˇlaˆ miˇ kʼahˬ-ahˇ neh shuiˇ tawˬ kʼoꞈ laꞈ-euˬ Hiˇlamˬ-euˬ saˇ baoˬ aˇ maꞈ kʼoeˇ maꞈ-aˬ, Aˬlaˬgmˬ lehˇ kuˇ-eu miˬ shuˬ daˇ kawˬ tiˬ jeˬ hawˇ-eu, aˇ poeˬ kʼaˆ-eu kʼaˬ lo sehˇ deuˬ gʼawˬ mya ni tawˬ kʼoꞈ laꞈ-euˬ meh.

1 Sahˬpaˬ 9:28

Awˇpiˇlaˆ miˇ kʼahˬ paw aˬ yawꞈ maꞈ saˇ baoˬ dziˬ gʼeh-awˇ, Sawˇlaˬmoˬ-ahˇ shuiˇ gʼoeˬ heˇ koꞈ yaˇ jawꞈ-i ehˇ gʼaˬ ni tawˬ kʼoꞈ nehˬ laꞈ-euˬ meh.

1 Saˬmeuˬlaˆ 15:7

Haˬbiˇlaˬ meuˬ-ahˇ neh Iˇjiˇtuˆ miˇ kʼahˬ-euˬ nahˇ ma doˆ kʼehˬ paw jaˆ-eu Shuˇyaˆ meuˬ-ahˇ keuˆ ni guiˇ deuˆ keuˆ-awˇ, Aˬmaˬlehˇ tsawˇ haˬ deuˬ-ahˇ Sawˇluˆ deuˆ gʼaˬ-euˬ meh.

Aˇ dahˬ 25:18

Iˇshaˬmeˬlaˇ-euˬ zaˬ deuˬ uˆ deuˬ-aˬ, Iˇjiˇtuˆ miˇ kʼahˬ nahˇ ma doˆ kʼehˬ paw, Aˬshuˇliˆ miˇ kʼahˬ-ahˇ iˇ-eu gaˇ ma-ahˇ jaˆ-eu Haˬbiˇlaˬ meuˬ hawˇ-eu Shuˇyaˆ meuˬ yaw kaˬ-ahˇ jawˇ-euˬ meh. Aˬ yawꞈ maꞈ-aˬ, Aˬbyaˬhaˬ-euˬ zaˬ yawˬ deuˬ yawˬ nehˬ-ehˇ maˬ jawˇ keuˬ ni jawˇ-euˬ meh.

Aˇ dahˬ 10:29

Awˇpiˇlaˆ tsawˇ jeuˬ, Haˬbiˇlaˬ tsawˇ jeuˬ, Yawˇbehˆ tsawˇ jeuˬ, heu deuˬ meh. Aˬ yawꞈ maꞈ dawˬ tawˆ luꞈ Yoˇtaˬ-euˬ zaˬ deuˬ uˆ deuˬ tehꞈ meh.

Aˇ dahˬ 2:11

Lawˇ baˬ yaw beh gawˆ-aˬ, Piˇshahˬ lawˇ baˬ pyeuꞈ-awˇ, Haˬbiˇlaˬ miˇ kʼahˬ caw caw-ehˇ yoeˇ ka gʼeh-euˬ meh.

1 Laˬsaˬbaˬ 1:22

Eˇbaˬlaˇ, Aˬbiˇmeˬlaˇ, Sheˬba,

1 Laˬsaˬbaˬ 1:24

Sheˬmaˆ-ahˇ neh Aˬbyaˬ-ahˇ keuˆ ni, tsuiꞈ heu loꞈ-ehˇ meh. Sheˬmaˆ Aˬpaˬshaˇ, Sheˬlahˬ,