1 Gawˇliˬtu 8:13 - Akha

¹³ Kʼoeˇ miˇ neh, dzaˬ-eu dawˇ-eu jeˬ baˬ da neh aˬ yuiꞈ aˬ nyiˇ Ka li zaˬ iˬ baˇ mˇ doˆ laꞈ-eu ngeuˇ lawˬ naˇ, Ka li zaˬ tiˬ gʼaˬ iˬ baˇ laꞈ kʼoeˇ maˬ bi coˬ ahˇ-eu gʼaˇ duˬ, ngaˇ shaˬ jiˇ tiˬ jawˇ-iˬ maˬ paˇ dzaˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoermirnae, dzaqdzaq dawrdawr-euq baqda’nae, ngar, ngaq-euq aqyuif aqnyir-anr sanqtif bitif-ir nar-aq, ngaq-euq aqyuif aqnyir sanqtif maqya tifni, aqkar nar-aq, ngar shaqjir tiqjawr-iq maqpar dzaq ma.

1 Gawˇliˬtu 8:13 Referans Kwoze

Lormav 14:21

Shaˬ jiˇ dzaˬ-eu, jiˇ baˬ dawˇ-eu, yawˬ ha-euˬ cawˬ Ka li zaˬ tiˬ gʼaˬ na iˬ baˇ mˇ ni jahˇ-eu, heu loꞈ-ehˇ gʼeh-eu deuˬ-ahˇ yahˇ-eu muiˬ meh.

2 Gawˇliˬtu 11:29

Tsawˇ haˬ tiˬ gʼaˬ na gʼaˬ baˬ ngeh, ngaˬ-ahˇ gʼaˬ baˬ laˇ-eu miˇ-a. Tsawˇ haˬ tiˬ gʼaˬ na iˬ baˇ laꞈ kʼoeˇ coˬ-iˇ ngeh, ngaˬ-ahˇ noeˬ shaˬ miˇ-a.

2 Gawˇliˬtu 6:3

Nga maꞈ Miˬyehˇ gaˇ mˇ-eu laꞈ kʼoeˇ aˬ cawˬ iˬ baˇ taˬ kʼaˇ maˬ bi za-eu gʼaˇ duˬ, aˬ cawˬ sahˬ tiꞈ tiꞈ ni gaˇ ma-ahˇ laˆ tsoeˬ-eu jeˬ nga maꞈ maˬ jahˇ.

1 Gawˇliˬtu 13:5

Gʼoeˇ-eu gaˬ-eu jeˬ-aˬ, aˬ cawˬ-ahˇ yehˬ bawˬ sehˇ lu-ehˇ maˬ gʼeh-a. Yawˬ ha-euˬ nui kʼahˇ maˬ poˆ-a. Nui ma pehˇ laˇ-eu maˬ kawˇ-a.

1 Gawˇliˬtu 6:12

“Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, yawˬ jeˬ na luꞈ gaˇ dahˇ tsoeˬ-eu maˬ ngeuˇ-a. “Ngaˇ maˬ mˇ kʼmˬ-eu jeˬ maˬ jaˆ.” Ehˇ kʼawꞈ, aˬ geu jeˬ-euˬ laꞈ oˆ maˬ kaˬ, ngaˇ zaˬ kʼaˆ maˬ geuꞈ.

1 Gawˇliˬtu 10:33

Ngaˬ neh kʼaˇ mˇ-euˬ loꞈ-ehˇ mˇ-awˬ. Ngaˇ kʼaˇ mˇ-eu jeˬ laꞈ kʼoeˇ, tsawˇ haˬ yawˬ gʼaˬ na luꞈ nui kʼahˇ shiˇ ni mˇ-eu ma. Aˬ yawꞈ maꞈ ka kʼoꞈ-eu jeˬ za nya ni, ngaˬ-euˬ gʼaˇ duˬ muiˬ-eu jeˬ-ahˇ maˬ shaˇ noeˬ-ehˇ, aˬ cawˬ gʼaˇ duˬ muiˬ-eu jeˬ-ahˇ shaˇ noeˬ-awˇ mˇ-eu ma.

1 Gawˇliˬtu 9:12

Naw maꞈ neh kʼoeˇ loꞈ-ehˇ gʼeh-eu jeˬ caw ba nehˬ-euˬ gaˇ aˬ cawˬ za geuˇ naˇ, nga maꞈ kʼoeˇ naˆ maˬ tseˇ maˬ za geuˇ-aˇ loˇ. Ehˇ kʼawꞈ, nga maꞈ kʼaˇ za geuˇ-eu jeˬ nga maꞈ maˬ geuꞈ-aˬ. Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ gaˇ jaˆ tsoeˬ-eu jeˬ maˬ bi pyeuꞈ-eu gʼaˇ duˬ, yawˬ jeˬ na luꞈ-ahˇ nga maꞈ daˬ dzeuˇ oˇ dzeuˇ yaꞈ-euˬ ma.

Maꞈtehˬ 17:27

Ehˇ kʼawꞈ, tsawˇ haˬ heu deuˬ-ahˇ coeˬ leˇ ni aˇ nyaꞈ maˬ jahˇ mawꞈ nya. Kʼoeˇ miˇ neh, lah-ahˇ iˇ-awˇ ngaˬ juiꞈ juiꞈ-iˇ-awˬ. Juiꞈ paꞈ beh beh-euˬ ngaˬ shaˬ kʼoeˇ mawˇ gʼeu doˆ-awˬ. Aˇ nyaꞈ gʼaˇ duˬ Uˬ duˬ tahˬ nymˇ nymˇ ma-euˬ kawˬ doˆ tsehˆ nya ni poeˬ-eu pyuˇ maˇ byaˆ tiˬ byaˆ, ngaˬ shaˬ kʼoeˇ mawˇ-euˬ kʼaˬ meh-ahˇ tsmˬ gaˇ nawˇ ya mawˇ tehꞈ-a. Maˇ byaˆ kʼoeˇ byaˆ yuˇ-awˇ, aˬ yawꞈ maꞈ-ahˇ kawˬ doˆ nehˬ-awˬ.”

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Lormav 14:13

Kʼoeˇ miˇ neh, aˬ dui tiˬ gʼaˬ tiˇ gʼaˬ iˬ baˇ poˆ-eu jeˬ-ahˇ byehˇ dzeh kaˇ-euˇ. Yawˬ ha-euˬ cawˬ Ka li zaˬ deuˬ sahˬ tiꞈ tiꞈ-awˇ iˬ baˇ laꞈ kʼoeˇ bi coˬ ahˇ-eu gʼaˇ duˬ tiˬ jeˬ-iˬ maˬ mˇ lehˇ, naw maꞈ noeˬ tsehˆ-eu tsaˬ meh.

1 Gawˇliˬtu 10:32

Yuˇdaˆ tsawˇ haˬ deuˬ-ahˇ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ-ahˇ maˬ ehˇ, Miˬyehˇ-euˬ Ka li zaˬ aˇ muˇ-ahˇ maˬ ehˇ, coeˬ-eu ciˆ-eu jeˬ maˬ mˇ ni dehꞈ-awˬ.