1 Gawˇliˬtu 16:9 - Akha

⁹ Heu gaˇ tsawˇ haˬ gʼawˬ mya ni ngaˬ-ahˇ laˆ tsoeˬ-eu jaˆ kʼawꞈ, gaˇ dahˇ tsoeˬ-eu huiˬ-eu gaˇ deuˬ mˇ-eu gʼaˇ duˬ aˇ yamˬ yaw muiˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, gar yawmuiq-aer mrnya’ni, ngaq-euq gharduq larghov jerloni pantaq-euq mae. Ngar gar mr-eu gar lavtsoeq-eu tsawrhaq khawf ghawqmya’ni jawr-eu mae.

1 Gawˇliˬtu 16:9 Referans Kwoze

2 Gawˇliˬtu 2:12

Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu lehˇ Daˬloˇ meuˬ-ahˇ ngaˇ laˇ keuˆ ngeh, kʼoeˇ gaˇ gaˇ mˇ nya ni Sahˬpaˬ Yeˬsuˇ ngaˬ-ahˇ gaˇ ma pah nehˬ laꞈ taˬ-euˬ gaˇ ya mawˇ-euˬ ma.

Gawˇlawˇsehˇ 4:3

Ka li-euˬ gaˇ kawˆ zaꞈ taˬ-euˬ jeˬ-ahˇ taꞈ-eu Miˬyehˇ dawˬ kawˬ nga maꞈ mehˬ ngeh, laˆ tsoeˬ-eu jeˬ maˬ jaˆ-ehˇ ya mehˬ ni Miˬyehˇ caw ba nehˬ laꞈ-eu gʼaˇ duˬ noeˬ keuˆ-awˇ guiˬ lahˬ shaˇ nehˬ laꞈ-awˬ. Aˬ jeˬ miˇ neh ehˇ naˇ, ngaˇ Miˬyehˇ dawˬ kawˬ mehˬ-euˬ miˇ neh nymˬ-mˇ tawˬ-ahˇ ya uˇ luꞈ-eu ma.

Gʼaˬkʼehˇ 14:27

Aˬ yawꞈ nyaꞈ Aˬdiˇawˬ meuˬ-ahˇ gʼoꞈ keuˆ le ngeh, Ka li zaˬ aˇ muˇ laꞈ kʼoeˇ jawˇ-eu tsawˇ haˬ deuˬ-ahˇ kuˇ uiˬ-awˇ, aˬ yawꞈ nyaꞈ nehˬ-ehˇ Miˬyehˇ neh kʼaˇ mˇ kʼaˇ shaˇ-euˬ gaˇ kawˆ hawˇ-eu, aˬ cawˬ tsawˇ jeuˬ deuˬ jah-eu tsawˇ haˬ pyeuꞈ laˇ ni Miˬyehˇ gaˇ ma aˬ joˆ-ehˇ pah nehˬ laꞈ-euˬ gaˇ kawˆ dzawˇ nehˬ-euˬ meh.

Piˇliˇpiˆ 3:18

Ngaˇ naw maꞈ-ahˇ gʼawˬ mya poˆ ehˇ dzeuˇ-euˬ dawˬ kʼoeˇ dawˬ-ahˇ, nymˬ-mˇ myaˆ biˇ doˆ-eu laꞈ kʼoeˇ tiˬ poˆ paˇ ehˇ poˆ-eu ma. Tsawˇ haˬ gʼawˬ mya gʼaˬ, Ka li kamˇ shiˇ-euˬ laꞈ yaꞈ-ahˇ muiˇ-eu jeˬ-ehˇ yaw dehꞈ dehꞈ luꞈ meh lehˇ ngaˇ paˇ ehˇ poˆ-eu ma.

1 Gawˇliˬtu 15:32

Tsawˇ haˬ-euˬ nui noeˬ nui loˆ ya ehˇ naˇ, nymˬ-mˇ Eˇpeˇsu meuˬ heu meuˬ laꞈ kʼoeˇ “haiˬ-eu bawˇ tsahˬ jeˬ zaˬ” deuˬ-ahˇ ngaˇ dawꞈ ceh ceh naˇ, ngaˬ-euˬ gʼaˇ duˬ aˬ jeˬ guiˬ lahˬ baw ta. Shiˇ-euˬ tsawˇ haˬ deuˬ-ahˇ maˬ bi gʼoꞈ dehꞈ laˇ nya-eu ngeuˇ naˇ, “Ni shawˬ ya shiˇ-eu baˬ da neh dzaˬ byawˬ dawˇ byawˬ byawˬ kaˇ-euˇ” lehˇ ehˇ-eu dawˬ daˬ kʼoeˇ tsaˬ dui dui meh.

2 Gawˇliˬtu 1:6

Shaˬ-eu zahˬ-eu jeˬ-ahˇ nga maꞈ ya daˬ naˇ, naw maꞈ-ahˇ ngehˬ gʼeh dah teˬ-eu gʼaˇ duˬ hawˇ-eu naw maꞈ ka kʼoꞈ-eu jeˬ bi za-eu gʼaˇ duˬ daˬ-eu ma. Ngehˬ gʼeh dah teˬ nehˬ laꞈ-eu jeˬ-ahˇ nga maꞈ za naˇ, nga maꞈ daˬ dzeuˇ oˇ dzeuˇ-euˬ shaˬ zahˬ-ahˇ naw maꞈ daˬ dzeuˇ oˇ dzeuˇ coeˇ ni, gʼaˬ za lahˬ laˇ tehꞈ-a.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.