1 Gawˇliˬtu 15:42 - Akha

⁴² Shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ ngeh jawˇ kʼawꞈ, kʼoeˇ loꞈ-ehˇ duˇ tehꞈ-a. Baꞈ pahˬ-euˬ gʼawˇ mawˇ-aˬ, buꞈ-iˇ nya-eu jeˬ pyeuꞈ-eu meh. Ehˇ kʼawꞈ, bi gʼoꞈ dehꞈ laˇ-euˬ gʼawˇ mawˇ-aˬ, maˬ buꞈ-iˇ nya-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Shir-euq tsawrhaq ghofdaef lar-eu khawf khoerlof-aer dur-eu mae. Duqpanq-euq mawrdo-aq buf-ir shov-ir taef-a. Ghofdaef lar-eu mawrdo-aq maqbuf maqshov-ir nya-a.

1 Gawˇliˬtu 15:42 Referans Kwoze

Maꞈtehˬ 13:43

Kʼoeˇ ngeh, Miˬyehˇ-euˬ tsawˇ haˬ deuˬ-aˬ, aˬ yawꞈ maꞈ-euˬ Aˬda-euˬ Miˇkʼahˬ laꞈ kʼoeˇ, nahˇ ma loꞈ-ehˇ yaw shehꞈ bya tehꞈ-a. Naˬ bawˇ kʼaˇ tsoꞈ-eu deuˬ naˇ haˬ-awˬ.

Daˬyeˬlaˇ 12:3

Zaˬ siˬ tsawˇ gahˇ byah-euˬ aˬ yuiꞈ aˬ tsu deuˬ mˬ loꞈ-ehˇ yaw shehꞈ bya-awˇ, tsawˇ haˬ gʼawˬ mya ni-ahˇ yaw tsaˬ yaw dawˇ jeˬ mˇ ni mehˬ nehˬ-euˬ deuˬ-aˬ, mˬ maˬ maˬ byaˆ zaˇ ziˇ aˬ guiˇ loꞈ-ehˇ yaw shehꞈ bya tehꞈ-a.”

1 Beˬtuˆluˆ 1:4

Kʼoeˇ baˬ da neh, Miˬyehˇ neh aˬ yawꞈ-euˬ tsawˇ haˬ deuˬ gʼaˇ duˬ bi jaˆ-euˬ muiˬ dui byah dui dui-eu guiˬ lahˬ-ahˇ za-eu yaw duˬ baw-eu ma. Maˬ buꞈ maˬ cehˇ-iˇ nya-eu, maˬ muiˬ maˬ shawˇ-eu jeˬ maˬ pyeuꞈ-iˇ nya-eu uˬ taꞈ, maˬ byoˆ maˬ laˆ-iˇ nya-eu guiˬ lahˬ kʼoeˇ, naw maꞈ gʼaˇ duˬ mˬ kʼoeˇ taˆ aˬ yawꞈ bi jaˆ-euˬ meh.

Lormav 8:21

Kʼaˇ beh taˬ-euˬ yawˬ jeˬ na luꞈ peuˬ-iˇ cawˆ-iˇ-eu jeˬ-euˬ baoˬ uˬ moˆ zaˬ kʼaˆ maˬ ya geuꞈ ni dzeuˇ-iˇ-awˇ, Miˬyehˇ-euˬ zaˬ deuˬ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ huiˬ-eu buˬ-iˇ law-iˇ-eu jeˬ-ahˇ za-eu aˇ nah keuˆ le tehꞈ-a.

Gʼaˬkʼehˇ 2:31

Mehˬ hu paw Miˬyehˇ aˬ joˆ-ehˇ jahˇ-eu lehˇ lehˬ hmˬ taˬ-euˬ gaˇ kawˆ Daˬ biˇ haw mawˇ-euˬ miˇ neh, Ka li gʼoꞈ dehꞈ laˇ-eu gaˇ kawˆ-ahˇ aˬ yawꞈ heu loꞈ-ehˇ ehˇ taˬ-euˬ meh. ‘Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ-ahˇ maˬ byehˇ dzeh yaꞈ-ehˇ, lmˬ bymˇ-ahˇ maˬ bi buꞈ shoˆ-aˬ.’

Lormav 1:23

Shiˇ-eu maˬ baw-eu Miˬyehˇ-ahˇ uˬ duˬ maˬ tahˬ ni, shiˇ nya-eu jeˬ-ahˇ duˇ leˇ ni tehˆ taˬ-euˬ mawˇ kawˇ pyeuꞈ-eu, tsawˇ haˬ mawˇ kawˇ, aˇ jiˇ mawˇ kawˇ, oeˬ kuiˇ oeˬ laꞈ tsoꞈ-eu jeˬ zaˬ mawˇ kawˇ, miˇ tsa joe joe-ehˇ cah-eu jeˬ-euˬ mawˇ kawˇ, heu deuˬ-ahˇ uˬ duˬ tahˬ-eu meh.

Gʼaˬkʼehˇ 2:27

Aˬ jeˬ miˇ neh ehˇ naˇ, shiˇ-eu jeˬ-euˬ miˇ kʼahˬ laꞈ kʼoeˇ, nawˇ ngaˬ-ahˇ maˬ byehˇ dzeh yaꞈ-aˇ. Saˇ jaˇ ziꞈ-eu zaˬ kʼaˆ-ahˇ nawˇ, lmˬ bymˇ-ahˇ maˬ bi buꞈ shoˆ-aˇ.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Jaceuq 49:14

Yawˇ loꞈ-ehˇ aˬ yawꞈ maꞈ ya shiˇ cawˆ-awˇ, shiˇ-eu jeˬ aˬ yawꞈ maꞈ-ahˇ bo tehꞈ-a. Gaˇ mahˇ kaˬ-eu shiˇ-eu miˇ kʼahˬ-ahˇ, aˬ yawꞈ maꞈ buꞈ-iˇ shoˆ-iˇ ngeh, yaw tsaˬ yaw dawˇ tsawˇ haˬ deuˬ aˬ yawꞈ maꞈ-ahˇ gʼaˬ leˇ tehꞈ-a.

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Yawˇbaˆ 17:14

Lmˬ bymˇ-ahˇ ngaˬ da lehˇ ngaˇ kuˇ-awˇ, ngaˬ-euˬ yaw buꞈ dzaˬ laˇ-eu buˬ joe deuˬ-ahˇ, ngaˬ ma hawˇ-eu ngaˬ-euˬ dmˇ ma deuˬ lehˇ ngaˇ kuˇ ma.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Jaceuq 49:9

Lmˬ bymˇ-ahˇ maˬ ya uˇ-iˇ ni mˬ maˬ maˬ byaˆ zaˇ ziˇ ya dehꞈ-eu gʼaˇ duˬ, yawˬ haˇ yawˬ ha maˬ zeuˇ tsehˆ nya-a.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

1 Gawˇliˬtu 15:41

Nahˇ ma kʼawꞈ, haw muiˬ-eu tiˬ jeˬ ahˇ-awˇ, ba la kʼawꞈ haw muiˬ-eu tiˬ jeˬ ahˇ-eu meh. Aˬ guiˇ kʼawꞈ, aˬ cawˬ-ahˇ maˬ duˇ leˇ-eu haw muiˬ-eu tiˬ jeˬ ahˇ-eu meh. Aˬ guiˇ tiˬ siˬ tiˇ siˬ kʼawꞈ, haw muiˬ-eu maˬ duˇ leˇ-a.

Gaˬlaˬtiˆ 6:8

Shiˬ shaˬ jiˇ nui kʼahˇ-ahˇ taꞈ-eu siˬ yoeˬ sehˬ naˇ, shiˇ-eu jeˬ ya yehˬ tehꞈ-a. Yaw sahˇ Miˬyehˇ-ahˇ taꞈ-eu siˬ yoeˬ sehˬ naˇ, mˬ maˬ maˬ byaˆ zaˇ ziˇ dehꞈ-eu jeˬ ya yehˬ tehꞈ-a.