1 Gawˇliˬtu 15:35 - Akha

³⁵ “Shiˇ-euˬ tsawˇ haˬ-ahˇ aˬ joˆ-ehˇ bi gʼoꞈ dehꞈ laˇ nya ta. Gʼoꞈ dehꞈ laˇ-euˬ gʼawˇ mawˇ kʼoeˇ aˬ joˆ-ehˇ gʼeh ta” lehˇ, tsawˇ haˬ tiˬ gʼaˬ na naˇ haˬ mawꞈ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Aerkhawf, tiqghaqnav heulof-aer narhaq mawf-eu paq, “Shir-euq tsawrhaq aqjox-aer ghofdaef lar-eu la? Ghofdaef lar-euq mawrdo khoer aqjox-aer ghae-eu la?”

1 Gawˇliˬtu 15:35 Referans Kwoze

Yeˬsaˬgeˬlaˇ 37:3

“Tsawˇ haˬ zaˬ-oˇ, shaˬ yoeˬ heu deuˬ paˇ dehꞈ poˆ laˇ nya tehꞈ-a loˇ” lehˇ, aˬ yawꞈ ngaˬ-ahˇ naˇ haˬ ngeh, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, gaˇ kawˆ heu nawˇ maˬ ngeuˇ naˇ aˬ suˇ gʼaˬ siˬ nya nmˇ” lehˇ, ngaˇ ehˇ kʼoꞈ nehˬ-euˬ ma.

Lormav 9:19

Toˆ-ehˇ ngeuˇ naˇ, Miˬyehˇ-euˬ nui noeˬ-ahˇ tiˬ gʼaˬ-iˬ maˬ laˆ tsoeˬ nya-eu-aˬ, tsawˇ haˬ zaˬ-ahˇ Miˬyehˇ aˬ jeˬ iˬ baˇ taˬ kʼaˇ paˇ za ta” lehˇ naw maꞈ tiˬ gʼaˬ na ngaˬ-ahˇ naˇ haˬ mawꞈ tehꞈ-a.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Yoˇhaˬ 9:10

Aˬ yawꞈ maꞈ aˬ yawꞈ-ahˇ ehˇ-eu, “Nawˇ aˬ joˆ-ehˇ jahˇ-awˇ myaˆ nuiˆ paˇ mawˇ laˇ teˬ.”

Yoˇhaˬ 3:9

Niˇgawˇdeˬ ehˇ-eu, “Teu loꞈ-ehˇ aˬ joˆ-ehˇ pyeuꞈ nya ta.”

Yoˇhaˬ 3:4

Niˇgawˇdeˬ ehˇ-eu, “Tsawˇ kʼaˆ aˬ da tiˬ gʼaˬ nyiˬ poˆ tiˬ poˆ aˬ joˆ-ehˇ paˇ dehꞈ paˇ nya nmˇ. Yawˬ ha aˬ ma-euˬ uˬ maˆ laꞈ kʼoeˇ paˇ uˇ poˆ leˇ-awˇ, nyiˬ poˆ tiˬ poˆ paˇ dehꞈ doˆ le nya tehꞈ-a loˇ.”

Yeˬsaˬgeˬlaˇ 37:11

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ-aˬ, shaˬ yoeˬ heu deuˬ-ahˇ duˇ-eu meh. Aˬ yawꞈ maꞈ-euˬ shaˬ yoeˬ koˆ jiˇ-awˇ, noeˬ tmˬ kʼaˇ maˬ paˇ za-eu uˬ taꞈ, geuꞈ-eu jeˬ tiˬ pawꞈ-iˬ maˬ paˇ ahˇ miˇ-a lehˇ, aˬ yawꞈ maꞈ ehˇ luꞈ meh.

Dawˬ tsoˆ 11:5

Shaˬ yoeˬ shaˬ laꞈ laꞈ kʼoeˇ saꞈ laˇ aˬ joˆ-ehˇ bymˬ doˆ laˇ-euˬ gaˇ kawˆ hawˇ-eu, uˬ maˆ laꞈ kʼoeˇ zaˬ aˬ joˆ-ehˇ pyeuꞈ doˆ laˇ nya-euˬ gaˇ kawˆ nawˇ maˬ siˬ nya-eu-aˬ, yawˬ jeˬ na luꞈ-ahˇ beh-euˬ gʼaˬ pyeuꞈ-eu Miˬyehˇ neh mˇ-euˬ gaˇ-ahˇ aˬ joˆ-ehˇ siˬ nya nmˇ.

Jaceuq 73:11

“Miˬyehˇ aˬ jeˬ siˬ nya ta. Huiˬ-eu mahˇ-eu Miˬyehˇ aˬ jeˬ tsawˇ gahˇ ahˇ ta” lehˇ, aˬ yawꞈ maꞈ ehˇ-eu meh.

Yawˇbaˆ 22:13

Ehˇ kʼawꞈ, Miˬyehˇ aˬ jeˬ siˬ nya ta lehˇ nawˇ ehˇ-eu meh. Aˬ yawꞈ-ahˇ mˬ dmˇ jaˆ tsoeˬ taˬ-eu miˇ neh aˬ dui-ahˇ yaˇ kʼaˬ daˇ nya tehꞈ-a loˇ lehˇ ehˇ-eu meh.

Yawˇbaˆ 11:12

Bawˇ tsahˬ mahˬ tahˬ laˆ yah dehˬ ni baw doˆ leꞈ ngeh nah, aˬ dzawˬ aˇ gah deuˬ zaˬ siˬ nui gahˇ ahˇ laˇ tehꞈ-a.