1 Gawˇliˬtu 14:12 - Akha

¹² Yaw sahˇ Miˬyehˇ neh biꞈ leꞈ-euˬ laꞈ sawˬ deuˬ-ahˇ naw maꞈ za mawꞈ dui dui-eu loꞈ-ehˇ, yawˬ jeˬ na luꞈ kʼoeˇ taˆ Ka li zaˬ aˇ muˇ bi huiˬ bi mahˇ laˇ nya ni gaˇ dahˇ tsoeˬ leˇ dzehˬ-eu jeˬ-ahˇ naw maꞈ leh jeh dzehˬ paˬ-ehˇ gʼeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerlof-aer durni, nawmaf khawf saflar paw-euq lafsawq za’mawf-awr, nuima keuv-awr sharpovluf ngae, Kalizaq armur-anr bihuiq bi manrlar nya-eu lafsawq deuq-anr yawmuiq-aer zmqnya larni laejae-awq.

1 Gawˇliˬtu 14:12 Referans Kwoze

1 Gawˇliˬtu 14:26

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Naw maꞈ uˬ duˬ tahˬ-eu lehˇ uiˬ leˇ ngeh, caˇ dawˬ caˇ-eu gʼaˬ, mehˬ-eu tsoˆ-eu gʼaˬ, Miˬyehˇ neh pah mehˬ nehˬ-euˬ jeˬ za-euˬ gʼaˬ, dawˬ gʼawˬ mya jeˬ ngehˬ-awˇ mehˬ-eu gʼaˬ, kʼoeˇ loꞈ-ehˇ mehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ lehˇ, gʼawˬ mya jeˬ baw-eu meh. Yawˬ jeˬ na luꞈ Ka li zaˬ aˇ muˇ gʼaˇ duˬ gaˇ dahˇ tsoeˬ-eu jeˬ ya bi pyeuꞈ meh.

1 Gawˇliˬtu 14:1

Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

1 Gawˇliˬtu 12:31

Huiˬ dzehˬ byah dzehˬ-eu laꞈ sawˬ-ahˇ naw maꞈ nui kʼahˇ jaˆ-awˬ. Ehˇ kʼawꞈ, dawˬ tawˆ luꞈ naˆ maˬ tseˇ muiˬ dzehˬ-eu laꞈ sawˬ-aˬ, laꞈ oˆ paw ngaˬ neh ehˇ taˬ-euˬ gaˇ kawˆ heu hmˬ meh.

1 Gawˇliˬtu 12:7

Tsawˇ haˬ dawˬ tawˆ luꞈ-ahˇ gaˇ dahˇ bi tsoeˬ leˇ-eu gʼaˇ duˬ, tsawˇ haˬ aˬ yawꞈ gʼaˬ yawꞈ laꞈ kʼoeˇ Yaw sahˇ Miˬyehˇ tiˬ jeˬ-ehˇ jawˇ luꞈ-eu gaˇ kawˆ siˬ laˇ mawˇ laˇ-eu meh.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Lormav 14:19

Kʼoeˇ miˇ neh, tiˬ gʼaˬ tiˇ gʼaˬ tsaˬ leˇ dzoeˇ leˇ-eu jeˬ hawˇ-eu, tiˬ gʼaˬ tiˇ gʼaˬ caw dehˬ caw toˆ-eu jeˬ-ahˇ aˬ dui noeˬ tsoˆ taˬ-eu tsaˬ meh.

1 Gawˇliˬtu 14:5

Naw maꞈ dawˬ tawˆ luꞈ dawˬ bi ngehˬ nya mawꞈ miˇ-a. Ehˇ kʼawꞈ, kʼoeˇ naˆ maˬ tseˇ Miˬyehˇ dawˬ kawˬ mehˬ nya-eu laꞈ sawˬ naw maꞈ bi za mawꞈ miˇ-a. Dawˬ gʼawˬ mya jeˬ ngehˬ gaˇ dawˬ tsuiꞈ yuˇ doˆ nehˬ nya-eu gʼaˬ jawˇ-awˇ, Ka li zaˬ aˇ muˇ muˇ lah-ehˇ gʼoˆ shaw-awˇ gaˇ dahˇ tsoeˬ leˇ ni maˬ ja mehˬ nehˬ nya naˇ, dawˬ gʼawˬ mya jeˬ ngehˬ-eu gʼaˬ naˆ maˬ tseˇ, Miˬyehˇ dawˬ kawˬ mehˬ-eu gʼaˬ gaˇ dahˇ tsoeˬ dzehˬ meh.

1 Gawˇliˬtu 14:13

Kʼoeˇ miˇ neh, dawˬ gʼawˬ mya jeˬ ngehˬ nya-eu tsawˇ haˬ-aˬ, yawˬ ha neh ngehˬ-euˬ jeˬ aˬ cawˬ gʼoˆ shaw ni ja mehˬ nya-eu laꞈ sawˬ biꞈ laꞈ-eu gʼaˇ duˬ guiˬ lahˬ shaˇ-eu tsaˬ meh.