1 Gawˇliˬtu 12:2 - Akha

² Naw maꞈ lawˇ ciꞈ zaˬ pyeuꞈ luꞈ ngeh, yaw dehꞈ maˬ dehꞈ-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ gʼawˬ mya jeˬ gʼawˬ mya kawˆ bahˬ-iˇ-euˬ gaˇ kawˆ naw maꞈ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Nawmaf, Miqyaer-anr maqjan-eu tsawrhaq pyeufluf ngae, dawq maq ngaeqnya-eu tanqpanq aqma mawrkawr-anr nawmaf uqduq bi tanqni, aqcawq khar sheuqghae lar-eu lof-aer bi sheuqghae-euq garkawv khoer-anr, nawmaf siqnya luf-eu mae.

1 Gawˇliˬtu 12:2 Referans Kwoze

1 Beˬtuˆluˆ 4:3

Miˬyehˇ-ahˇ maˬ siˬ nya-eu tsawˇ haˬ deuˬ mˇ-eu jeˬ-ahˇ , dzeuˇ laˇ ngeh naw maꞈ mˇ dehˆ shaˇ dehˆ gʼaˬ-euˬ meh. Kaˬ miˬ sheu-eu, shiˬ shaˬ jiˇ nui loˆ geuꞈ-eu, jiˇ baˬ yehꞈ-eu, byawˬ gʼaˬ mo gʼa-eu, dzaˬ yehꞈ dawˇ yehꞈ dzaˬ boˆ dawˇ boˆ boˆ-eu, tahˬ paˬ aˬ ma mawˇ kawˇ-ahˇ uˬ duˬ tahˬ-eu, heu deuˬ laꞈ kʼoeˇ naw maꞈ dehꞈ dzeuˇ jawˇ dzeuˇ yaꞈ-euˬ meh.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

Jaceuq 115:5

Kʼaˬ meh tsoꞈ-awˇ dawˬ maˬ ngehˬ nya-ehˇ, myaˆ nuiˆ tsoꞈ-awˇ maˬ mawˇ nya-a.

Gaˬlaˬtiˆ 4:8

Dzeuˇ laˇ ngeh, naw maꞈ Miˬyehˇ-ahˇ maˬ siˬ nya kʼoeˇ keuˆ ni, Miˬyehˇ maˬ ngeuˇ-eu yaw sahˇ deuˬ-euˬ zaˬ kʼaˆ geuꞈ-euˬ meh.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

Yeˬlaˬmiˇ 10:5

Kʼoeˇ loꞈ-ehˇ gʼeh-eu tahˬ pahˬ aˬ ma mawˇ kawˇ deuˬ-aˬ, siˬ kʼoˬ kʼoˬ yaˇ bi loꞈ piˇ-eu gʼaˇ duˬ, gʼo yoeˬ neh jahˇ-euˬ tsawˇ haˬ mawˇ kawˇ-ahˇ duˇ-awˇ, dawˬ ngehˬ maˬ ngehˬ nya-a. Gaˇ ma maˬ cah nya-eu miˇ neh, tsawˇ haˬ neh ya bi baꞈ-eu meh. Tahˬ pahˬ aˬ ma mawˇ kawˇ deuˬ-ahˇ naw maꞈ taˬ guˆ. Naw maꞈ-ahˇ yaw doeˇ maˬ jahˇ laˇ nya-eu uˬ taꞈ, yaw muiˬ kʼawꞈ maˬ mˇ nehˬ nya-a.”

1 Beˬtuˆluˆ 1:18

Aˬ jeˬ miˇ neh ehˇ naˇ, naw maꞈ-euˬ aˬ poeˬ aˬ bawˇ deuˬ-euˬ ziˇ-ahˇ neh dehꞈ ka leꞈ-euˬ poeˬ sawˇ lawˬ maˬ baw-eu yaw dehꞈ dehꞈ-eu jeˬ laꞈ kʼoeˇ naw maꞈ-ahˇ bi buˬ bi law-iˇ-eu gʼaˇ duˬ, aˬ geu jeˬ aˇ poeˬ biꞈ-awˇ zeuˇ kʼoꞈ taˬ-euˬ naw maꞈ siˬ nya meh. Pyuˇ hawˇ-eu shuiˇ loꞈ-ehˇ gʼeh-eu piˬ-iˇ byoˆ-iˇ nya-eu jeˬ biꞈ-awˇ zeuˇ kʼoꞈ taˬ-euˬ maˬ ngeuˇ-a.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Iˇsaˬyaˇ 46:7

Tahˬ pahˬ aˬ ma mawˇ kawˇ kʼoeˇ-ahˇ baꞈ pu kʼoeˇ taˆ baꞈ-awˇ, baꞈ ka-awˇ baꞈ tuˇ taˬ ngeh, maˬ luˆ maˬ laˆ nya ni aˬ yawꞈ tsahˇ-ahˇ jaˆ-eu meh. Aˬ yawꞈ-ahˇ guiˬ lahˬ shaˇ leˇ kʼawꞈ, dawˬ maˬ ngehˬ kʼoꞈ nya-ehˇ, guˆ-eu gaˆ-eu laꞈ kʼoeˇ maˬ ka kʼoꞈ nehˬ nya-a.

Jaceuq 135:16

Kʼaˬ meh tsoꞈ-awˇ maˬ dzaˬ nya-a. Myaˆ nuiˆ tsoꞈ kʼawꞈ maˬ mawˇ nya-a.

Jaceuq 115:7

Aˬ laꞈ tsoꞈ kʼawꞈ, maˬ luˆ nya-ehˇ, aˬ kuiˇ tsoꞈ kʼawꞈ, maˬ cah nya-a. Kuˬ byahˬ-ahˇ teˇ saˇ maˬ laˆ mahˇ nya-a.