1 Gawˇliˬtu 12:17 - Akha

¹⁷ Gʼawˇ mawˇ mawˇ lah-ehˇ myaˆ nuiˆ tiˬ nuiˆ tehꞈ-ehˇ tsoꞈ naˇ, teˇ saˇ gaˬ nya tehꞈ-a loˇ. Naˬ bawˇ tehꞈ-ehˇ tsoꞈ naˇ, yaw saꞈ behꞈ laꞈ nya tehꞈ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Mawrdo dolan-aer myavnuiv taef law nar-aq, tersar aqjeq nae narhaq-eu? Mawrdo dolan-aer naqbawr taef law nar-aq, yawsaf aqjeq nae baeflaf-eu?

1 Gawˇliˬtu 12:17 Referans Kwoze

1 Gawˇliˬtu 12:21

Kʼoeˇ miˇ neh, myaˆ nuiˆ-aˬ, “Ngaˇ nawˬ-ahˇ maˬ loˬ” lehˇ aˬ laꞈ-ahˇ maˬ ehˇ nya-a. Kʼoeˇ loꞈ-ehˇ duˇ ni, uˬ duˬ kʼawꞈ, “Ngaˇ nawˬ-ahˇ maˬ loˬ” lehˇ aˬ kuiˇ-ahˇ maˬ ehˇ nya-a.

1 Gawˇliˬtu 12:29

Aˬ yawꞈ maꞈ yawˬ gʼaˬ na luꞈ gʼaˬ kʼehˇ maˬ ngeuˇ-a. Yawˬ gʼaˬ na luꞈ Miˬyehˇ gʼaˇ duˬ ngehˬ dah-eu tsawˇ haˬ maˬ ngeuˇ-a. Yawˬ gʼaˬ na luꞈ mehˬ-eu tsoˆ-eu saˬ laˬ maˬ ngeuˇ-a. Yawˬ gʼaˬ na luꞈ zahˬ leˇ paˬ-ehˇ gʼeh-eu jeˬ mˇ mehˬ nya-eu baoˬ za-euˬ maˬ ngeuˇ-a.

Dawqdaq 20:12

Gaˬ-eu naˬ bawˇ mawˇ-eu myaˆ nuiˆ, nyiˬ jeˬ luꞈ Sahˬpaˬ Miˬyehˇ beh-euˬ meh.

Jaceuq 94:9

Aˬ dui-ahˇ naˬ bawˇ beh tsoꞈ nehˬ laꞈ-euˬ Miˬyehˇ maˬ gaˬ nya taˬ loˇ. Aˬ dui-ahˇ myaˆ nuiˆ beh dahˇ nehˬ laꞈ-euˬ gʼaˬ maˬ mawˇ nya ta loˇ.

1 Saˬmeuˬlaˆ 9:9

(Aˇ hu maˇ diˇ aˇ hu-aˬ, tsawˇ haˬ tiˬ gʼaˬ na Miˬyehˇ gaˇ kawˆ siˬ mawꞈ naˇ, ‘Laˇ-awˬ. Shaˆ ma jawˇ gaˇ le kaˇ-euˇ’ lehˇ ehˇ-eu meh. Aˬ jeˬ miˇ neh ehˇ naˇ, nymˬ-mˇ Miˬyehˇ gʼaˇ duˬ ngehˬ dah-eu gʼaˬ lehˇ kuˇ gaˇ, aˇ hu shaˆ ma lehˇ kuˇ-euˬ meh.)

1 Gawˇliˬtu 12:16

Naˬ bawˇ gʼeh, “Ngaˇ myaˆ nuiˆ maˬ ngeuˇ-eu miˇ neh gʼawˇ mawˇ-ahˇ maˬ taꞈ” lehˇ ehˇ naˇ, gʼawˇ mawˇ-ahˇ maˬ taꞈ-eu aˇ sehˇ pyeuꞈ-iˇ nya meh loˇ.

1 Gawˇliˬtu 12:18

Ehˇ kʼawꞈ, Miˬyehˇ nui ma tsaˬ-eu loꞈ-ehˇ, maˬ duˇ leˇ-eu aˇ sehˇ yawˬ sehˇ na luꞈ-ahˇ nymˬ-mˇ kʼaˇ tsoꞈ luꞈ-eu loꞈ-ehˇ gʼawˇ mawˇ-ahˇ bi tsoꞈ-euˬ meh.