Yoni 6:44 - Yisasini Kama Vaya

⁴⁴ Para vara seyo, vanasi ano ída kanaíen te vaípá erinten mifo séin ma sisintá erikheruna Sifóe ano ma o avíádantin ma se vaípá erekharé intí maé ínaimpá kípan damú purin pintena evaráné avoran e mantanten mino.

Yoni 6:44 Referans Kwoze

Yoni 6:65

Máa siren enádá evaránen temí, “Tifóe ano ma ída ákona amin nain mano ída kanaíen te vaípá erinten mino. Mai ana van mi séi ma vaya siretin tiamé uno.”

Yoni 12:32

Máan tinten mifo ma vara ráke ma séin maman daní urantí maé minó nanin banta o avíádékun téi varunará erinten mino.”

Matiu 16:17

Máa síkan Yisasi evaránen béin tiamemí, “Yonin anin Saimoni oe, éi amusin ná ono éin ída mana varará banta ano ma vaya aníen mifo inarurá ma sen Tifóe vain manon aní uanten mino.

Yoni 6:45

Sakhanampa vanta kayoi vompon dókifin ma vain baya ano máa sikhen mino. ‘Minó nanin bantan Tiyarafenu ano afova aminten mino.’ Ais 54:13 Tifóeni vaya ma iniren afová urein kayo anon te vaípá eré iyan mino.

Yoni 5:44

Tiretiyan mi kákan bí baran maran iyáke Tiyarafenu ano ma amiyain bí ída variya ompo intesá ureyá mumunan inte rafono.

Korosi 2:12

Mai ma monó non pereona anon Yisas Karaisin má ma masí einí ukhareyan inká mai ma Tiyarafenu ano ma Yisasin Karaisin orun avían mantein ákonará ma mumunan eona anon Karaisin má evaráne orun mantakha ono.

Firipaí 1:29

Mai fara vara seyo, Yisas Karaisintá ma mumunan in afova ana va amikhen naino. Ída ino. Ben avíká ma uman baran mái amikhen mino.

Yoni 8:43

Máan tukhé umpo senti vaya ma ída iniyaona mai anon tiretí ankan ída kama e afová iya ono.

Matiu 12:34

Tiretí ankan namu osafáe akhafana ompo, inté uákeyá namu avúavá ma aúpin bain kéká ano kama vaya sen novara fono. Aúpin ma vain avúavá máan oofente kuvé iyan mino.

Yoni 6:43

Máa síkan Yisasi evaránen tiamemí, “Tiretí ankan ída vá kakhirun tiriya vano.