Revaresen 12:5 - Yisasini Kama Vaya

⁵ Mai nanin mano afon iyampon kaúdan ínaimpá mai iyampon mano aeni fóké uvantein ayonta fákaren minó bara fintena nanin bantará dafisin nain bákan mai drakoni ayan pintena yo yafen Tiyarafenui kin karáká mun kaen mino.

Revaresen 12:5 Referans Kwoze

Revaresen 19:15

Mai ma esé oriyaré ein banta oo fenté barará nanin banta ma aruan purin nain baenati ano sefá tefá an ukhan e unen erakharen mino. Béi anon aeni ayonta fákaren banasirá ákona yafisirí iyáken Minó Ákona vain Tiyarafenui aran naná ma vaimpin dantin aravúbintin uvaini ma yasameiní inten mino.

Revaresen 12:2

Mai nanin mano amúbasí ukharen iyampon kaono van inamun nan iniyáken bá den mino.

Revaresen 11:12

Máan tiyan inintin maen inaru fáké avádóden oovararen máa sinten mino. “Mafá édano,” sintin maen békani namuro kayo ano kakháken ontantin konan mano míkanan aviren inarufá ódinten mino.

Matiu 1:25

Be anasí ma ukhan maen béi ída ven má manafin baranton nentá bákan baren mana afon iyampon káudan béi ano Yisasi ne sen aví ten mino.

2 Korini 12:2

Téi Yisas Karaisini yoran bantan baré ékun Tiyarafenu ano e siviren dan uron inarufá múdá bákun fotini (14) oranan orikhen mino. Mai sen tu minó bukhafa anó o van nafi áa saunan máa anó o van nafi mai séi ída afová ukhé umpo Tiyarafenu ano anan afová ukhen mino.

Maki 16:19

Bafan Yisasi ano vetí ankan baya siamirákan Tiyarafenu ano aviran inarufá óden Tiyarafenui ayan kurompá un kumanten mino.

2 Korini 12:4

Téin ma siviren inaru varufin ma moráká maé téi sinú duré mai ma enará ukhein baya ma ineruna van ída kanaí é baya seren é uno.

Revaresen 12:13

Mai drakoni ano onákan béin barará do siantiyaimpin mai ma afon iyampon kaein nanin dakhafen mino.