Korosi 4:8 - Yisasini Kama Vaya

⁸ Máan tiyain mi vái siretin ará ákona uantiyan inká teti intesá é barafu mai vaya kayo vá dere siamino van mi véin tiantékun oren mino.

Korosi 4:8 Referans Kwoze

Efesasi 6:22

Mai van mi siretin ákona uantan baya siamiyáken inká teti ma varuna fáke yere siamino van mi véin tiantékun tireti vaonafá orinten mino.

Korosi 2:2

Téi ma mai yorarí iyaruna ana maen mai siretí ankan ará ákona uantékuya Tiyarafenui vanasi ará amire manafin kase vano van muno. Máan téku kama ineine varesin mai ano siretí ankani mumunan ákona uantantiya Tiyarafenui aúpá baya afová ono van muno. Mai aúpá bayai ana Yisas Karaisi ino.

2 Tesaronika 2:17

Béi ano vá tiretin ma minó kama avúavá bariyaona vá inká kama vaya kayo ma siyaonafin masá ákona uantano.

1 Tesaronika 5:14

Mumunan tiyofi sifá tiváeyan noe, mai ma vetíi yoran mo ampiren avesara iyain kéká ákona e vaya siamesin ída avesara ino van mi siamiyá uno. Akhokho van ma iyain kékái mumunan ákona uantiya inká ma vara ráke avúavá ano ma ineine máden asuse iyain kékáká kama e vá dafiseno. Máan tiyáke minó nanin banta vá ará manafiní ureya vempáké bano van mi siamiyá uno.

1 Tesaronika 5:11

Máan tukhein nará mai ma variyaona avúavasí eya Tiyarafenurá ma mumunan in avúavá ben ákona uantan maran ná ono.

1 Tesaronika 4:18

Máan tukhein nará ma vaya kayo fóké mumunan ákona uantan maran ná ono.

1 Tesaronika 3:5

Mai fara vara seyo, mai van inékun tufá ída kama iyaimpin mi siretí ankan inté eyá mumunan ukhe fono siré afová ono van Timotin tiantékun oren mino. Mákasin banta ano akhenóka intiya siretíi mumunan me ampesin tetisi yoran mano fa savifá o afeyoran nain nan mi sikhokho van iyá uno.

1 Tesaronika 3:2

Máan tukhéi setin tifá tiváe Timoti ma Tiyarafenui yoran banta váken ma Karaisini Kama Vaya siamiyain banta anan tianteruna mai setisi varu varen tiretin o oniyáken ayainti mumunampin ákona ukhe van nono.

1 Tesaronika 2:11

Para vara seyo, siretí ankan purase afová ukhen ná afóe ano ma ve akhafanará kama yafisirí iyainí éi sireti mana manará kamaé dafisé iyá tiféuno.

Firipaí 2:28

Mai van mi véin tiantékun tireti vaonafá orino van mi séi moéké tinunu ukhé uno. Mai fara vara seyo, séi ma afová ukheruna sireti ma véin oniyáke kákan amusin esí maé téi siretin nan ída sirunan uré kokhon ineine onté uno.

2 Korini 12:18

Tiretí ankan baípá ma Taitasin tiantékun oriyá maé ena sivá tiváen tékun ben má muntaven oren mifo Taitasi ano siretin nina yaná mákáden ná umoyan baren nafino. Ída ino. Para vara seyo, verasampin mana Aunan mi vaká mana aasái oriyá manaí doraríi iyá uno.

2 Korini 2:7

Máan tukhein nará mai vanta enádá ída uman ame vá beni ume ampiantádeya kama e ayaesin ná ída arunanápin báken amusin ná ino.

2 Korini 1:4

Teti ma umampin oré tifékun ma véi setin kama uren kusin timé iyainí esá ena nanin banta ma umampin orintí maé kamaé aya ékun ná kusin barano.

1 Korini 4:17

Mai van mi siretin ayainti séi ma variyaruna avúavá barano van mi Timotin tiantékun tireti vaonafá oriyan mino. Para vara seyo, véi anon te sikhá an dakhen Bafantá kamaen monó tiantiyái véin nan tinunu ukhé uno. Inte avúavá kasá Yisas Karaisini vaya minó akhempá ma vain nanin bantafin afova amiya rafu mai vayan béi siaminten mino.