2 Korini 1:4 - Yisasini Kama Vaya

⁴ Teti ma umampin oré tifékun ma véi setin kama uren kusin timé iyainí esá ena nanin banta ma umampin orintí maé kamaé aya ékun ná kusin barano.

2 Korini 1:4 Referans Kwoze

1 Tesaronika 5:11

Máan tukhein nará mai ma variyaona avúavasí eya Tiyarafenurá ma mumunan in avúavá ben ákona uantan maran ná ono.

Iburu 12:12

Máan tukhein nará mai ma avíkiyain ayan puríkiya vá inká mai ma antu antu iyain arantantasá mantaan ákona ono.

Yoni 14:18

Téi ída me ifáékuya aso iyampon an dan nompo siretí ankan baonafá téi erenté uno.

Yoni 14:16

Bákuriya sirá Tifóen tékun ná ena siretin Ayain amintin ná mai ano siretí ankan má ena ena van oriyan bano.

Yoni 14:26

Tiamiyá umpo siretí ankan ma ákonaen ayain nain mai Kantá Aunan mino. Téin tivíkái Sifóe ano véin tiantantin eriven tiretin minó daná afova amiren ineine orun mantaantantiyai minó baya ma séi siretí ankan tiamiyáeruna van ovare me ineine inono.

1 Tesaronika 4:18

Máan tukhein nará ma vaya kayo fóké mumunan ákona uantan maran ná ono.

2 Korini 7:13

Tiretin ma setin nan anunu iyaona avúavá anon tetin tirá ákona usinté iyan mino. Inká mai ma Taitasini ará uman ma maman kusiantádeya ma véin amusin ameona avúavá bá ano yeren tetin kákan timusin timen mino.

Firipaí 1:14

Téi ma karavusifin baruna anon mumunan nanin banta ákona uantan ída feranton Tiyarafenui vaya kasaen banasi siamiyan mino.

2 Korini 7:4

Ara ara uman ma setin timaniná erí ma siretin nan ovaré me inékun maen mai anon tirá kusin timé iyan mino. Máan tiyain nan mi siretí ankan nan kákan timusin uantiyákéi ma vaya siamiyá uno.