Taitas 3:9 - Bal cehec je haun

⁹ Euqa hina je osona gugnu fee dadanecnuca, hina jena cadecnuca, hina dana agena sihul sanijecca age asagail ijanagana je eu mamadi fee dadanecnuca, hina Mosesna loo jenu gonagona mecnuca eu cunug qisacdu biligale. Ge, je madec eu cesulgecnu ihoc qee, eu ceteh gauc himec.

Taitas 3:9 Referans Kwoze

2 Timoti 2:14

Hinana dana cajaca je i cunugnu dahiniga cisdoqagannu maadagale. Hina Anut amegna ha age jena fee dadanec culuqagannu dahiniga hewagale. Ge, eu tutuc odocnu oso qee cesuldona, euqa dana dah mi bilegina eundec cisdoc ihulahaladena.

2 Timoti 2:23

Euqa je eu docnu qee nijel, eu silignu wawali sisili togodogina, je gauc eundec culugale. Hina dogona, je eundecnadec fee dadanecca cadecca cali hona.

1 Timoti 4:7

Euqa mahanadec dodo caunca qee, eu Anutnu je me qee madegina, eu hibemdogale. Hinadodoc Anutna kobolnu iwaldu cuhadoga.

2 Timoti 2:16

Dana age je caunca qee gauc madegina eundec age jic Anut hibemdu jic ceja qu lena euna cobogina. Eunu je caunca qee gauc togodogina eunu qisacdu biligale.

Taitas 1:14

Odocob age haun Juda agena dodo gaucca, loo je eu dana mele je hibemdoin eu conoganadecca qee dah mowain.

1 Korin 8:1

Qila ija sab dana age kadan tibudnu ihaneinnu maadigen. Dana leih age madegina, “Ege cunug docca,” egina. Je eu meleqa dana agena doc eu deboec kobolnu tuliadena. Euqa ege wawige meleec dana nalug mecebmecebecebil ege wawige osol gagadicca tawoqona.

1 Korin 13:2

Ija je hahun madecnu duginafi, odocob ija Anutna cisdoc cunug jahunec nijia eunu duginafi, odocob ija doc silecca cunug duginafi, odocob ija wawi meleec cunugca ija aluh maadecemin ono isec lecnu ihocfi, euqa nalug mec eu ijana qee nijinafi, ija tetec gauc himec.

Jems 4:1

Age gemona han cadecca gonagona mecca eu cunug anadec hona? Wawaga cajecnu kobol eu ageca bilina. Odi eu age dewenega cunug eu gemona hannu belicanagaca kobol eu himec han cadecca gonagona mecca odocob calena.