Taitas 2:13 - Bal cehec je haun

¹³ Cesusgegen ege ceteh Anut eeldon eu susumudi biluquna. Eu egena Anut Ben, Jisas Krais egena Cahahagec, uqa fulacdoc gagadic odocca camasac migiannu susumudi biluquna.

Taitas 2:13 Referans Kwoze

2 Timoti 4:8

Wooladec gugulegina eundec ameg me adecebil ogina, ameg me eu ija u itecnu muden nijia. Ameg me eu ititom cobocnu kingna katakat. Egena Tibud, uqa dana cajaca gesiladi cuhadona, uqa cit qoc deelna kingna katakat eu itigian. Ija himec qee itiaun, euqa uqana cit qoc deelna humei camasac migiannu susumudi hoolegina eundec cunugha adigian.

Taitas 1:2

Mele je uqana gug eu ege cebac bilec catanec oqannu susumudi biluquna. Eu Anut, uqa qee uhulina, uqa wele bahic sao mahaca qee ifanec saenna ege cebac bilec catanec i igigian ec maden.

Me Je i Mak Jaqen 14:62

Odocob Jisas madon, “Eu ija bahic! Age Dana Melah Anut gagadic odocca eben meulana isec bibileb sao taenna ha hohob foqagan,” don.

Hibru 9:28

Eu odi himec Krais uqa ihandumei dana cajaca cunug agena silail cagasiadigiannu cal mi osoldon. Odocob hibna uqa ni lecisdugian qa eu uqa silail cagasecnu qee neiaun. Uqa dana cajaca uqa cahahaadigiannu mele bahic sumudi bilegina eunu ni lecisdugian.

2 Pita 3:18

Euqa Jisas Krais uqa egena Tibud, uqa egena Cahahagec uqa eelgec uum igec eu age aden. Odocob age uqanu du cuhadogina. Eunu age eeladec uum adecca uqanu docca cesuladeceb ben mimeig duuec taweigale. Uqa qilaca saensaen cunugca kobolkobolca bileceb cataneiale. Mele.

2 Korin 4:4

Seten, uqa mahanadec uhulec tibud, uqa iletec eu Krais gagadic odoc fulacdoccanu me je maadecnadec cali hona fowainnu uqa dana eundec age wawaga qee meleena agena cisdoc cufa quadeceb tucana bilegina. Krais uqa Anut wican bahic.

Pol Uqa Jaqec Je Oso Rom Tamanec Jaqiaden 15:13

Anut uqa cahahagecnu sumudi biluquna uqa uqanu wawaga meleecna odadeceb age ceelecca malol bilecca wawagana ihoc leiale. Eunu Kis Gunna gagadic odocna Anutna saen me ageca hugiannu sumudegina eu age wawagana cunug ihoc ligian.

2 Pita 1:1

Ija Saimon Pita, ija Jisas Kraisna cabi dana aposelca. Ija dana cajaca age Jisas Kraisnu wawaga meleena eu jaqiadigina. Jisas Krais uqa egena Anut, uqa egena Cahahagec. Jisas Krais uqa ititom. Age uqanu wawaga meleec wele oin. Eunu agena wawaga meleecca egena wawige meleecca eu ihocihoc.

1 Pita 1:7

Temadec ina Anut uqa agena wawaga meleec eu melefo, qeefo temdona. Age dogina, gold eu ceteh fajecnu qaig ben bahic, euqa age gold eu melefo, qeefo temdocnu jana manegina. Gold eu ceteh fadaligian. Eunu agena wawaga meleec eu gold wooldona. Odocob temadec filfil ageca caligian saen euna agena wawaga meleec eu gagadicfo, qee, mele qeefo eu odi dugian. Odocob hibna Jisas Krais camasac cali hugian deel euna uqa agenu ceelimei age binanaga fulacdoc benca adigian.

1 Pita 1:3

Anut uqa egena Tibud Jisas Krais Memeg. Eunu ege Anut binan suluqale. Uqa egenu waug ben qon. Odimei uqa Jisas Krais cal mecnadec tulidocob haun cajen. Uqa jic euna ege cebac bilec haun igen. Odocob cebac bilec haun eu ege gagadic migeceb ege cebac bilec catanec Anut hibna igigiannu sumudi biluquna.

2 Timoti 4:1

Ija hina Anut amegnaca, Krais Jisas uqa dana cajaca cebac bileginaca cal meinca gesiladigiannu humei saen euna uqana cul camas mudigian eu uqa amegna je mahigina.

2 Korin 4:6

Ge, Anut uqa wele maden: “Fulacdoc tu gemonadec cali hoiale!” en. (Jenesis 1.3) Uqa madeceb ege wawigena fulacdoc bahic ileten. Eunu ege Krais ola fimeb ege Anutna gagadic odoc fulacdocca om.

Aposel 24:15

Ija Anutnu wawi meleec hewi sumudigina odi i ageha hewi sumudegina eu dana cunug meca me qeeca cunug age cal mecnadec ceseli cajoqagan.

Jahunec Je Camasac Muden 1:7

Feiga! Uqa taenna hona! Dana cunug age uqa fecidoqagan. Leih age catuwutecebil cal men eundec ageha fecidoqagan. Odocob dana sihul cunug maha inadec age uqanu qada qajoqagan. Eu odi caligian eu mele.

Taitas 3:4

Euqa Anut egena Cahahagec uqa dana lalafadecca, uqa dana nalunuga mecca camasac men saen euna

Kolosi 3:4

Krais uqa egena cebac bilec gug, uqa isi camasac migian. Saen euna age uqa gami kobolkobolca camas moqagan.

Kolosi 1:23

Euqa age wawaga meleec gagadic hewimeig duuec taweiga. Odocob ceteh oso age diadeiaunnu age ceteh me ocnu sumudi bilegina eunu me je wele doin eu dahiniga cain celeiaun. Ija Pol, ija me je uqana cabi dana calem. Odocob me je eu, age dana cajaca cunug mahamaha bilegina eu qasali maadein.

1 Jon 4:14

Odocob Memige Anut uqa Melah dana cajaca cunug mahana bilegina eu cahahaadigiannu suldocob nen eu fom eunu je qasali madoqona.

Kolosi 1:5

Mele je eu me je ageca hahawan hocob age Krais Jisasnu wawaga meleeceb age ceteh me Anut uqa agenu saona gun hewi cofdona eunu dah mein. Ceteh me eu age ocnu sumudi bilegina. Eunu agena wawaga meleecca agena nalunuga mecca alena gug eu ceteh me age ocnu sumudi bilegina.

Matju 26:64

Odocob Jisas madon, “Hina madagana odi himec. Ijaqa maadigina, hibna age Dana Melah uqa Anut gagadic odocca eben meulana isec bibileb sao taenna hohob foqagan,” don.

Matju 25:31

Jisas je haun maaden, “Dana Melah uqa isi kobolkobolca uqana ensel cunugca gami toni nimeig uqa uqana king bilec cabal kobolkobolca euna biligian.

2 Tesalonika 2:16

Egena Tibud Jisas Kraisca Anut ege Memigeca ale nalunige mesina. Anut uqa eelgec uum igimei wahohoggeceb catanena, ege uqa cahahagecnu sumudi biluquna.

2 Tesalonika 2:8

Odocob loo je wooldoc dana camasac migian. Euqa Jisas Tibud ceseli humei uqa dana eu co kisna fadaldugian, uqana camasac mec ileteceb qee migian.

Kolosi 1:27

Anutna cisdoc eu odi, uqa uqana je jahunec eu odocob uqana dana cajaca doqagan. Je jahunec eu cehewanca, eu gagadic odoc fulacdocca eu dana cajaca mahamaha cunug bilegina agenu bilia. O Kolosi, je jahunec uqana gug eu odi, Krais uqa age wawagana bilina. Odocob age uqana gagadic odoc fulacdocca adigiannu sumudi bilegina.

Pol Uqa Jaqec Je Oso Rom Tamanec Jaqiaden 8:18

Ege doqona, ceteteh cunug Anut ifanen eu caja mel basigia bili dain dona odi dain tebandogina. Odocob ifanec cunugca odi qada qaqaji bibilegin leceb eu qila saen ina calena. Anut uqa ifanec ceteh cunug agena me qee mec gel gihacadec eunadec besiadigian. Odocob ifanec ceteh cunug eu ege Anutna mel ibuldom egeca osoben Anutna ceteh me bahic umeb gihacgec qee himec bileqan. Eunu Anut ceteteh cunug eu me qee bilimeig me qee moqagan ec maden. Eu ifanec ceteteh agena gale adecna eu odi qee calel. Euqa Anut uqa ifanec ceteteh me qee moqagan ec maden eu uqaha ageca ceteh me caligian ec maden. Eunu ceteteh cunug Anut ifanen eu uqa ola suli u meciii ege Anutna mel ibuldumeb camasac mecnu sumudegina. Odocob ceteteh Anut ifanen eu himec qada qaqaji qee bilegina. Ege Kis wele om. Kis eu Anut uqa sab cabina casac wal mena eu odi bagolwe casac igen. Odocob egeha dain tebandudu qaqaji ege Anut uqa uqana mel mudigigiannu susumudi biluquna, saen eu ege dewenige ibuldocob haun caleqan. Anut uqa ege wele ceseli oigen. Odocob egena aig qoc euna ihoc ligiannu sumuduquna. Euqa ceteh sumudom eu wele fom eu ege haun sumudecnu ihoc qee. Dana oso uqa ceteh wele fenfi eetanu haunhaun sumudina? Euqa ceteh ege qee folom eu ege ocnu geh cisdodob sumuduqunafi ege wawige meleec gagadic tawecnu sumuduquna. Eunu ijana cisdoc eu odi, kobolkobol eu hibna egeca camasac migian eu qila culumen sogoecca gahidoqona eu wooldoc bahic.

1 Timoti 1:1

Ija Pol, ija Krais Jisasna aposel. Anut uqa egena Cahahagec. Ege Krais Jisas cahahagecnu sumuduquna. Ale madecebil ija aposel calem.

2 Timoti 1:2

Timoti, hina ija melami bahic, ijana jaqec je i jaqihigina. Anut ege Memigeca egena Tibud Jisas Kraisca ale eelgec uum igecca, waug qocca, malol bilecca ihesiale.

Taitas 1:4

Ija Taitas hina jaqihigina, hina ija melami bahic. Ele wawile meleec gabanlec biluwuna. Anut ege Memigeca Krais Jisas ege cahahagecca alena eelgec uum igecca malol bilecca hina ihesiale.

Jud Uqa Jaqec Je Oso Anutna Dana Cajaca Jaqiaden 1:21

Anut agenu nalunuga mena, eunu uqa gaid agenu nalunuga migiannu age Anut cemenug bileigale. Odocob age egena Tibud Jisas Krais sumudi bileigale. Uqa agenu waug qocob age cebac bilec catanec oqagan.