Pol Uqa Jaqec Je Oso Rom Tamanec Jaqiaden 9:29 - Bal cehec je haun

²⁹ Odocob Aisaia uqa eunu wele je hahun maden eu odi: “Tibud Gagadicca uqa egena mel mel aidca am nag odi qee culadeceb biloubmi ege fadalgoub eu odiwe uqa Sodom Gomoraca fadaladoub,” en. (Aisaia 1.9)

Pol Uqa Jaqec Je Oso Rom Tamanec Jaqiaden 9:29 Referans Kwoze

Jems 5:4

Dana agena cabina cabi ogina eu ameg adecnu cilehdoin eu deweneganu je madena. Cabi dana utaec eu han dana mati bahic age sao ohisna bilegina agena Tibud dahigna ti calen.

Jud Uqa Jaqec Je Oso Anutna Dana Cajaca Jaqiaden 1:7

Ageha Sodom Gomoraca jobon ale cemenelail eundecca eunu dogina. Agena dana age odoin eu odiwe ensel eu age odoin. Dana eu age wal kobol me qee bahic danaca odoin. Tibud uqa ameg me qee aden, odocob ja cijadeceb catanena. Eunu Tibud uqa ege eu fimeb ege wal kobol eu toodocnu cucuiuquna ec cisdoqannu odi odon.

2 Pita 2:6

Odocob ageha dogina, Anut uqa madeceb Sodom Gomoraca jobon fadalesin. Uqa jana cijaleceb comis himec qahesin. Uqa hahun ihacadec biligiannu odi odon. Odocob dana cajaca age hibna caloqagan eu age Sodom Gomoraca ale Anutna kobolna qee cobocobil uqa odi fadalalen ec cisdoqagan. Odocob dana cajaca ageha Anutna kobolna qee cobocobilfi Anut uqa age fadaladigian eu odi uqa Sodom Gomoraca fadalalenwe ec cisdoqagan.