Pol Uqa Jaqec Je Oso Rom Tamanec Jaqiaden 8:14 - Bal cehec je haun

¹⁴ Dana cunug age Anutna Kis iwalaadi cobona dana eu age, age Anutna mel odi bilegina.

Pol Uqa Jaqec Je Oso Rom Tamanec Jaqiaden 8:14 Referans Kwoze

Me Je i Jon Jaqen 1:12

Euqa leih age uqa oidein age uqa ijannu wawaga meleen. Eunu uqa Anutna mel ibuldocnu gagadic odoc aden.

Galesia 3:26

Age Galesia cunug wawaga meleecebnu age Jisas Kraisca gabanadimeig Anut melahul ibuldoin bilegina.

Galesia 5:16

Aria, ija odi maadigina, age dewenega gale doc toodu cain odowain. Dewenige gale doc eu Kis feedudu ameg qona. Odocob Kis uqa dewenige gale doc feedudu dahinige hewena. Ale gaid cadesinanu. Eunu age ceteh odocnu cisdogina eu age odocwe qee. Euqa Kis uqa age iwalaaden toodoginafi age Mosesna loo je bisalu qee bilegina. Eunu age Kisna dado madecna jic coboigale.

Jahunec Je Camasac Muden 21:7

Oso uqa gagadic mimi han wooldona eu ceteteh cunug eu ijanadec muguh ugian. Ija uqana Anut biligen, uqa ija melami biligian,” en.

1 Jon 3:1

Feiga, Memige uqa ege Anutna mel ec madigiannu uqa egenu nalunige geh bahic mena. Odocob eu mele bahic, ege Anutna mel. Dana cajaca mahana bilegina eu age Anutnu qee dogina. Eunu age egenuha qee dogina.

2 Korin 6:18

Ija memega biligen. Odocob age ija melamiel atielca biluqagan,” uqa odi madena. (2 Samjuel 7.14)

Galesia 4:6

Odocob age Anut melahulnu Anut uqa Melahna Kis wawigena biligiannu suldugeceb nen, Kis eu uqa cesulgeceb ege Anut utadudu, Aba! Mei! doqona.

Pol Uqa Jaqec Je Oso Rom Tamanec Jaqiaden 8:9

Euqa age wawaga hilah uqana kobolna qee bilegina. Age Kisna kobolna bilegina, eu mele Anutna Kis age dunuhna bilecebfi. Euqa dana oso uqa Kraisna Kisca qeefi uqa Kraisna dana qee.

Efesas 5:9

Ge, ceteh eu me bahic, ceteh eu ititom, ceteh eu mele bahic eundec cunug eu fulacdoc uqana aig qoc.

Pol Uqa Jaqec Je Oso Rom Tamanec Jaqiaden 9:8

Eu uqana gug eu odi. Mel mel aid age golanaga madec kobolna himec calegina eu age Anutna mel mel aidca bahic qee. Euqa mel mel aidca age Anutna je hahun madecna kobolna calegina eu age himec Ebraham melahul, ategul, asagul caloqagan.

Efesas 1:5

uqa casac wele odi cisdon, uqa Jisas Krais umna ibulgeceb ege uqa melahul bileqannu ec cisdon. Ceteh eu uqana cisdoc gale docca.

Pol Uqa Jaqec Je Oso Rom Tamanec Jaqiaden 9:26

Odocob cudun ono euna age maaden, ‘Age ijana dana cajaca qee,’ aden cudun euna bahic age Cebac Bilec Anut melahul adoqagan!” en. (Hosea 1.10)

Matju 5:9

Dana age maul qetegina eundec age ijanaga Anut melahul oqagan. Eunu age eeladecca bilegina.

Galesia 4:5

Uqana loo je bisalu bilec euna uqa dana cajaca age loo je bisalu bilegina eundec besiadigia bili ceseli fajadi cedadigiannu hon. Eunu ege Anut melahul bilec oqannu odi odon.

1 Jon 3:24

Cunug age Anutna je gagadic eu toodu odogina eu age uqaca gabandoc bilegina. Odocob ege uqa Kis Gun igen eunu uqa egeca gabandoc bilina ec doqona.