Pol Uqa Jaqec Je Oso Rom Tamanec Jaqiaden 5:14 - Bal cehec je haun

¹⁴ Euqa Adamna saennadec ninijen hu Mosesna saenna cal mec eu dana cajaca cunug agena cilehadec bilen. Mele, dana cajaca leih age Adam loo je tefacdon odi qee tefacdoloin qa cal mec eu ageha agena cilehadec bilen. Adam uqa eu dana hib caligian uqanu hahun ihoc men.

Pol Uqa Jaqec Je Oso Rom Tamanec Jaqiaden 5:14 Referans Kwoze

1 Korin 15:45

Anutna jaqec je eu odi madena: “Dana matu Adam uqa dolog umei cebac men,” ena. (Jenesis 2.7) Adam cit qoc uqa kis, uqa cebac bilec igina.

Hibru 9:27

Dana cajaca cunug age cal mi osoldogina. Odimeig hibna age Anut amegna tawecebil uqa gesiladigian.

Pol Uqa Jaqec Je Oso Rom Tamanec Jaqiaden 5:17

Eu mele, dana osol uqa silail men. Odocob dana osol eu uqana silailnu cal mec dana cajaca cunug cilehadena. Euqa dana osol, Jisas Krais, uqana odoc eu wooldon! Dana cajaca age Anutna eelgec uum igecca Anutna ititom eu bagolweca ogina eu cunug age Krais odonna cebac bilec umeig kingwe biluqagan.

Pol Uqa Jaqec Je Oso Rom Tamanec Jaqiaden 5:21

Eunu cal mec eu silail kobol cesuldocob ohis bahic calen, eu kingwe bilen. Eu odiwe ititom kobol eu Anutna eelgec uum igec cesuldocob ohis bahic calena, eu kingwe bilina. Odocob Jisas Krais, egena Tibud, uqana cabi ocna ege cebac bilec catanec oqan.

Jenesis 7:22

Ceteteh cunug mahana cocobi medemegana siwogina eu cunug cal mein.

Jenesis 19:25

Tibud uqa taun eu ale eu odi fadalalen. Maha asou eu cunug fadaldon. Dana caja taun bilein euca ceteteh mahana cehec nijen euha cunug fadaldon.

Jenesis 4:8

Aria Ken waliag Ebel madon, “Gec beli bahu cobewa,” don. Odocob belesin. Cocobi bilesi Ken uqa cajimei waliag Ebel qagadocob cal men.

Pol Uqa Jaqec Je Oso Rom Tamanec Jaqiaden 5:12

Ege doqona, dana osol uqa silail men, odocob kobol euna silail maha ina calen. Odimei cal mec u ahon. Eunu dana cunug age silail meinnu cal mec dana cunug cedena.

1 Korin 15:22

Ge, dana cajaca cunug age Adamca gabandoc bilegina euna cal megina. Eunu eu odiwe dana cajaca cunug age Kraisca gabandoc bilegina euna cebac bilec oqagan.