Pol Uqa Jaqec Je Oso Rom Tamanec Jaqiaden 16:10 - Bal cehec je haun

¹⁰ Age ijana feele ec Apelis uteiga, uqa Krais toodocnu ijanca. Age ijana feele ec Aristobjulas uqana jo osol eu age adeiga.

Pol Uqa Jaqec Je Oso Rom Tamanec Jaqiaden 16:10 Referans Kwoze

Pol Uqa Jaqec Je Oso Rom Tamanec Jaqiaden 14:18

Dana uqa ceteh eu odina Krais cewel utona Anut uqanu gale dugian. Odocob dana age uqa dana me bahic ec cisdoqagan.

1 Pita 1:7

Temadec ina Anut uqa agena wawaga meleec eu melefo, qeefo temdona. Age dogina, gold eu ceteh fajecnu qaig ben bahic, euqa age gold eu melefo, qeefo temdocnu jana manegina. Gold eu ceteh fadaligian. Eunu agena wawaga meleec eu gold wooldona. Odocob temadec filfil ageca caligian saen euna agena wawaga meleec eu gagadicfo, qee, mele qeefo eu odi dugian. Odocob hibna Jisas Krais camasac cali hugian deel euna uqa agenu ceelimei age binanaga fulacdoc benca adigian.

1 Timoti 3:10

Dana eundec age casac temadi feigale. Age me ihoc lec eu camasac meceb fifeig tamanec cesuldoc cabi dewenegana meiga.

Filipai 2:22

Euqa age Timoti uqa dana me ec dogina. Uqa ija me je cabina melah memeg cesuldonawe cesulten.

2 Korin 8:22

Eunu ege wawige meleec cotige osoha aleca osoben suladoqona. Ege uqa saen matina temdom, odocob uqa cesuladecnu gagadic mena eu fom. Odocob qila uqa age cabi i oqagannu waug meleena eunu uqa cesuladecnu gagadic bahic mena.

2 Korin 2:9

Ge, jaqec je ija wele jaqiadem eu ija temadecnu dih jaqiadem. Age ijana je ceteh cunug eu gaid toodoginafo, qeefo ec dugennu odi odom.

1 Korin 11:19

Anut uqa dana cajaca leih age gemo bilegina, age uqa amegna tutuc odogina, eu age camasac moqagannu gale dona. Eunu agena cegulecna qatanec bilegina eu mele bahic ec cisdugina.

2 Timoti 4:19

Ija Prisilaca Akwilaca Onesiforas uqa aideg talaculca gami feele adec je sulduadigina.

Pol Uqa Jaqec Je Oso Rom Tamanec Jaqiaden 8:11

Anut uqa Jisas cal mecnadec tulidocob ceseli cajen eu uqana Kis eu age dunuhna bilecebfi Anut uqa Jisas cal mecnadec tulidocob ceseli cajen eu uqa Kis eu age dunuhna bilina euna age cal mec dewenegaha cebac bilec adigian.

Pol Uqa Jaqec Je Oso Rom Tamanec Jaqiaden 16:3

Priska Akwilaca ale Krais Jisasna cabi hijiel eunu age ijana feele ec aleiga.

Pol Uqa Jaqec Je Oso Rom Tamanec Jaqiaden 16:7

Age ijana feele ec Andronaikas Juniasca aleiga, eu ale ijana sihulnadec, eu ale ijaca gihacdoc jona bilom. Ale aposel gemona ijanalaca, odocob ija Kraisca qee lec eu ale Kraisca casac lesin.

2 Korin 5:17

Eunu dana oso Kraisca gabandoc bilina eu uqa dana haun. Weledec eu jausen, odocob uqana bilec cunug haun ibuldon.

2 Korin 12:2

Ija dana Kraisca gabandoc osonu dugina, uqa wele cabi gel 14na Anut ehudeceb sao jobon cijeddocna ten. Dana eu uqa deweg cunug ohis tenfo, qee uqa bebelecna ohis tenfo eunu ija qee dugina. Euqa Anut uqa dona.

Galesia 1:22

Saen euna Kraisna tamanec age Judia hatuna bilein eu age ija olani qee fec bilein.