Pol Uqa Jaqec Je Oso Rom Tamanec Jaqiaden 10:15 - Bal cehec je haun

¹⁵ Odocob Anut uqa je qasali madec dana qee suladecebfi eu adi je qasali maadoqagan? Eu odi Anutna jaqec je madena: “Dana age me je ahogina saen euna dana cajaca age me bahic celeboegina!” ena. (Aisaia 52.7)

Pol Uqa Jaqec Je Oso Rom Tamanec Jaqiaden 10:15 Referans Kwoze

Efesas 2:17

Odocob Krais humei uqa malol bilecnu me je qasali maden. Uqa Juda dana qee eundec age qisacdu bahic bilein eu qasali maaden. Uqa Juda dana cemenug bilein euha qasali maaden.

Efesas 6:15

Age malol bilecnu me je hewi cobocnu eu jaimaga tacecna taci taweigale.

Efesas 3:8

Ijaqa ija Anutna dana cajaca qagoc cunug agena bisalu biligina. Euqa Anut ijanu waug qocob uqa Juda dana qee eundec me je qasali maadecnu cabi i ija ebenina men. Me je i eu Kraisna ceteteh me bahicnu madena, me je eu cehewanca bahic, ege dana cajaca sanijecnu ihoc qee.

1 Pita 1:12

Euqa Anut uqa je hahun madec dana eu age je hahun inu agenel cesuladecnu qee nijel ec maadeceb doin. Je hahun i agena saenna qee camasac meiaun ec maadeceb doin. Euqa agena je hahun eu Anut uqa age qila hatu ilag bilegina eundec cahahaadigiannu maden. Anut uqa Kis Gun sao jobondec suldocob nen. Odocob dana sos age Kis Gunna gagadic odocna Jisas Kraisnu me je qasali maadecebil doin. Ensel ageha Anut uqa adi uqana dana cajaca cahahaadigian ec foqagannu gale adena.

Me Je i Jon Jaqen 20:21

Odocob Jisas uqa haun maaden, “Malol ageca biliale. Memige Anut ija sultenwe eunu ija age suladigina,” aden.

Aposel 22:21

Odocomin Tibud maten, ‘Ija hina sulhecemin ene qee onoca bahic Juda dana qee eundec gemona nuegan. Eunu nuuga!’ ten,” aden.

Aposel 13:26

“O cotiel, Ebrahamna sihul, Juda dana eundec qee age Anut binan sulegina eu, me je i Anut dana cahahaadecnu eu Anut egeca suldon!

Aposel 9:15

Euqa Tibud madon, “Juda dana qee ageca, agena king ageca, Juda dana ageca ija ijani hewi ageca nuecnu ija cabi inu nesili ehudem. Odocob ijadodoc uqa ija ijaninu dain doc ganic ugiannu ihacdugen. Eunu nuuga,” don.

Me Je i Luk Jaqen 10:1

Eu hedocob Tibud uqa dana 72 haun nesili ehadimei lecislecis suladeceb taun jobon abesabes cunug uqa uqadodoc euna ligia bili uqa aqunitu belein.

Me Je i Luk Jaqen 8:1

Saen osooso hedocob Jisas taun nagca, jobon nagca Anutna culnu me je maadi cobon. Malogom 12-pela age gami belein.

Me Je i Luk Jaqen 2:14

“Sao ohis bahic Anut uqa kobolkobolca biliale. Mahana dana age Anut uqa nalunuga mena eu malol bileigale,” ein.

Me Je i Luk Jaqen 2:10

Euqa ensel maaden, “Cain cucuiuwain! Ge feiga, ija age me je ahuadiga eu dana cajaca mahamaha cunug dumeig celebooqagan.

Matju 9:38

Eunu sab cedi haudocnu gug uqa cabi dana suladeceb sab haudocnu inondoigale,” aden.

Aposel 10:36

Me je Anut uqa Isrel dana ageca suldon eu age dogina. Me je eu qila Jisas Kraisna dana cunug age Anutna malol euca bilecnu ihoc en. Jisas uqa dana cunug agena Tibud.

Pol Uqa Jaqec Je Oso Rom Tamanec Jaqiaden 1:15

Eunu ija Rom dana cajaca ageha me je qasali maadecnu wawi nijia.

Pol Uqa Jaqec Je Oso Rom Tamanec Jaqiaden 15:20

Cabi ina hatu euna Kraisnu me je qasali maadecnu wawi ben taweia. Dana osona jo nah ohis ijana jo cehigaunnu ija Krais ijan qee doc bileginana me je qasali maadigina.