Pol Uqa Jaqec Je Oso Rom Tamanec Jaqiaden 1:3 - Bal cehec je haun

³ Eu Anut Melahnu me je. Melah uqa Dewidna sihulnadec eu dana calen.

Pol Uqa Jaqec Je Oso Rom Tamanec Jaqiaden 1:3 Referans Kwoze

Matju 1:1

Jaqec je i Jisas Krais uqana sihul ijanaganu je. Jisas uqa Dewid sihulnadec, odocob Dewid uqa Ebraham sihulnadec.

Galesia 4:4

Euqa Anut uqa, saen euna odigen en, saen eu hedocob uqa Melah suldocob nen. Eu caja uqa basen, odocob uqa loo je toodu odigiannu mudeceb bilen.

Me Je i Jon Jaqen 1:14

Je eu dana deweg ibuldumei ege gemona jo cehi bilen. Uqa Anut amegna me bilecca mele bilecca am bec. Ege uqana kobolkobol fom. Kobolkobol eu Memige Anut Melah osol uqana, Memige Anut uqa suldocob nen.

Me Je i Jon Jaqen 1:49

Odocob Nataniel uqa Jisas jejeg hewi madon, “O Meca, hina Anut Melah! Hina Isrel agena king!” don.

Me Je i Luk Jaqen 1:35

Odocob ensel jejeg hewi madon, “Kis Gun hinaca humei u tacihigian. Odocob Anut Ohis Bahic uqana gagadic odoc jahulhigian. Eunu mel hina basigian eu age gun oqagan, age Anut Melah oqagan,” don.

Jenesis 3:15

Ija odocomin hina cajaca qocobqocob owasan. Uqana sihulca hinana sihulca gaid cad biluwasan. Hibna caja uqana mel oso uqa ilom tulohdocob hina uqa jaih bisoc qu jegan,” don.

1 Tesalonika 1:10

Odocob ageha Anut Melah uqa wele cal men eu Anut tulidocob ceseli cajen eu sao jobonnadec haun ceseli camas migiannu sumudi bilegina gegina. Eu Jisas uqa Anut ege dana cajacanu gemag jawe beiaunnu cahahagigian.

Pol Uqa Jaqec Je Oso Rom Tamanec Jaqiaden 9:5

Isrel dana weledec ijanagaca matu eu age jajanagail himec. Odocob agena sihulnadec himec Krais uqa dana ibuldon. [Krais uqa cunug agena ilo, uqa Anut.] Ege binan sulocomun cataneiale! Mele!

Me Je i Jon Jaqen 20:28

Odocob Tomas uqa jejeg hewi madon, “O ijana Tibud! Ijana Anut!” don.

Me Je i Jon Jaqen 10:30

Memige Anut ijaca ele osol,” aden.

Matju 1:16

Odocob Jekob uqa Josef memeg. Odocob Josef uqa Maria gemug. Odocob Maria uqa Jisas basen, eu uqa Krais egina.

2 Timoti 2:8

Jisas Kraisnu dahin cisdoga, uqa cal mecnadec ceseli cajen, uqa Dewid sihulnadec, me je maaadi cobigina euna nijia.

Aposel 2:30

Uqa Anutna je hahun madec dana, odocob uqa Anut je cagoc oso madon, ‘Ija dana hinana sihulnadec hibna caligian hinana king cudunna mudigen,’ don eu don.

Me Je i Jon Jaqen 20:31

Euqa Jisas uqa Anutna Krais uqa Anut uqana dana caja cahahaadecnu wele nesili ehudennuca, uqa Anut Melahnuca wawaga meleigian eunu ija ceteteh inu je jaqadiga. Eunu age wawaga meleeceb uqa ijanna cebac bilec oqagan.

Me Je i Jon Jaqen 10:36

Memige Anut uqa ija qagu mitimei sulteceb mahana toni nem. Eunu age adi madegina, ‘Ija madigina, “Ija Anut Melah,” iginanu Anut lelandugina,’ egina?” aden.

Me Je i Jon Jaqen 5:25

“Ija je mele maadigina, saen hugian, saen eu wele hon bilia. Saen ina cal mein eundec age Anut Melahna jejeg dah moqagan. Dah mimeig eu age cajimeig cebac biluqagan.

Me Je i Luk Jaqen 1:69

Uqa uqana cabi dana Dewidna sihuldec odocob Cahahagec Dana gagadic oso calen.

Matju 27:43

Uqa Anutnu waug meleena. Uqa maden, ‘Ija Anut Melah,’ en. Eunu Anut uqanu gale docobfi Anut qila besitoiale,” ein.

Matju 26:63

Euqa Jisas uqa jejeg qee hewel. Odocob ihanec dana ilo uqa Jisas sisildu madon, “Ija Anut cebac bilecca ijanna mahigina, hina Anutna Kraisfo? Hina Anut Melahfo? ec Anut amegna madaga doqa,” don.

Matju 15:22

Ono Kenan caja oso hatu eunadec hu Jisas utadu madon, “O Tibud, Dewid Melah, hina ijanu walol heiale. Buga me qee eu ija ateni hewen me qee odudina,” don.

Matju 12:23

Odocob dana cajaca cunug filiciti madein, “Dana i Dewid Melah qeefo?” ein.

Matju 9:27

Jisas uqa cudun eu culimei nunuen dana lecis amala galuc mec ale Jisas toodu utadudu madosin, “O Dewid Melah, elenu walol heiale,” dosin.

Matju 3:17

Odocob sao ohisdec ha jejeg oso camas mi maden, “Ija melami nelugca ihen. Ija uqanu wawi ben ceelena,” en.

Matju 1:6

Odocob Jesi uqa King Dewid memeg. Odocob Dewid uqa Solomon memeg. Solomon anag wele eu uqa Uria aideg.

Jahunec Je Camasac Muden 2:18

Odocob uqa maten, “Hina Taiatairana ensel odi jaqitogale: ‘Anut Melah uqa ameg eu ja belicanwe, uqa jaih eu bras walelecwe uqa je odi mahena,

2 Jon 1:7

Ge, uhulec dana mati bahic age maha cunugna beladein. Dana eundec age Jisas Krais uqa dana deweg calen ec wawaga qee meleena. Dana eundec oso eu uhulec dana, eu Kraisna cad.

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

1 Jon 5:5

Inni uqa maha wooldona? Oso uqa Jisas uqa Anut Melah ec waug meleena eu uqadih maha wooldona.

1 Jon 5:1

Dana cunug age Jisas uqa Krais ec wawaga meleena eu age Anutna mel ibuldoin. Odocob cunug age memegnu nalug megina eu age melahnuha nalug megina.

1 Jon 4:15

Oso uqa Jisasnu uqa Anut Melah ec madena eu Anut uqaca gabandoc bilina, odocob uqa Anutca gabandoc bilina.

1 Jon 3:23

Odocob uqana loo je eu odi, ege uqa Melah, Jisas Krais, ijannu wawige meleeiale, odocob ege nalug mecebmeceboqale, eu odiwe uqa je gagadic magen.

1 Jon 3:8

Anut Melah uqa Setenna cabi oc fadaldugiannu camasac men. Ge, Seten uqa gug qoc saennadec hu qila silail mimi bilina. Eunu oso uqa silail mimi bilina eu uqa Setennadec.

1 Jon 1:3

Age ege gami osoben gabandu bileqannu gale gena. Eunu ceteh eu ege fom, ceteh ege dah momca eunu ageha qasali maadoqona. Odocob egeca Memige Anutca uqa Melah Jisas Kraisca gabandoc biluquna.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

Pol Uqa Jaqec Je Oso Rom Tamanec Jaqiaden 1:9

Ija Anutna cabi gagadic ugina, eu Melahnu me je maadec cabi. Eu Anut uqa dona, saen cunug ijana inondocna age ijanaga ugina.

Aposel 9:20

Uqa Juda agena cuha jonana limei Jisasnu me je maaden, “Jisas uqa Anut Melah,” aden.

Aposel 8:36

Odocob ale jic eu toodu numesi wa osona calesin. Odimesi dana eu madon, “Faga, wa ene nijia. Ija wa joitec oga tenafi in oso ija cahactigian?” don. [Odocob Filip madon, “Hina Jisasnu wawin cunug meleecebfi wa joc ihoc ogan,” don. Odocob uqa jejeg hewi madon, “Jisas Krais eu Anut Melah ija wawi meleena,” don.]

Aposel 3:13

Ebraham Aisak Jekobca agena Anut, ege jajanigeil agena Anut, uqa uqana cabi dana, Jisas, ijan meca gagadic odocca uten. Jisas i age Pailat ebenna mudimeig, uqa Pailat culdeceb nuigiannu wele cisdon, age Pailat amegna uqanu je me qee madein.

Me Je i Jon Jaqen 7:42

Anutna jaqec je eu Anutna Krais uqa Dewid sihulnadec, Betlehem jobondec ono Dewid bilen eunadec cali hugian ec madena,” ein.

Me Je i Jon Jaqen 1:34

Eu oodon femnu dana i uqa Anut Melah eunu wele qasali maadem,” aden.

Pol Uqa Jaqec Je Oso Rom Tamanec Jaqiaden 4:1

Ebraham uqa dana ege cinigwe odocob uqa ege Juda jajanige. Eunu ege uqanu cel ecnu?

Pol Uqa Jaqec Je Oso Rom Tamanec Jaqiaden 9:3

Eu age ijaca golanige osol bahic. Eunu ija cotiel agenu eu mele ija odoc jiccami Krais inondocomin ititacteceb agena cudun umig fadaloum.

1 Korin 10:18

Age Isrel agena kobolnu cisdoiga. Age dool ihanec cabal tatacan manegina eu jegina saen euna Isrel dana cajaca age Anutnu ihanegina eunu ceguli cuha fegina.

1 Timoti 2:5

Ge, Anut osol himec bilia, Anut danaca tanawi tawecnu osol himec eu dana eu Jisas Krais tawena.