Matju 6:9 - Bal cehec je haun

⁹ “Eunu age odi inondoigale: ‘O ege Memige, hina sao jobon biligina, hina ijain gun biliale.

Matju 6:9 Referans Kwoze

Jahunec Je Camasac Muden 4:11

“Egena Tibud, egena Anut, hina ceteteh cunug bilegina eu ifani mem. Hina hinana cisdocna eu ifani madem, age hinana cisdocna bilegina. Eunu hina kobolkobolca, binain sulecca, gagadic odocca ocnu ihoc,” egina.

Pol Uqa Jaqec Je Oso Rom Tamanec Jaqiaden 8:15

Kis eu Anutnadec oin eu age Anutna begabeg meh cabi dana qee madel, odocob age cucuiec danaha qee madel. Euqa Kis age oin eu uqa age Anutna mel ibuldoin. Odocob Anutna gagadic odocna ege utaii madoqona, “Aba! Mei!” oqona.

Galesia 4:6

Odocob age Anut melahulnu Anut uqa Melahna Kis wawigena biligiannu suldugeceb nen, Kis eu uqa cesulgeceb ege Anut utadudu, Aba! Mei! doqona.

Jahunec Je Camasac Muden 5:12

Age conoga suli u due silein: “Sipsip Nag qoin eu uqa gagadic odocca, cehewan gehca, doc silecca, hihibanca, binan sulecca, kobolkobolca, eeldocca ocnu ihoc,” ein.

Matju 7:11

Feiga, age dana gug me qee qa age agena mel ceteh me adecnu dogina. Eunu age mele dogina, Memega sao jobon bilia eu uqa age sisildogina eundec ceteh me bahic adigian!

Matju 26:29

Ija mele maadigina, ija wain qee jec li hibna ija age gami Meina culna haun jeqan,” aden.

Matju 23:9

Age Memega osol bilina, eu uqa sao jobon bilina. Eunu age dana oso mahana bilina ‘Memige,’ cain dowain.

Matju 5:16

Dana age agena me odoc eu fimeig age Memega sao jobon bilia uqa binan suluqagannu age eu odiwe agena gowoc madacdocobil eu dana fulacadeiale,” aden.

Me Je i Luk Jaqen 15:18

Ija caji nuimig mei madugen, “O Mei, ija Anut hinaca amalana silail mem.

1 Pita 1:17

Age Anut utadudu madogina, “Memige,” dogina. Memige eu uqa ege ijanigecafo, ijanigeca qeefo ec qee cisdona. Uqa ege dana osolosol cunug egena odoc himec ihocihoc gesiligina. Eunu age saen maha ina bilegina euna age gaid Anutnu cumunii coboigale. Age dogina, maha i agena jobon gug qee.

1 Timoti 6:16

Uqa himec cal mecwe qee gaid bileceb catanena. Uqa fulacdoc bahicca bilina eu ege uqa cemenug lecwe qee. Anut eu dana oso qee fel, dana osoha fecwe qee. Ege uqa binan sulocomun cataneiale! Uqa gagadic odocca demico biliale! Mele!

Me Je i Luk Jaqen 15:21

Odocob melah madon, ‘O Mei, ija hina amennaca, Anut amegnaca silail mem. Ija hina melem eu odi bilecnu ihoc qee,’ don.

Me Je i Luk Jaqen 2:14

“Sao ohis bahic Anut uqa kobolkobolca biliale. Mahana dana age Anut uqa nalunuga mena eu malol bileigale,” ein.

Matju 6:14

“Ge, age dana age me qee odadein eu agena silail dahiniga celecebfi Memega sao jobon bilia uqaha agena silail dahig celigian.

Matju 6:6

Euqa hina Memen inondoga bili hina jo hamol limeg jic cebec menimeg Memen uqa jahunecna bilia eu inondoga. Odocob Memen uqa ceteh jahunecna bilia eu fena uqa ameg me ihigian,” aden.

Matju 5:48

Age Memega sao jobon bilia eu uqa odoc me ihoc lec bilina. Eunu ageha agena odoc me ihoc lec bileigale,” aden.

Galesia 1:1

Ija Pol, ija aposel. Dana age ija qee sultelein, odocob dana oso ija utatimei aposel qee mitel. Euqa Jisas Kraisca Memige Anut uqa Jisas Krais cal mecnadec tulidocob cajen uqaca utatimesi aposel mitesin.

Me Je i Jon Jaqen 20:17

Odocob Jisas uqa madon, “Ija Memige Anutca ceseli ohis qee tec nijia. Ija cain hewitigaun. Euqa ija cotielca limeg maadaga, ‘Ija Meica age Memegaca, ijana Anutca agena Anutca cemenug tigina,’ adaga,” don.

Matju 26:42

Odi madumei uqa lecisdu ceseli li Memeg inondon, “Mei, gabin i woolti nuecnu jic qee nijecebfi ija jigen, eu hina madagana eu ihoc ligian,” don.

Pol Uqa Jaqec Je Oso Rom Tamanec Jaqiaden 1:7

Romdec dana age Anut agenu nalunuga mena eu age utaadeceb uqanu dana cajaca qagoc bilegina, eu age ija je i jaqiadigina. Anut ege Memigeca Jisas Krais Tibudca alena eelgec uum igecca malol bilecca adesiale.

Matju 10:29

“Feiga, man fululec nag eundec lecis toea osolna idadogina. Man fululec eu age oso age Memega qee madec mahana qee tonena.