Matju 6:28 - Bal cehec je haun

²⁸ “Age eetanu lotoc tacecnu jaen ben aqena? Age ceteh sal qoc wasena eu feiga. Age cabi qee ogina, agena lotocha qee mudegina.

Matju 6:28 Referans Kwoze

Matju 6:25

Jisas je haun maaden, “Eunu ija age maadigina, age mahana cebac bilecnu cain jaen aqeiaun. Eeta sab jeqan, eeta gab jeqan, cain owain. Age deweneganu ha cain jaen aqeiaun. Eeta taceqan cain owain. Agena cebac bilec eu sab jec wooldona. Dewenega eu lotoc wooldona.

Filipai 4:6

Age ceteh osonu jaen cain aqeiaun. Age Anut agena culumen wawaga hoolecca cunugnu gaid ninidudu inondoigale. Odimeig age Anut ceteh cunugnu cesuladecnu inondodoig hetaga doc madeigale.

Me Je i Luk Jaqen 12:27

Age ceteh sal qoc wasena eu feiga. Age qee cabi ogina, agena lotocha qee mudegina. Euqa ija maadigina, Solomon uqa lotoc tumutumca bahic taci tawen eu sal qoc bahunadec tawena i oso qee wooldol.

Matju 6:31

Haiden age ceteh eu cunugnu jaen aqena. Odocob age Memega sao jobon bilia uqa age ceteh euca qeefi age maha ina bilecwe qee eu uqa dona. Eunu age jaen aqeceb eeta sab jeqan, eeta gab jeqan, cel cetehna dewenige taceqan eu cain madowain.

Me Je i Luk Jaqen 3:11

Odocob uqa jejenega hewi maaden, “In oso uqa lotoc lecisca uqa dana oso eundecca qee lotoc oso utigian. Odocob in oso sabca bilina uqa dana sabca qee eundec uqana sab cesawiadaga,” aden.

Matju 10:10

Dana cabi ona eu uqana cabinu sab jec wadac gulucdocnu ihoc bilina. Eunu jic cobocnu ceteh oso cain hewowain. Age badom cain hewi cobowain. Lotoc lecisca cain hewi belowain, osol himec taceiga. Jaimaga tacec eu cain tacowain. Jic coboc kom ha cain hewi cobowain,” aden.

Matju 6:27

Age info uqa uqana cebac bilecnu jaen qonana uqa uqana maha bilec saen nag cecelacca mudecnu ihoc?” aden.

Me Je i Luk Jaqen 10:41

Odocob Tibud uqa jejeg hewi madon, “Mata, Mata! Hina ceteteh geh bahicnu cisdoc eunu wawin me qee mena

Me Je i Luk Jaqen 12:11

“Saen age ehadi lecebil Juda agena cuha jonafo, hatu kingnafo, loo je cofdoc dananafo ono gesiladoqagannu amagana madecebil Kis Gun saen euna dih je adi madoqagannu iwaladigian. Eunu age casac cel je cel je jejenega hewi maadigen cain jaen aqeiaun, o je adi madoqagannu cain cisdowain,” aden.

Me Je i Luk Jaqen 12:22

Odimei Jisas uqana malogom maaden, “Eunu ija age maadigina, age mahana cebac bilecnu cain jaen aqeiaun. Eeta sab jeqan cain owain. Age deweneganu ha cain jaen aqeiaun. Eeta taceqan cain owain.

1 Pita 5:7

Anut uqa agena culumen dain adec sogoecca cunug gahidogina ec dona. Odocob uqa me cofadena. Eunu age agena culumen dain adec sogoecca cunug eu uqa ebenna meigale.