Matju 3:3 - Bal cehec je haun

³ Ge, Jon uqa dana eu Anut uqa je hahun madec dana, Aisaia, cona eunu maden. Uqa wele odi maden: “Dana jejeg oso uqa wadauna bibili utai maadena, ‘Tibudna jic saciadoiga. Uqana jic tutuc mudeiga,’ adena,” en. (Aisaia 40.3)

Matju 3:3 Referans Kwoze

Me Je i Jon Jaqen 1:23

Odocobil Jon jejenega hewi maaden: “Ija jejeg oso uqa wadauna bibili utai maadena, ‘Tibudna jic tutuc mudeiga!’ adena. Eu odi weleca je hahun madec dana Aisaia uqa maden,” aden. (Aisaia 40.3)

Me Je i Luk Jaqen 1:76

‘Melami, hina age Anut Ohisdec uqana je hahun madec dana hoqagan. Hina Tibud uqana jic saciadocnu aqunitogan.

Me Je i Luk Jaqen 1:17

Odocob uqa memegail melemegailca gabanadigiannuca, feeec dana maadeceb age tului falicdumeig dana ititom agena cisdoc toodoqagannuca, Anutna dana cajaca Tibudnu qagu madeceb amaga mimi biluqagannuca uqa Ilaijana dumanca, uqana gagadic odocca umei Tibud aqunitu cobigian,” don.

Me Je i Mak Jaqen 1:3

Dana jejeg oso wadauna bibili utai maadena, ‘Tibudna jic saciadoiga. Uqana jic tutuc mudeiga,’ adena,” en. (Aisaia 40.3)