Matju 28:18 - Bal cehec je haun

¹⁸ Jisas uqa cemenega humei odi maaden, “Anut uqa ceteh cunug agena ilo miten. Uqa ceteteh cunug mahanaca sao jobonnaca cofadecnu gagadic odocha iten.

Matju 28:18 Referans Kwoze

Me Je i Jon Jaqen 3:35

Memige Anut uqa Melahnu nalug mena, uqana ceteteh cunug uqa ebenna muden nijia.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.

Matju 11:27

Mei uqa ceteteh cunug ija ebenina men. Dana oso uqa Anut Melah qee du cuhadona. Euqa Memige Anut himec Anut Melahnu du cuhadona. Dana osoha Memige Anut qee du cuhadona. Anut Melah uqa himec Memige Anutnu du cuhadona. Odocob Anut Melah eu uqana gale docna dana oso Memige Anutna gug ihacdona euha Memige Anut du cuhadugian,” en.

Hibru 2:8

Odimeg ceteh cunug uqa jaih bisalu mecem agena ilo bilen,” ena. (Buk Song 8.4-6) Anut dana muden eu ceteh cunug agena ilo ec odi maden, eu ceteh cunug bahic ec maden. Euqa qila ege ceteh cunug eu dana uqa agena ilo qee bilina eu foqona.

1 Korin 15:27

Anutna jaqec je eu odi madena: “Anut ceteh cunug uqa jaih bisalu meceb agena ilo bilen,” ena. (Buk Song 8.6) Anut uqa ceteh cunug eu Krais bisalu men. Euqa ege doqona, “ceteh cunug” eu Anut uqadodoc eu age gami Krais bisalu qee mel.

Me Je i Jon Jaqen 13:3

Jisas uqa Memige Anut uqa ceteh cunug uqa ebenna men, uqa Anut suldocob nen, uqa haun ceseli Anutca ti caligian eu cunug don.

Hibru 1:2

Euqa deel hib cit qoc ina uqa Melah cona je magen. Anut uqa Melahna himec sao mahaca ifanen. Anut uqa Melahnu madi, hina ija huqani, don. Hibna hina ceteteh cunug ogan, don.

Kolosi 2:10

Odocob age uqaca gabandocna agena cebac bilec ha am bec bahic men. Krais uqana gagadic odoc eu tibud meca me qeeca cunug agena gagadic odoc wooladena. Krais uqa cunug agena ilo bilina.

Me Je i Luk Jaqen 10:22

“Mei uqa ceteteh cunug ija ebenina men. Dana oso uqa Anut Melah uqana gug qee du cuhadona. Euqa Memige Anut himec uqa Anut Melah uqana gug du cuhadona. Dana oso uqa Memige Anut uqana gug qee du cuhadona. Euqa Anut Melah himec uqa Memige Anut uqana gug du cuhadona. Odocob Anut Melah eu uqana gale docna dana oso Memige Anutna gug ihacdona euha Memige Anutna gug du cuhadugian,” en.

Jahunec Je Camasac Muden 19:16

Uqana lotoc cecelacnaca uqa tucuhnaca ijan jaqec eu: “king cunug agena king, tibud cunug agena tibud,” en.

Pol Uqa Jaqec Je Oso Rom Tamanec Jaqiaden 14:9

Eu gug inu himec Krais cal mimei haun ceseli cajen. Eunu uqa dana age cal meinca dana age cebac bileginaca eu cunug agena Tibud biligiannu.

Jahunec Je Camasac Muden 17:14

Age Sipsip Nagca cadoqagan qa Sipsip Nagca uqana toodu coboc danaca eu age cacadi wooladoqagan. Sipsip Nag uqana toodu coboc dana eu Anut uqa utaadeceb uqaca hoin, Anut uqa dana cajaca eu nesili cedaden, age uqa gaid toodu cobogina. Sipsip Nag eu uqa tibud cunug agena Tibud, uqa king cunug agena King. Eunu uqa han wooladigian,” ten.

Jahunec Je Camasac Muden 11:15

Odocob ensel 7-peladoc eu uqana taul fuldon. Odocob jejenega ben sao jobonna utai maden: “Mahana cul eu egena Tibud, uqana Kraisca alena cul ibuldon. Uqa king gaid cofadi bileceb catanigian,” en.

Matju 26:64

Odocob Jisas madon, “Hina madagana odi himec. Ijaqa maadigina, hibna age Dana Melah uqa Anut gagadic odocca eben meulana isec bibileb sao taenna hohob foqagan,” don.

Aposel 2:36

“Eunu Isrel dana cunug age doiga, Jisas i age na babalecna tuitu qocobil cal men eu Anut uqa Tibud Kraisca mudeceb uqa ege Cahahagec calen bilia!” aden.

Aposel 10:36

Me je Anut uqa Isrel dana ageca suldon eu age dogina. Me je eu qila Jisas Kraisna dana cunug age Anutna malol euca bilecnu ihoc en. Jisas uqa dana cunug agena Tibud.

Matju 16:28

Ija mele maadigina, leih age ene tawegina eu age qee cal mec ninijeb Dana Melah uqa uqana king culna hohob mecidoqagan,” aden.

Me Je i Jon Jaqen 3:31

Dana ohisdec nen uqa dana cunug wooladec ohis bilina. Oso mahanadec hon eu mahanadec dana, uqa ceteh mahana nijia eunu je madena. Euqa oso sao jobonnadec nen uqa dana cunug wooladec ohis bilina.