Matju 27:51 - Bal cehec je haun

⁵¹ Odocob lotoc ben tempel hamol gunna caqusec tawoloi eu ohisdec baladu ni mahana cali lecisdon. Odocob mim neceb meen ulugedon.

Matju 27:51 Referans Kwoze

Me Je i Mak Jaqen 15:38

Odocob lotoc ben tempelna hamol gunna caqusec tawoloi eu ohisdec baladu ni mahana lecisdon.

Hibru 6:19

Ceteh eu ege sumudi biluquna eu ege cobocnu cahacgec tawena. Ceteh eu gagadic tawena, eu mele bahic. Eu cuha jo ben dunuh jic cebec lotoc eu cuculdi hamol bahic lena.

Me Je i Luk Jaqen 23:45

Odocob cam tu lelen jajahulen lotoc ben tempelna hamol gunna caqusec tawoloi eu baladu lecisdon.

Jahunec Je Camasac Muden 11:19

Odocob Anutna cuha jo sao jobon bilia eu huden. Age cuha jo dunuhna Anutna bal cehec je alildoc cudaug eu ono camasac tatawen fein. Odocob amel falefaleeceb uceldoc benca calecebil qeli ququeceb mahana mim nen, wa ais aig culumenca nen.

Matju 27:54

Odocob Rom agena han ilo dana 100 cofadecca age uqaca tatawi Jisas cofdoin eu age mim neceb ceteh caleceb eu fimeig cumuni madein, “Mele bahic, dana i uqa Anut Melah!” ein.

Matju 28:2

Odocob mim ben nen. Ge, Tibudna ensel oso sao jobondec nimei hu meen ben hatin jic cebec cufa qon eu olocdumei meen tatacan bilen.

Jahunec Je Camasac Muden 11:13

Saen euna dih mim ben neceb taun ben eu naha qatani 10-peladoc oso eu fadalen. Odocob dana cajaca 7,000 odi cal mein. Dana cajaca leih bilein eu age geh bahic cucuiein. Odocob age Anut uqa sao jobon bilia eu binan sulein.

Hibru 9:3

Lotoc ben lecis talah jo eu qagoloig. Lotoc oso eu hamol gun aqunec cebecna fele cehein. Odocob lotoc oso hamol gun eu hibilohu isec cebecna fele cehein, cudun eu Cudun Gun Bahic ec madoloig.

Me Je i Luk Jaqen 23:47

Han 100 cofadec dana eu odi odocob fimei Anut binan sulen. Odimei maden, “Mele bahic, dana i uqa dana ititom bahic!” en.