Matju 25:41 - Bal cehec je haun

^41-43 “Odi maadimei dana cajaca age eben ansena isec tawegina eundec odi maadigian, ‘Age ija wen teten bibiligin sab qee itelein. Ija wa gab teten bibiligin wa qee itelein. Ija jag bibiligin qee ehitelein. Ija bical bibiligin lotoc qee taqitelein. Ija hagca bibiliginca gihacdoc jona bibiliginca qee hu mecitelein. Eunu Anut geladen age cuculti ja cijeceb catanena euna nui bileiga. Eu Setennuca uqana enselnuca saciadon nijia,’ adigian,” aden.

Matju 25:41 Referans Kwoze

2 Pita 2:4

Age dogina, wele ensel leih age silail mein. Odocob Anut uqa ensel eundec qee culadel qa qeladeceb oloqanihna lein. Ono age mama helo tuca onoca bahic Anut saciaduaden euna gihacaden bilegina. Euna age Gesiladec Deel Bennu sumudi bilegina.

2 Tesalonika 1:9

Odocob age ameg fadalec catanec oqagan. Age Tibudna fulacdoc ben bilec gagadic odocca euna qee biluwain, odocob uqa cemenug qee biluwain.

Matju 13:42

ja amegna heladecebil noqagan. Euna age qada qaqaji maimaga kicodudu biluqagan.

Matju 13:40

Age huhel meel u casili haudu jana maneginawe mahamaha bili cit qoc saenna odi bahic nijigian.

Me Je i Jon Jaqen 8:44

Ageqa memega Setenna mel bilegina. Memega eu waug gale dona eundec age toodocnu gale adena. Gug qoc saennadec uqa dana aqecnu tawena. Mele je madec eu uqa waugna qee tawel. Eunu uqa mele je qee madena. Uqa uhulec je madec dana, cunug age uhulegina eu agena memega. Eunu uqa uhulec je madena eu uqadodoc duman toodu madena.

Matju 7:23

Odi matecebil ija maadigen, ‘Ija age, age ijana eu qee feciadelem. Age qisol mec kobol odogina cuculti beleiga,’ adigen,” aden.

Matju 3:12

Uqa sawolca hona. Sawol euna wit aig cunug eeldocnuca, wit aig uqana jo bisna mecnuca hona. Odimei uqa witna tetec ja qee cafulina euna manigian,” aden.

Hibru 6:8

Euqa euna halu dudca filfil gisinafi maha eu me qee. Saen nag odi Anutnu madi, maha eu me qee bahic, igian. Hibna ja ciji hedugian.

Matju 13:50

li ja amegna heladecebil noqagan. Euna age qada qaqaji maimaga kicodudu biluqagan,” aden.

1 Jon 3:10

Jic euna ege dana in age Anutna mel, odocob in age Setenna mel eu fecnu ihoc. Oso uqa kobol tutuc qee odona eu uqa Anutnadec qee. Odocob oso uqa cotignu qee nalug mena euha uqa Anutnadec qee.

Me Je i Luk Jaqen 16:24

Eunu uqa utai madon, ‘O Mei, Ebraham! Ija ja ben inu gisi cagugina! Ijanu waloc heceb Lasaras suldocom ni wa eben mamogna tanumei beilami qududocob daeia,’ don.

Me Je i Luk Jaqen 13:27

Odocob uqa haun maadigian, ‘Ija age anadec eu qee dugina! Age silail dana! Ija cuculti qisacteiga!’ adigian.

Matju 25:46

Odi maadeceb dana cajaca eundec age dain adeceb catanec euna nui gaid biluqagan. Euqa dana cajaca ititom eu age cebac bilec catanec euna li gaid biluqagan,” aden.

Matju 18:8

Odocob hina eben lecisca jaim lecisca ja cijeceb catanecna helihecebil euna bilecnu eu me qee bahic. Euqa hina ebenca qee jaimca qee cebac bilec catanec ogaqa eu me. Eunu hina ebenfo, jaimfo silail mecnu mana tawecebfi hina qeti helagale.

Matju 5:22

Ijaqa maadigina, oso uqa cotignu gemag bena eu gesilec jona ligian. Odocob oso uqa cotig cewudec je me qee madona eu Juda dana matu agena cegulec age dana eu gesildocnu ihoc. Odocob oso uqa cotig madona, ‘Hina dana gad,’ dona eu oloqanih jana lecnu ihoc,” aden.

Matju 4:10

Odocob Jisas Seten jejeg hewi madon, “Anutna jaqec je odi madena: ‘Tibud uqa hinana Anut uqanu cuha faga, uqa himec cewel utugale!’ ena, (Loo 6.13) Eunu Seten, cuculti nuuga,” don.

2 Tesalonika 1:7

Odimei uqa age qila dewenega tudoc gahidogina, age egeca jaen mudec igigian. Eu Jisas Tibudca uqana ensel age gagadic odocca age ja belicanca camas mecnana sao jobondec noqagan saen euna Anut odi odigian.