Matju 25:12 - Bal cehec je haun

¹² Euqa uqa jejenega hewi maaden, ‘Ija mele maadigina, ija agenu qee dugina,’ aden,” aden.

Matju 25:12 Referans Kwoze

1 Korin 8:3

Euqa dana Anutnu nalug menafi Anut uqa dana eunu du cuhadona.

2 Timoti 2:19

Euqa Anut noh gug gagadicca wele cehen tawena, odocob Anut uqa noh euna sisi mec je i edi jaqen: “Tibud uqa uqana dana cajaca uqana bileginanu dona,” en. (Namba 16.5) Odocob je osoha euna odi jaqen, “Dana cajaca cunug age madi, ija Tibudna biligina, eginafi eu age silail kobol hibemdoigale,” en.

Me Je i Jon Jaqen 10:27

Ijana sipsip ija jejeni dah megina, ija agenu dugina. Odocob age ija tootegina.

Me Je i Jon Jaqen 9:31

Anut uqa silail dana agena je qee dah mena eu ege doqona. Euqa oso uqa Anut binan susuli uqa jejeg toodudu odona eu uqa Anut je madocob dah mena.

Galesia 4:9

Euqa qila age Anutnu dogina, ec ija maadigen, qila Anut uqa agenu dona. Age adinu mahanadec kadan tibud lasdoc gelelanca qee haun cofadigiannu ceselegina? Age adinu agena begabeg meh cabi dana haun calecnu odogina?

Matju 25:11

“Hibna mel aid taula leih age humeig madoin, ‘Tibud, Tibud, hu ege jic cebec hudigaga,’ doin.

Matju 25:13

Odimei Jisas je oso tubdu maaden, “Age qee dodobil cel deelna cel auana agena Tibud uqa hugian. Eunu amaga cebac bileigale!” aden.

Me Je i Luk Jaqen 13:25

Dana jo gug eu cajimei jic cebec menigian. Odimeig maha gemo tataweig jic cebec gohugohududu madoqagan, ‘O Tibud, hu ege jic cebec hudigaga!’ oqagan. Odocob uqa jejenega hewi maadigian, ‘Ija age anadec eu qee dugina,’ adigian.