Matju 23:38 - Bal cehec je haun

^38-39 Ija maadigina, age ija qila haun qee mecituwain leceb age madoqagan: ‘Dana eu uqa Tibud ijanna hona Anut uqa eeldoiale,’ (Buk Song 118.26) odi madimeig mecituqagan,” en. Eunu Anut uqa agena jobon culdina, odocob agena jo moti heleceb tawigian, dana euna qee biluwain.

Matju 23:38 Referans Kwoze

Me Je i Luk Jaqen 13:35

Feiga, Anut uqa agena jobon culdina. Ija maadigina, age ija qila haun qee mecituwain leceb madoqagan: ‘Dana eu uqa Tibud ijanna hona Anut uqa eeldoiale,’ (Buk Song 118.26) odi madimeig mecituqagan,” aden.

Me Je i Luk Jaqen 21:24

Leih age han siginna cal moqagan. Odocob leih gihacdoc dana cinigwe hatu cunugna ehadi beloqagan. Odocob Juda dana qee eundec age jaimagana Jerusalem lahacdoqagan odi tatawebil li agena saen ihoc ligian,” aden.

Me Je i Luk Jaqen 21:20

Jisas je haun maaden, “Saen euna eu ‘Fileec Ameg Oc Saen,’ je cunug Anutna jaqec jena taweia eu aig ihoc ligian. Eunu saen age han dana am Jerusalem alildocobil fifeig age taun ben eu nag odi fadaldoqagan ec ihoc cisdoqagan. Eunu leih Judia hatuna bilegina age busali aluhnana toboigale. Leih Jerusalem dunuh bilegina age taun ben eu culdoigale. Odocob leih cabina cobogina age taun benna cain ceseli belowain.

Me Je i Luk Jaqen 21:6

“Ceteteh i cunug fegina eu saen caleceb meen gel ulugedocob meen oso meen oso tatacanna cilehdoc qee biliaun. Cunug wagalecebil mahana tonoqagan,” aden.

Me Je i Mak Jaqen 13:14

Jisas je haun maaden, “Age ‘ihulahal mec ceteh bebesacca’ (Daniel 9.27; 11.31; 12.11) uqana cudun qee euna mudecebil tataweb eu camas meceb euna batut feigale,” aden. Dana uqa je i sanijina eu uqa je uqana gug doiale. “Saen euna dana cajaca age Judia hatuna bilegina age busali aluhnana toboqagan.

Matju 24:2

Euqa uqa maaden, “Qila age eu cunug fegina. Ija mele maadigina, meen gel ulugedocob meen oso meen oso tatacanna cilehdoc qee biliaun. Cunug wagalecebil mahana tonoqagan,” aden.