Matju 19:16 - Bal cehec je haun

¹⁶ Dana haun oso uqa Jisasca hu sisildu madon, “O Iwalgec, cebac bilec catanec eu ocnu eeta me odoc oso odigen?” don.

Matju 19:16 Referans Kwoze

Jud Uqa Jaqec Je Oso Anutna Dana Cajaca Jaqiaden 1:21

Anut agenu nalunuga mena, eunu uqa gaid agenu nalunuga migiannu age Anut cemenug bileigale. Odocob age egena Tibud Jisas Krais sumudi bileigale. Uqa agenu waug qocob age cebac bilec catanec oqagan.

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

1 Jon 1:2

Cebac bilec eu camasac meceb ege fom eunu ege mele je qasali madoqona. Ege cebac bilec catanec eunu je qasali maadoqona. Cebac bilec catanec eu wele Memige Anutca bilen, odocob eu camasac meceb ege fom.

Matju 25:46

Odi maadeceb dana cajaca eundec age dain adeceb catanec euna nui gaid biluqagan. Euqa dana cajaca ititom eu age cebac bilec catanec euna li gaid biluqagan,” aden.

1 Jon 2:25

Odocob Krais uqa je hahun eu odi magen. Uqa cebac bilec catanec igigiannu magen.

Taitas 1:2

Mele je uqana gug eu ege cebac bilec catanec oqannu susumudi biluquna. Eu Anut, uqa qee uhulina, uqa wele bahic sao mahaca qee ifanec saenna ege cebac bilec catanec i igigian ec maden.

1 Timoti 6:19

Eunu age odoc euna cehewan fil bahic agena biligiannu haudogina. Odocob hibna age cebac bilec catanec eu oqagan, cebac bilec catanec eu cebac bilec age qila bilegina wooldoc. Eu odi maadagale.

1 Timoti 6:12

Dana Kraisnu waug meleena eu uqa gugulecna resis mecwe mimei uqadodoc cebac bilec catanec wooladi ona. Wele hina wawin meleec eu dana mati amagana qasalem saen euna Anut hina cebac bilec catanec ocnu utahen. Cebac bilec catanec eu hewagale.

Aposel 16:30

Odimei uqa ehali cali humei sisilalen, “Dana ben lecis, Anut cahahatigiannu ija eeta odigen?” alen.

Pol Uqa Jaqec Je Oso Rom Tamanec Jaqiaden 5:21

Eunu cal mec eu silail kobol cesuldocob ohis bahic calen, eu kingwe bilen. Eu odiwe ititom kobol eu Anutna eelgec uum igec cesuldocob ohis bahic calena, eu kingwe bilina. Odocob Jisas Krais, egena Tibud, uqana cabi ocna ege cebac bilec catanec oqan.

Pol Uqa Jaqec Je Oso Rom Tamanec Jaqiaden 2:7

Leih age kobol me eu gagadic hewegina oodoig kobolkobolca ijanaga benca biluqagannuca cebac bilec qee mecwe qee eu megegina. Dana eu agenu Anut uqa cebac bilec gaid bileceb catanigian eu adigian.

Me Je i Jon Jaqen 12:25

Oso uqadodocnu cebac bilec nalug mena eu uqa uqana cebac bilec eu culina. Oso maha ina uqana cebac bilec sagagdona eu uqa uqana cebac bilec eu cebac bilec catanec eu ugiannu gaidgaid hewena.

Me Je i Jon Jaqen 10:28

Ija age cebac bilec catanec eu adigina. Age qee fadalowain. Oso uqa age ebeninadec qee cawaltiaun.

Me Je i Jon Jaqen 6:68

Odocob Saimon Pita uqa jejeg hewi madon, “O Tibud, hina cebac bilec catanecnu je magagana. Ege qila hina Anutna Gundec eunu wawige meleena, eu ege du cuhadoqona. Eunu ege inca belecnu?” don.

Me Je i Jon Jaqen 6:47

Ija je mele maadigina, oso ijanu waug meleena eu uqa cebac bilec catanec wele on.

Me Je i Jon Jaqen 5:39

“Feiga, age Anutna jaqec je euna cebac bilec catanec oqan eginanu sasanijii uqana caun megegina. Euqa Anutna jaqec je eu ijana gugnu qasali madena.

Me Je i Jon Jaqen 4:14

Osoqa wa ija utecemin jigiaqa eu haun wa gab qee doiaun. Wa ija utecemin jigian eu ibuldumei uqa dunuhna cebac wa eu fifiji bibi nijigian. Wa euha cebac bilec catanec ocnu silig tawigian,” don.

Matju 19:29

Age abesabes oso uqa jofo, waliagulfo, cebinagulfo, memegfo, anagfo, uqana melfo, cabifo ija ijaninu culiadecebfi uqa ceteh culden eu 100doc wooldoc ameg ben bahic ugian. Odocob uqa cebac bileceb catanec muguh ugian.

1 Timoti 1:16

Euqa Jisas Krais uqa silail dana cajacanu waug qona eu cunug du cuhadocnu waug nijia. Odocob uqa ijanu waug qon, ija silail dana cunug wooladec. Ija wa dodwe, odocob dana cajaca cunug Jisas Krais uqa adi ija oditen eu fimeig age uqanu wawaga meleeceb age cebac bilec catanec eu oqagan.

Matju 19:26

Odi madecebil Jisas meciaadi maaden, “Dana age odi odocnu qee nijel. Euqa Anut ceteh cunug odocnu dona,” aden.

Matju 19:15

Uqa odi maadimei eben mel ilomogana mimei eeladimei cuculadi nuen.