Matju 14:29 - Bal cehec je haun

²⁹ Odocob Jisas madon, “Cois hogale,” don. Odocob Pita uqa wagnadec tonimei wa tatacan cocobi Jisasca ligian odon.

Matju 14:29 Referans Kwoze

Filipai 4:13

Ija Kraisca gabanli biluwuna eunu gagadic odoc Krais itina euna ceteh cunug odocnu ihoc.

Me Je i Mak Jaqen 9:23

Odocob Jisas madon, “Eetanu hina mataga, ‘Hina odocnu ihocfi,’ taga? Oso waug meleeccafi eeta cunug uqa odocnu ihoc,” don.

Aposel 3:16

Jisas ijanna gagadic odoc dana i amagana fegina age dana i uqa Jisas ijannu waug meleec euna gagadic meia ec dogina. Uqana Jisasnu waug meleec age amagana me mudia,” aden.

Me Je i Luk Jaqen 17:6

Odocob Tibud uqa jejenega hewi maaden, “Age wawaga meleec uqana meca eu aig mastet cinigwefi na sikamoa i madoubmiqa, ‘Hinadodoc cacalimeg bebeig cunugca nui macasna limeg cehaga!’ doubmiqa odocob uqa conoga toodu odoub,” aden.

Pol Uqa Jaqec Je Oso Rom Tamanec Jaqiaden 4:19

Ebraham uqana cabi gel eu cabi gel 100 odi, eunu uqa deweg ganac eu cal mecwe ec cisdon. Odocob Sera uqa goud bilen. Ebraham uqa eunu cisdon qa uqana waug meleec eu gagadic bahic tawen.

Matju 21:21

Odocobil Jisas maaden, “Ija mele maadigina, age wawaga meleec nijialumi wawaga lecisca qeemi age na dan eu oodom feiga eu himec qee odoubqa age aluh i hina caji macasna noga doubmi eu conoga toodu odoub.

Matju 17:20

Odocobil maaden, “Agena wawaga meleec eu nag eunu ihoc qee lel. Ge, ija mele maadigina, age wawaga meleec eu nag bahic, eu mastet aig cinigwe tawecebfi age aluh i madoubmiqa, ‘Hina cajimeg onoca nuuga,’ doubmiqa odocob uqa conoga toodu odoub. Ceteh odoc oso odocwe qee eu qee nijiaun. Odoc cunug ihoc ligian,” aden.

Matju 14:28

Pita je eu dumei uqa Jisas jejeg hewi madon, “Tibud, hinafi matecem ija toni wa tatacan hinaca ligen,” don.

Matju 14:30

Uqaqa fufu ben wawasen fimei cucuiimei gotoigia odon. Odi oodi eui Jisas madon, “Tibud, cahahatagale,” don.