Jenesis 9:20 - Bal cehec je haun

²⁰ Aria Noa uqa jehen cabi oc dana. Eunu uqa wain halu cabina cehimei aig cedimei wain wa muden.

Jenesis 9:20 Referans Kwoze

Jenesis 5:29

Odocob uqa maden, “Maha i Anut wele geuldon eunadec mel i ege cehi jecnu cabi culumenca oqonanu mel i uqa cesulgigian,” en. Eunu mel eu ijan Noa qon.

Jenesis 4:2

Odocob uqa hibna Ken waliag Ebel basen. Odocob Ebel uqa ben mimei dool cofadec dana calen qa Ken uqa ben mimei cabi ceteteh cehec dana calen.

Jenesis 3:23

Eunu Tibud Anut uqa dana caja Iden cabinadec ititacalen. Maha dana muden euna sab cehigiannu eunadec malen.

1 Korin 9:7

Cel dana uqa han cadec cabi umei uqadodoc uqana sab walena? Cel dana uqa wain cabina na wain cehena eu uqadodoc uqana cabinadec wain aig qee jena? Cel dana uqa sipsip cofadena eu uqadodoc agena su qee jena?

Jenesis 9:19

Mel ijed eu age Noa melahul. Odocob dana eu agenadec dana cajaca cunug sabijimeig fulusdocobil maha cunug ihoc len.

Jenesis 9:21

Saen osona wain wa muden eundec naha jimei dalul qon. Odocob uqa uqana lotoc tacec hulimei bical uqana lotoc talahna nijen.